ಸಂಡೆಗೆ ಮುಗಿಯಲಿ ಮಂಡೆ ಸಿಂಡ್ರೋಮ್

ಶನಿವಾರ, ಭಾನುವಾರ ಬಂದಿತೆಂದರೆ ಉದ್ಯೋಗಿಗಳಿಗೆ ಹಬ್ಬ. ವಾರಾಂತ್ಯವನ್ನು ಹೀಗೆಯೇ ಕಳೆಯಬೇಕೆಂದು ಪ್ರಿಪ್ಲ್ಯಾನ್ ಮಾಡಿಕೊಂಡಿರುತ್ತಾರೆ. ಮತ್ತೆ ಕೆಲವರು 2 ದಿನ ಹಾಯಾಗಿ ನಿದ್ದೆ ಮಾಡಿಕೊಂಡೇ ಕಳೆಯುತ್ತಾರೆ. ಎರಡು ದಿನ ಹೇಗೆ ಕಳೆಯುತ್ತದೆ ಎಂಬುದೇ ತಿಳಿಯುವುದಿಲ್ಲ. ಮರುದಿನ ಎಂದಿನಂತೆ ಮತ್ತೆ ಆಫೀಸಿಗೆ ಹೋಗಬೇಕು ಎನ್ನುವುದೇ ಮರೆತು ಹೋಗಿರುತ್ತದೆ.

ಅದೊಂತರ ಮಂಡೆ ಸಿಂಡ್ರೋಮ್. ಅಯ್ಯೋ ಸುಸ್ತು, ನಿದ್ದೆ ಎನ್ನುವವರೇ ಹೆಚ್ಚು. ಏಳಲು ನಿರುತ್ಸಾಹ. ಮನಸ್ಸು ಕೂಡ ಮನೆಯಲ್ಲೇ ಇರೋಣ ಎಂದು ಬಯಸುತ್ತದೆ. ಆದ್ರೆ ಹೋಗಲೇ ಬೇಕು. ಅದು ಅನಿವಾರ್ಯ.

ವೀಕೆಂಡ್ ಮೋಜು ಮುಗಿಸಿ ಸೋಮವಾರ ಟಿಪ್ ಟಾಪ್ ಆಗಿ ಆಫೀಸಿಗೆ ಹೋಗಬೇಕು ಅಂದ್ರೆ ಅವತ್ತು ರಾತ್ರಿ ಅಥವಾ ಮರುದಿನ ಬೆಳಗ್ಗೆ ಒಂದಿಷ್ಟು ಚಟುವಟಿಕೆಯಲ್ಲಿ ತೊಡಗಿಕೊಳ್ಳಿ.

1. ವಿಷಕಾರಿ ಅಂಶಗಳನ್ನು ದೇಹದಿಂದ ಹೊರ ಹಾಕಿ.

ಲೀಟರ್‌ಗಟ್ಟಲೆ ನೀರು ಕುಡಿಯಬೇಕು. ಅದು ವೀಕೆಂಡಲ್ಲಿ ದೇಹದೊಳಗೆ ಹೋದ ಆಲ್ಕೋಹಾಲ್ ಕಂಟೆಂಟ್, ಫಾಸ್ಟ್ ಫುಡ್‌ಗಳ ವಿಷಕಾರಿ ಅಂಶಗಳನ್ನು ಹೊರ ಹಾಕಲು ಸಹಾಯಕ.

2. ಕಣ್ತುಂಬ ನಿದ್ದೆ ಮಾಡಿ

ಶನಿವಾರವೇ ಆದಷ್ಟು ಲೇಟ್ ನೈಟ್ ಪಾರ್ಟಿಗಳನ್ನು ಮುಗಿಸಿದರೆ ಉತ್ತಮ. ಸಂಡೆ ಇಡೀ ದಿನ ಹೊರಗಡೆ ಓಡಾಡಿದರೂ ರಾತ್ರಿ ಬೇಗನೆ ನಿದ್ರಿಸುವಂತಿರಬೇಕು. ನಿದ್ದೆ ಚೆನ್ನಾಗಿ ಬಿದ್ದರೆ ಆಯಾಸಸಹಜವಾಗಿ ಪರಿಹಾರವಾಗುತ್ತದೆ.

3. ಬಾಡಿ ಸ್ಟ್ರೆಚ್ ಮಾಡಿ

ಬೆಳಗೆದ್ದು ಮೈಮುರಿಯುತ್ತಾ ಬಾಡಿ ಸ್ಟ್ರೆಚ್ ಮಾಡುವ ಬದಲು, ಸ್ವಲ್ಪ ಹೊತ್ತು ವ್ಯಾಯಾಮ ಮಾಡಿದರೆ ಜಡತ್ವ ದೂರವಾಗುತ್ತದೆ.

4. ಗ್ರೀನ್ ಟೀ

ನಿರುತ್ಸಾಹವನ್ನು ಹೊಡೆದು ಹಾಕಿ ಗ್ರೀನ್ ಟಿ ನಿಮನ್ನು ರಿಫ್ರೆಶ್ ಮಾಡುತ್ತದೆ.

5. ಮಿಲ್ಕ್‌ಶೇಕ್

ಬಾಳೆಹಣ್ಣಿನಲ್ಲಿರುವ ಮ್ಯಾಗ್ನೇಷಿಯಂ ಹಾಗೂ ಪೊಟ್ಯಾಷಿಯಂ ನಿಮ್ಮ ಹ್ಯಾಂಗ್‌ಓವರ್ ಇಳಿಸುತ್ತದೆ.