ತುಟಿಯ ಮೇಲೆ ಬೆರಳಿಟ್ಟು ಸೆಲ್ಫಿ ಕ್ಲಿಕ್ಕಿಸಿ

ಕೆಲವರ ತುಟಿ ಸುಮ್ಮನೆ ಇರುವುದಿಲ್ಲ. ಅದರ ಮೇಲೆ ಬೆರಳುಗಳಿರುತ್ತವೆ. ಸದಾ ತುಟಿಗಳ ಮೇಲೆ ಬೆರಳಿಟ್ಟರೆ ಅಥವಾ ಹಲ್ಲುಗಳ ನಡುವೆ ಉಗುರುಗಳನ್ನಿಟ್ಟುಕೊಳ್ಳುವುದು ಕೆಲವರಿಗೆ ಅಭ್ಯಾಸ. ಆದರೆ ಅದೇ ರೂಢಿ ಇದೀಗ ಸೆಲ್ಫಿ ರೂಪದಲ್ಲಿ ಯುವ ಜನತೆಯನ್ನು ಸೆಳೆದಿದೆ.
ತುಟಿಯ ಮೇಲೆ ಅಥವಾ ತುಟಿಯೊಳಗೆ ಬೆರಳನ್ನು ಇಡುವ ಮೂಲಕ ಸೆಲ್ಫಿ ತೆಗೆದುಕೊಳ್ಳುವುದು ಕೇವಲ ಸೆಲ್ಫಿ ಕ್ರೇಜ್‌ ಅಲ್ಲ, ಬ್ಯೂಟಿ ಟ್ರೆಂಡ್‌ ಕೂಡ ಹೌದು. ತುಟಿಯ ಬಣ್ಣ, ನೇಲ್‌ ಪಾಲಿಶ್‌, ತ್ವಚೆಯ ಮೂಲಕ ಗಮನ ಸೆಳೆಯುವುದು ಕೂಡ ಹೌದು. ಸಾಮಾನ್ಯವಾಗಿ ನಟಿಯರು, ಮಾಡೆಲ್‌ಗಳು ಪೋಟೋಶೂಟ್‌ ಸಮಯದಲ್ಲಿ ಇಂತಹ ಪೋಸ್‌ ಕೊಡುತ್ತಾರೆ.
ಹಾಲಿವುಡ್‌ ನಟಿಯರಾದ ಕೈಲಿ ಜೆನ್ನರ್‌, ಕಿಮ್‌ ಕರ್ದೇಶಿಯಾ ಸೇರಿದಂತೆ ಹಲವುರು ಇದನ್ನು ಟ್ರೈ ಮಾಡಿದ್ದಾರೆ. ಈ ಬಗ್ಗೆ ನಟಿ ಕೈಲಿ ಜನ್ನರ್‌ ಹೇಳಿದ್ದೇನು ಅಂದರೆ 'ನಾನು ನನ್ನ ತುಟಿಗಳ ಬಗ್ಗೆ ಅಸುರಕ್ಷೆ ಭಾವ ಹೊಂದಿದ್ದೆ. ಯಾವಾಗಲೂ ನನ್ನ ಬೆರಳು ತುಟಿಯ ಮೇಲಿರುತ್ತಿತ್ತು. ಈಗ ಅಂತಹ ಫೋಟೊಗಳನ್ನೇ ಪೋಸ್ಟ್‌ ಮಾಡುತ್ತೇನೆ ಎನ್ನುತ್ತಾರೆ.
ಸಾಮಾನ್ಯವಾಗಿ ಸೆಲ್ಫಿ ಸ್ವಮೋಹದ ಜತೆ ಆತ್ಮವಿಶ್ವಾಸನ್ನು ಹೆಚ್ಚಿಸುತ್ತದೆ ಎನ್ನುತ್ತಾರೆ. ಈ ನಿಟ್ಟಿನಲ್ಲಿ ಇದೊಂದು ಧನಾತ್ಮಕ ಸಂಗತಿಯನ್ನು ತಿಳಿಸುವುದಾದರೆ ಇಂತಹದ್ದೊಂದು ಸೆಲ್ಫಿ ಟ್ರೈ ಮಾಡಬಹುದು.