ವಿಂಟರ್‌ಗೆ ಊರ್ವಶಿ 3 ಸಲಹೆ

ಚಳಿಗಾಲದಲ್ಲಿ ಆದಷ್ಟೂ ಆರೋಗ್ಯದ ಬಗ್ಗೆ ಗಮನ ನೀಡುವುದು ಮುಖ್ಯ ಎನ್ನುತ್ತಾರೆ ಬಾಲಿವುಡ್‌ ನಟಿ ಊರ್ವಶಿ ರೌತೇಲಾ. ಅವರ ಪ್ರಕಾರ, ಚಳಿಗಾಲದಲ್ಲಿ ಆರೋಗ್ಯ ಚೆನ್ನಾಗಿದ್ದಲ್ಲಿ, ತ್ವಚೆಯು ಕೂಡ ಸುಂದರವಾಗಿ ಕಾಣುತ್ತದೆ ಎನ್ನುತ್ತಾರೆ ಅವರು.

ಸಾಬೂನಿನ ಬಳಕೆ ಕಡಿಮೆ ಮಾಡಿ

ಪದೇ ಪದೇ ಸಾಬೂನಿನ ಬದಲು ಆದಷ್ಟೂ ಬೆಸನ್‌ ಪೌಡರ್‌ ಅಂದರೆ ಕಡಲೆ ಹಿಟ್ಟನ್ನು ಬಳಸಬಹುದು. ಇದು ಚರ್ಮದ ಕಲೆಗಳ ನಿವಾರಣೆಯನ್ನು ಮಾಡುತ್ತದೆ. ಅಂದಹಾಗೆ, ಹೊಂದುವಂತಹ ಚರ್ಮಕ್ಕೆ ಮಾತ್ರ ಬಳಸಬೇಕು ಎನ್ನುತ್ತಾರೆ. ಚಳಿಗಾಲ ಮುಗಿಯುವವರೆಗೂ ಚರ್ಮದ ಸಮಸ್ಯೆ ಇದ್ದೇ ಇರುತ್ತದೆ. ಹಾಗಾಗಿ ಮನೆಯಲ್ಲೆ ದೊರೆಯುವ ಹರ್ಬಲ್‌ ಪದಾರ್ಥಗಳಿಂದ ಸಮಸ್ಯೆಯನ್ನು ನಿವಾರಿಸಿಕೊಳ್ಳಬಹುದು ಎನ್ನುತ್ತಾರೆ.

ಬಾದಾಮಿ ಎಣ್ಣೆಯ ಮಸಾಜ್‌

'ಕೂದಲಿಗೆ ಬಾದಾಮಿ ಎಣ್ಣೆಯನ್ನು ಹಚ್ಚಿ ಮಸಾಜ್‌ ಮಾಡುತ್ತೇನೆ. ಇದು ಕೂದಲಿಗೆ ಕಾಂತಿ ನೀಡುತ್ತಲ್ಲದೆ ಪಳ ಪಳ ಹೊಳೆಯುವಂತೆ ಮಾಡುತ್ತದೆ. ಚಳಿಗಾಲಕ್ಕೆ ಇದು ಬೆಸ್ಟ್‌ ಹೇರ್‌ಕೇರ್‌' ಎನ್ನುತ್ತಾರೆ ರೌತೇಲಾ. ಹಾಗೆಯೇ ಬಾದಾಮಿ ಎಣ್ಣೆಯನ್ನು ಆಗಾಗ್ಗೆ ಚರ್ಮಕ್ಕೂ ಲೇಪಿಸಿ ಕೊಂಚ ಮಸಾಜ್‌ ಮಾಡುವುದರಿಂದ ಚರ್ಮ ಮೃದುವಾಗುತ್ತದೆ ಎಂಬುದು ಅವರ ಅಭಿಪ್ರಾಯ. ಅವರವರ ತ್ವಚೆಗೆ ಹೊಂದುವಂತೆ ಬಳಸುವುದು ಉತ್ತಮ ಎನ್ನುತ್ತಾರೆ.

ಬಿಸಿಲಿಗೆ ಮೈ ಒಡ್ಡದಿರುವುದು ಉತ್ತಮ

ಚಳಿಗಾಲದಲ್ಲಿ ತುಂಬಾ ಚಳಿಯಿದೆಯೆಂದು, ಬಿಸಿಲಿಗೆ ಮೈಯೊಡ್ಡಿದರೆ, ನಿಮ್ಮ ಚರ್ಮಕ್ಕೆ ಹಾನಿಯಾಗುವುದು ಖಂಡಿತಾ. ಬೆಳಗಿನ ಎಳೆಬಿಸಿಲು ದೇಹಕ್ಕೆ ಹಾನಿಯುಂಟು ಮಾಡದಿದ್ದರೂ, ನಂತರದ ಉರಿಬಿಸಿಲಿನಿಂದ ಚರ್ಮ ಕಪ್ಪಾಗುತ್ತದೆ. ಆದುದರಿಂದ, ಮನೆಯಿಂದ ಹೊರಹೋಗುವ ಮೂವತ್ತು ನಿಮಿಷಗಳ ಮೊದಲು ದೇಹಕ್ಕೆ ಸನ್‌ ಬರ್ನ್‌ ಕ್ರೀಂ ಹಚ್ಚಿಕೊಳ್ಳುವುದು ಉತ್ತಮ ಎಂದು ಸಲಹೆ ನೀಡುತ್ತಾರೆ.