ಬೇಸಿಗೆಗೆ ಎಳನೀರಿನ 5 ಬಹುಪಯೋಗ

ಲವಲವಿಕೆಸುದ್ದಿಲೋಕ

Vijaya Karnataka Web

ಬೇಸಿಗೆಯಲ್ಲಿ ಎಳನೀರು ಕುಡಿಯುವವರ ಸಂಖ್ಯೆ ಜಾಸ್ತಿಯಾಗಿದೆ. ಇದು ಆರೋಗ್ಯಕರ ಕೂಡ. ಇದರಲ್ಲಿ ಮಿನರಲ್ಸ್‌, ವಿಟಮಿನ್ಸ್‌, ಕಾರ್ಬೊಹೈಡ್ರೇಟ್ಸ್‌ ಇನ್ನೂ ಮುಂತಾದ ಅಂಶಗಳು ಪ್ರಕೃತಿದತ್ತವಾಗಿರುವುದರಿಂದ ಬೇಸಿಗೆಯಲ್ಲಿ ಎಳನೀರು ಸೇವನೆ ಅತ್ಯಂತ ಉಪಯುಕ್ತ ಎನ್ನುತ್ತಾರೆ ಡಯಟೀಶಿಯನ್ಸ್‌. ಎಳನೀರಿನ ಉಪಯೋಗದ ಬಗ್ಗೆ ಒಂದಿಷ್ಟು ಮಾಹಿತಿ ನೀಡಿದ್ದಾರೆ.

1. ತಂಪಾಗಿಸುವ ಎಳನೀರು

ಎಳನೀರು ಆರೋಗ್ಯಕ್ಕೆ ಹಿತಕರ. ಇದರ ಸೇವನೆಯಿಂದ ದೇಹದಲ್ಲಿ ಉಂಟಾಗುವ ಅತಿಯಾದ ಉಷ್ಣತೆಯನ್ನು ತಡೆಯಬಹುದು.

2. ಡಿಹೈಡ್ರೇಷನ್‌ನಿಂದ ಮುಕ್ತಿ

ಬೇಸಿಗೆಯಲ್ಲಿ ಅತಿಯಾದ ಬಿಸಿಲಿನ ತಾಪದಿಂದ ದೇಹವು ಡಿಹೈಡ್ರೆಷನ್‌ ಆಗುವ ಸಾಧ್ಯತೆಯಿರುತ್ತದೆ. ಅಂತಹ ಸಂದರ್ಭದಲ್ಲಿ ಎಳನೀರಿನ ಸೇವನೆ ದೇಹದಲ್ಲಿ ಚೈತನ್ಯವನ್ನು ತುಂಬುತ್ತದೆ. ಅಜೀರ್ಣವಾದ ಪರಿಸ್ಥಿತಿಯಲ್ಲಿ ಎಳನೀರನ್ನು ಸೇವಿಸಿದಾಗ ದೇಹಕ್ಕೆ ಶಕ್ತಿ ಸಿಗುವುದಲ್ಲದೇ ಚೈತನ್ಯವೂ ದೊರಕುತ್ತದೆ. ಎಳನೀರಿಗೆ ಜೀರ್ಣ ಶಕ್ತಿಯನ್ನು ಹೆಚ್ಚಿಸುವ ತಾಕತ್ತಿರುವುದು ಈಗಾಗಲೇ ಪ್ರೂವ್‌ ಆಗಿದೆ.

3. ಹೆಚ್ಚುವ ಚಟುವಟಿಕೆ

ಎಳನೀರಿನಲ್ಲಿ ಎಲೆಕ್ಟ್ರೋಲೈಟ್‌ ಮತ್ತು ಪೋಟಾಶಿಯಂ ಅಂಶವಿರುವ ಹಿನ್ನೆಲೆಯಲ್ಲಿ, ಇದು ಹೃದಯವನ್ನು ಸದಾ ಚಟುವಟಿಕೆಯಿಂದಿರಿಸುತ್ತದೆ ಎನ್ನುತ್ತಾರೆ ವೈದ್ಯರು. ಅಲ್ಲದೆ, ಕೊಲೆಸ್ಟ್ರಾಲ್‌ ಹಾಗೂ ಫ್ಯಾಟ್‌ ಫ್ರೀ ಆಗಿರುವುದರಿಂದ ಇದರ ಸೇವನೆ ಹೃದಯಕ್ಕೆ ಅತ್ಯುತ್ತಮವಾದ ಟಾನಿಕ್‌ನಂತೆ ಎನ್ನಬಹುದು.

4. ಆರೋಗ್ಯ ವೃದ್ಧಿ

ಹುಷಾರಿಲ್ಲದಾಗ ರೋಗಿಗಳ ದೇಹದಲ್ಲಿನ ವೈರಸ್‌, ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುತ್ತಾ ಆರೋಗ್ಯ ವೃದ್ಧಿಸಲು ಕಾರಣವಾಗುತ್ತದೆ. ಎಳನೀರು ಸೇವನೆಯಿಂದ ಮೈಲ್ಡ್‌ ಇನ್‌ಫೆಕ್ಷ ನ್‌ನಿಂದ ಮುಕ್ತಿ ಹೊಂದಬಹುದು. ಇದರಲ್ಲಿ ಆ್ಯಂಟಿ ಬ್ಯಾಕ್ಟೀರೀಯಲ್‌ ಶಕ್ತಿ ಇರುವುದರಿಂದ ದೇಹದಲ್ಲಿ ಸಣ್ಣ-ಪುಟ್ಟ ಇನ್‌ಫೆಕ್ಷ ನ್‌ಗಳಾದರೂ ಕೂಡ ಇದು ಹೊಡೆದೋಡಿಸುತ್ತದೆ.

5. ಕೊಬ್ಬಿಗೆ ಕಡಿವಾಣ

ಪ್ರತಿದಿನ ಎಳನೀರನ್ನು ಕುಡಿಯುವುದರಿಂದ ಮೂಳೆಗಳಲ್ಲಿ ಕ್ಯಾಲ್ಸಿಯಂ ಅಂಶ ಹೆಚ್ಚಾಗುತ್ತದೆ. ಎಳನೀರಿನಲ್ಲಿ ಕ್ಯಾಲ್ಸಿಯಂ ಹಾಗೂ ವಿಟಮಿನ್‌ಗಳು ಜಾಸ್ತಿಯಿರುವುದರಿಂದ ಇದನ್ನು ಸೇವಿಸಿದರೆ ಮೂಳೆಗಳಿಗೆ ಉತ್ತಮ. ವಾರಕ್ಕೊಂದು ದಿವಸ ಬರೀ ಎಳನೀರು ಸೇವಿಸಿ ಉಪವಾಸ ಮಾಡಿದರೆ ದೇಹದಲ್ಲಿರುವ ಕೊಬ್ಬು ಕರಗುತ್ತದೆ. ದೇಹ ಹಗುರಾಗುತ್ತದೆ.