ತ್ರಿವಳಿ ಬಣ್ಣದ ಫ್ಯಾನ್‌

ಇಂದಿನ ಗಣರಾಜ್ಯೋತ್ಸವ ದಿನವನ್ನು ಮನೆಯಲ್ಲೇ ತಿರಂಗಾ ಕ್ರಾಫ್ಟ್‌ ಮಾಡುವ ಮೂಲಕ ಆಚರಿಸಬಹುದು. ತ್ರಿವಳಿ ಬಣ್ಣಗಳ ಬಳಕೆ ಇರುವ ಈ ಕ್ರಾಫ್ಟ್‌ಗಳು ಸರಳ ಮತ್ತು ದೇಶಭಕ್ತಿ ಪ್ರಚೋದಕವೂ ಹೌದು.

ತ್ರಿವಳಿ ಬಣ್ಣದ ಫ್ಯಾನ್‌

ಕೈಯಲ್ಲೇ ಹಿಡಿದುಕೊಂಡು ಗಾಳಿ ಹಾಕಬಲ್ಲ ಫ್ಯಾನ್‌ ಅನ್ನು ತ್ರಿವಳಿ ವರ್ಣಗಳಿಂದ ಮಾಡಬಹುದು.

ಸಾಮಗ್ರಿ: ಕೇಸರಿ, ಬಿಳಿ, ಹಸಿರು, ನೀಲಿ ಬಣ್ಣದ ಪೇಪರ್‌, ಐಸ್‌ಕ್ರೀಮ್‌ ಸ್ಟಿಕ್‌, ಗಮ್‌

ವಿಧಾನ: ಮೂರು ಬಣ್ಣದ ಪೇಪರ್‌ಗಳನ್ನು ಪ್ರತ್ಯೇಕವಾಗಿ ಹಿಂದೆ-ಮುಂದೆ ಮಡಿಸಿ. ಬಳಿಕ ಒಂದಕ್ಕೊಂದು ಅಂಟಿಸಿ. ಕೊನೆಯದಾಗಿ ಐಸ್‌ಕ್ರೀಂ ಕಡ್ಡಿಗಳನ್ನು ಎರಡನ್ನು ಜೊತೆಯಾಗಿ ಅಂಟಿಸಿ ಅವಕ್ಕೆ ಈ ಪೇಪರ್‌ಗಳನ್ನು ಅಂಟಿಸಿ. ಮಧ್ಯಭಾಗದಲ್ಲಿ ನೀಲಿ ಬಣ್ಣದ ಪೇಪರ್‌ ಅನ್ನು ವೃತ್ತಾಕಾರವಾಗಿ ಕತ್ತರಿಸಿ ಅಂಟಿಸಿ. ಇದನ್ನು ಮಡಿಸಲೂಬಹುದು, ಬಿಡಿಸಲೂಬಹುದು. ಈಗ ತಿರಂಗಾ ಫ್ಯಾನ್‌ ರೆಡಿ.

ಟ್ರೈ ಕಲರ್‌ ರಿಸ್ಟ್‌ ಬ್ಯಾಂಡ್‌

ಗಣರಾಜ್ಯೋತ್ಸವದಂದು ಕೈಗೆ ಕಟ್ಟಿಕೊಳ್ಳುವ ಚೆಂದನೆಯ ಮೂರು ಬಣ್ಣದ ಹೂವಿನ ಬ್ಯಾಂಡ್‌ ಅನ್ನು ಮನೆಯಲ್ಲೇ ಮಾಡಿಕೊಳ್ಳಬಹುದು.

ಸಾಮಗ್ರಿ: ರಿಬ್ಬನ್‌, ತ್ರಿವಳಿ ಬಣ್ಣದ ಕ್ಲೇ, ಅಂಟು.

ವಿಧಾನ: ಮೂರು ಬಣ್ಣದ ಕ್ಲೇಯಲ್ಲಿ ಹೂವಿನ ಎಸಳುಗಳನ್ನು ರೆಡಿ ಮಾಡಿಕೊಳ್ಳಿ. ಇವನ್ನು ಕಾಗದದ ಮೇಲೆ ಅಂಟಿಸಿ ರಿಬ್ಬನ್‌ ಮೇಲೆ ಅಂಟಿಸಿ. ಆ ರಿಬ್ಬನ್‌ ಅನ್ನು ಗೆಳೆಯರ ಕೈಗೆ ಕಟ್ಟಿ. ಕ್ಲೇ ಬದಲು ಕೆಜಿ ಕಾರ್ಡ್‌ಬೋರ್ಡ್‌ನಲ್ಲಿಯೂ ಈ ಹೂದಳಗಳನ್ನು ಮಾಡಬಹುದು.