ಮಾವಿನ ಹಣ್ಣು ತಿನ್ನದಿದ್ದರೆ ಆರೋಗ್ಯಕ್ಕೆ ನಷ್ಟ!

ಮಾವಿನ ಹಣ್ಣನ್ನು ನೋಡುವಾಗ ತಿನ್ನಬೇಕೆಂದು ಅನಿಸುತ್ತದೆ. ಆದರೆ ಎಲ್ಲಿ ದಪ್ಪಗಾಗುತ್ತೇನೆ ಎಂಬ ಭಯದಿಂದ ಆ ಹಣ್ಣನ್ನು ದೂರವಿಡುತ್ತಿದ್ದೀರಾ? ಹಾಗಾದರೆ ನೀವು ತಪ್ಪು ಮಾಹಿತಿಯಿಂದಾಗಿ ಹಾಗೆ ಮಾಡುತ್ತಿದ್ದೀರಾ.

ಸೀಸನ್‌ನಲ್ಲಿ ದೊರೆಯುವ ಮಾವಿನ ಹಣ್ಣನ್ನು ತಿನ್ನಲೇಬೇಕೆಂದು ಸೆಲೆಬ್ರಿಟಿ ನ್ಯೂಟ್ರಿಷಿಯನ್ ರುಜುತ ದಿವಾಕರ್‌ ಸಲಹೆ ನೀಡುತ್ತಾರೆ.

ಹೆರಿಗೆಯ ನಂತರ ತೂಕ ಕಮ್ಮಿಯಾಗಲು ಕರೀನಾ ಕಪೂರ್‌ ಕೂಡ ಈ ನ್ಯೂಟ್ರಿಷಿಯನ್‌ ಸಲಹೆ ಪಾಲಿಸುತ್ತಿದ್ದಾರೆ. ಈ ನ್ಯೂಟ್ರಿಷಿಯನ್‌ ಈ ಸಮಯದಲ್ಲಿ ಮಾವಿನ ಹಣ್ಣನ್ನು ತಿನ್ನುವುದನ್ನು ಏಕೆ ಮಿಸ್‌ ಮಾಡಬಾರದೆಂದು ಕಾರಣ ಸಹಿತ ವಿವರಿಸುತ್ತಾರೆ ನೋಡಿ:

ರುಜುತ ಅವರ ಪ್ರಕಾರ ಮಾವಿನ ಹಣ್ಣನ್ನು ತಿನ್ನಲೇಬೇಕು ಎನ್ನುವುದಕ್ಕೆ ಪ್ರಮುಖ ಕಾರಣಗಳೆಂದರೆ

* ಅದು ಸ್ಥಳೀಯ ಹಣ್ಣು, ಸ್ಥಳೀಯ ಹಣ್ಣುಗಳು ಯಾವಾಗಲೂ ಆರೋಗ್ಯಕ್ಕೆ ಒಳ್ಳೆಯದು.
* ಇದು ಸೀಸನ್ ಹಣ್ಣು. ಸೀಸನ್ ಹಣ್ಣುಗಳಲ್ಲಿ ಆಯಾ ಕಾಲಕ್ಕೆ ತಕ್ಕಂತೆ ನಮ್ಮ ಆರೋಗ್ಯವನ್ನು ಕಾಪಾಡುವ ಗುಣವಿರುತ್ತದೆ.'

ಮಾವಿನ ಹಣ್ಣಿನಲ್ಲಿರುವ ಪೋಷಕಾಂಶಗಳು

ವಿಟಮಿನ್ ಎ: ಇದು ತ್ವಚೆಗೆ ತುಂಬಾ ಒಳ್ಳೆಯದು.

ವಿಟಮಿನ್‌ ಸಿ: ನಮ್ಮ ಮೂಳೆಗೆ ಒಳ್ಳೆಯದು.

ನಾರಿನಂಶ: ಮಾವಿನ ಹಣ್ಣು ಮಲಬದ್ಧತೆ ನಿವಾರಣೆ ತುಂಬಾ ಒಳ್ಳೆಯದು. ಇದು ಕೊಲೆಸ್ಟ್ರಾಲ್‌ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ವಿಟಮಿನ್‌ ಬಿ6: ಕೆಲವರಿಗೆ ಹೊಟ್ಟೆ ಉಬ್ಬುವ ಸಮಸ್ಯೆ ಕಂಡು ಬರುತ್ತದೆ. ವಿಟಮಿನ್‌ 6 ಈ ಸಮಸ್ಯೆ ಬರದಂತೆ ತಡೆಯಲು ಸಹಕಾರಿ.

ತಪ್ಪು ಕಲ್ಪನೆಗಳು

ಮಾವಿನ ಹಣ್ಣನ್ನು ಮಧುಮೇಹಿಗಳು ತಿನ್ನಬಾರದು, ಈ ಹಣ್ಣು ತಿಂದರೆ ತೂಕ ಹೆಚ್ಚುವುದು, ದೇಹದ ಉಷ್ಣತೆ ಹೆಚ್ಚುವುದು ಇವೆಲ್ಲಾ ತಪ್ಪು ಕಲ್ಪನೆಗಳು.

ಆದ್ದರಿಂದ ಈ ಸೀಸನ್‌ನಲ್ಲಿ ದೊರೆಯುವ ಮಾವಿನ ಹಣ್ಣನ್ನು ಮಿಸ್‌ ಮಾಡದೆ ತಿನ್ನಿ ಎನ್ನುವುದು ರುಜುತ ಅವರ ಸಲಹೆ.