ಕಲರ್‌ಫುಲ್‌ ಹೋಳಿಗೆ ಊರ್ವಶಿ 3 ಟಿಫ್ಸ್‌

ಹೋಳಿ ಸಮೀಪಿಸುತ್ತಿದ್ದಂತೆ ಬಣ್ಣದ ಕಲರವ ಹೆಚ್ಚಾಗಿದೆ. ಯುವಕ-ಯುವತಿಯರಿಗಂತೂ ಎಲ್ಲಿಲ್ಲದ ಸಂಭ್ರಮ ಸಡಗರ. ಈ ಹಬ್ಬವನ್ನು ಹಿರಿಯ-ಕಿರಿಯರೆನ್ನುವ ಭೇದ-ಭಾವವಿಲ್ಲದೇ ಆಚರಿಸುತ್ತಾರೆ ಎನ್ನುವ ನಟಿ ಊರ್ವಶಿ ಹೋಳಿ ಸಂಭ್ರಮದಲ್ಲಿ ಪಾಲಿಸಲು ಒಂದಿಷ್ಟು ಸಲಹೆಗಳನ್ನು ನೀಡಿದ್ದಾರೆ.

ಕೆಮಿಕಲ್‌ ಕಲರವ ಬೇಡ

ಬಣ್ಣದ ಹಬ್ಬ ಹೋಳಿಯಲ್ಲೂ ಇಂದು ಕೆಮಿಕಲ್‌ ಕಲರವ ಹೆಚ್ಚಾಗಿದೆ. ಹೌದು. ಬಣ್ಣಗಳಲ್ಲಿ ಕೆಮಿಕಲ್‌ ಸೇರಿಸಲಾಗಿದ್ದು, ಬಹಳಷ್ಟು ಬಣ್ಣಗಳು ಅಪಾಯಕಾರಿ ರಾಸಾಯನಿಕ ಅಂಶಗಳನ್ನೊಳಗೊಂಡಿವೆ. ಕಣ್ಣು, ಮೂಗು ಇತರೇ ಸೂಕ್ಷ್ಮ ಜಾಗಗಳಿಗೆ ಬಿದ್ದಾಗ ಅಪಾಯಕಾರಿಯಾಗುವ ಸಂಭವವೇ ಹೆಚ್ಚು. ಹಾಗಾಗಿ ಆದಷ್ಟೂ ಕೆಮಿಕಲ್‌ರಹಿತ ಬಣ್ಣಗಳನ್ನು ಬಳಸಿದರೇ ಉತ್ತಮ ಎನ್ನುತ್ತಾರೆ ಊರ್ವಶಿ. ಮಾರುಕಟ್ಟೆಯಲ್ಲಿ ನೈಸರ್ಗಿಕ ಬಣ್ಣಗಳು ಲಭ್ಯವಿರುತ್ತದೆ. ಕೊಂಚ ದುಬಾರಿಯಾದರೂ ಇವುಗಳಿಂದ ದೇಹಕ್ಕೆ ಯಾವುದೇ ಬಗೆಯ ಹಾನಿಯುಂಟಾಗುವುದಿಲ್ಲ ಎನ್ನುತ್ತಾರೆ ಎನ್ನುತ್ತಾರೆ ಚರ್ಮ ವೈದ್ಯರು.

ಹೋಕುಳಿಯಾಟ

ಬಣ್ಣ ತುಂಬಿದ ಪಿಚಕಾರಿಯಲ್ಲಿ ಎಲ್ಲರಿಗೂ ಬಣ್ಣ ಹಾರಿಸುವ ಆಟದಲ್ಲಿ ಕಣ್ಣು ಹಾಗೂ ಕಿವಿಗೆ ಹೋಗದಂತೆ ನೋಡಿಕೊಳ್ಳಿ. ಬಣ್ಣವನ್ನು ಮುಖಕ್ಕೆ ಹಚ್ಚಿ ಆಟವಾಡುವ ಸಲುಗೆ ಈ ಹಬ್ಬದಲ್ಲಿ ಮಾತ್ರ ಹಾಗಾಗಿ ತ್ವಚೆಯ ಬಗ್ಗೆಯೂ ಗಮನವಹಿಸಿ. ಆಟದ ನಂತರ ಕ್ಲೆನ್ಸಿಂಗ್‌ ಮಾಡಿ. ಫ್ರೆಶ್‌ ಆಗಿ ಎನ್ನುತ್ತಾರೆ.

ಆದಷ್ಟೂ ಕಾಲಿಗೆ ಸಿಲುಕುವ ಹಾಗೂ ಕಂಫರ್ಟಬಲ್‌ ಅಲ್ಲದ ಉಡುಪುಗಳನ್ನು ಧರಿಸಬೇಡಿ. ಇವು ಹೋಳಿಯಾಡುವಾಗ ನಿಮಗೆ ಕಿರಿಕಿರಿಯುಂಟು ಮಾಡಬಹುದು ಎನ್ನುತ್ತಾರೆ.