ವರಮಹಾಲಕ್ಷ್ಮಿ ಹಬ್ಬದ ಶಾಪಿಂಗ್‌

ಲವಲವಿಕೆಸುದ್ದಿಲೋಕ

ವರಮಹಾಲಕ್ಷ್ಮಿ ಹಬ್ಬಕ್ಕೆ ನಾನಾ ಬಗೆಯ ಎಥ್ನಿಕ್‌ವೇರ್‌ ಡಿಸೈನರ್‌ವೇರ್‌ಗಳು ಎಂಟ್ರಿ ನೀಡಿದ್ದು, ಶಾಪಿಂಗ್‌ ಸೆಂಟರ್‌ಗಳು ವಿನೂತನ ಆಫರ್‌ಗಳನ್ನು ನೀಡುತ್ತಿವೆ.

ಎಥ್ನಿಕ್‌ ಡಿಸೈನರ್‌ವೇರ್‌

'ಹಬ್ಬಗಳ ಸೀಸನ್‌ನಲ್ಲಿ ಎಲ್ಲಿ ನೋಡಿದರೂ ಇಂಡಿಯನ್‌ ಎಥ್ನಿಕ್‌ವೇರ್‌ಗಳದ್ದೇ ದರ್ಬಾರು. ಇವು ಪ್ರತಿ ಸ್ತ್ರೀಯ ಸೌಂದರ್ಯವನ್ನು ಹೆಚ್ಚಿಸುವುದರೊಂದಿಗೆ ಆಕರ್ಷಕವಾಗಿ ಬಿಂಬಿಸುತ್ತವೆ'ಎನ್ನುತ್ತಾರೆ ಸ್ಟೈಲಿಸ್ಟ್ಸ್‌. ಇನ್ನು ಪುರುಷರಿಗೂ ಸಾಕಷ್ಟು ಶೈಲಿಯ ಶೆರ್ವಾನಿ, ಪಂಚೆ-ಶರ್ಟ್‌ ಹಾಗೂ ಧೋತಿ ಸೆಟ್‌ನ ಎಥ್ನಿಕ್‌ವೇರ್‌ಗಳು ಆಗಮಿಸಿವೆ.

ಬೇಡಿಕೆ ಹೆಚ್ಚಿಸಿಕೊಂಡ ಸೀರೆಗಳು

ಈಗಾಗಲೇ ಮಾರುಕಟ್ಟೆಯಲ್ಲಿ ಫ್ಯಾಷನ್‌ ಡಿಸೈನರ್‌ವೇರ್‌ನಲ್ಲಿ ಸಾಕಷ್ಟು ವೆರೈಟಿ ಉಡುಪುಗಳು ಲಭ್ಯ. ಅದರಲ್ಲೂ ಟ್ರಡಿಷನಲ್‌ ಲುಕ್‌ಗೆ ಸಾಥ್‌ ನೀಡುವ ಲೇಟ್‌ವೇಟ್‌ ರೇಷ್ಮೆ ಸೀರೆಗಳು, ಸ್ಟೋರಿ ಟೆಲ್ಲಿಂಗ್‌, ಕಲಾಂಕಾರಿ, ಬಿಗ್‌ ಬಾರ್ಡರ್‌ ಸೀರೆಗಳು ಇಂದು ಪ್ರಚಲಿತದಲ್ಲಿವೆ. ಅದನ್ನು ಹೊರತುಪಡಿಸಿದರೇ ಬೂಟಾ, ಚೆಕ್ಸ್‌ ಹಾಗೂ ಬಾಕ್ಸ್‌ ನಂತಹ ಓಲ್ಡ್‌ ಡಿಸೈನ್‌ಗಳು ಹೊಸ ರೂಪದಲ್ಲಿ ಶೈನಿಂಗ್‌ನಲ್ಲಿ ಮರಳಿವೆ. ಸಾಫ್ಟ್‌ ಸಿಲ್ಕ್‌ನಲ್ಲಿ ಜಿಯೊಮೆಟ್ರಿಕಲ್‌ ಪ್ರಿಂಟ್ಸ್‌ನವು, ಝರಿ ಸ್ಟ್ರೈಫ್ಸ್‌ ಇಲ್ಲವೇ ಮಲ್ಟಿಪಲ್‌ ಶೇಡ್ಸ್‌ ಒಳಗೊಂಡ ಪ್ಲೇನ್‌ ಲುಕ್‌ನ ರೇಷ್ಮೆ ಹಾಗೂ ಇತರೇ ಸಿಲ್ಕ್‌ ಸೀರೆಗಳು ಬೇಡಿಕೆ ಪಡೆದುಕೊಂಡಿವೆ ಎನ್ನುತ್ತಾರೆ ಫ್ಯಾಷನ್‌ ಎಕ್ಸ್‌ಪರ್ಟ್‌ಗಳು.

ಡಿಸೈನರ್‌ವೇರ್‌

ಇತರೇ ಡಿಸೈನರ್‌ವೇರ್‌ ವಿಷಯಕ್ಕೆ ಬಂದರೇ, ಪ್ರಿಂಟೆಡ್‌ ಫ್ಲೋರಲ್‌ ಶೈನಿ ಗಾಗ್ರ ಹಾಗೂ ಜಾಕೆಟ್‌ ಸ್ಟೈಲ್‌, ಕಮೀಝ್‌ ಗಾಗ್ರಗಳು ಹೆಚ್ಚು ಟ್ರೆಂಡ್‌ನಲ್ಲಿವೆ. ಮಾನಿನಿಯರಿಗೆ ಇವು ಆಕರ್ಷಕವಾಗಿ ಕಾಣುತ್ತವೆ.

ಟ್ರಡಿಷನಲ್‌ ಲುಕ್‌ ಎಂದಾಕ್ಷಣ ವೈಟ್‌ ಹಾಗೂ ಬ್ಲಾಕ್‌ ಮೆಟಲ್‌ ಜುವೆಲ್‌ಗಳು ಮಾರು ದೂರ ಸರಿಯುತ್ತವೆ. ಟ್ರೆಂಡ್‌ನಲ್ಲಿರುವ ಬಂಗಾರದ ಲೆಯರ್ಡ್‌ ಜುವೆಲ್‌ ಈ ಟ್ರಡಿಷನಲ್‌ ಲುಕ್‌ಗೆ ಜತೆಯಾಗುತ್ತವೆ. ಪರ್ಫೆಕ್ಟ್ ವುಮೆನ್‌ ಲುಕ್‌ಗೆ ಇವು ಕಾರಣವಾಗುತ್ತವೆ.

--------------

ಕೋಟ್ಸ್‌

ಎಥ್ನಿಕ್‌ ಸ್ಟೈಲ್‌ನ ಡಿಸೈನರ್‌ವೇರ್‌ಗಳನ್ನು ಕೊಳ್ಳಲು ಇದು ಸಕಾಲ ಎಂದರೂ ಅತಿಶಯೋಕ್ತಿಯಾಗದು!

- ಸಂಚಿತಾ, ನಟಿ