ಈ 4 ಸಿಂಪಲ್ ಟಿಪ್ಸ್ ಪಾಲಿಸಿದರೆ ಸೌಂದರ್ಯ ಹೆಚ್ಚುವುದು

ಸದಾ ಚೆನ್ನಾಗಿ ಕಾಣಬೇಕು, ಹೊರಗೆ ಹೋದಾಗ ಆಕರ್ಷವಾಗಿ ಎಲ್ಲರ ಗಮನ ಸೆಳೆಯಬೇಕು ಎಂಬುದು ಪ್ರತಿಯೊಬ್ಬರು ಬಯಸುವುದು ಸಹಜ. ನಿಮ್ಮ ಸೌಂದರ್ಯ ಕಾಪಾಡಲು ಈ ಸಿಂಪಲ್‌ ಟಿಪ್ಸ್ ಪಾಲಿಸಲೇಬೇಕು:

1. ಮುಖದ ವಾಶ್‌
ದಿನಕ್ಕೆ ಒಂದು ಬಾರಿ ಮುಖ ತೊಳೆದರೂ ಸಾಕು, ಸಾಧ್ಯವಾದರೆ ಫೇಶಿಯಲ್‌ ವೈಫ್ಸ್‌ ಬಳಸಬಹುದು. ನಿಮ್ಮ ತ್ವಚೆಗೆ ಯಾವ ಫೇಶಿಯಲ್‌ ವೈಫ್ಸ್‌ ಸೂಟ್‌ ಆಗುತ್ತದೆ ಅದನ್ನೇ ಬಳಸಬೇಕು. ಮಲಗುವುದಕ್ಕೂ ಮುನ್ನ ತ್ವಚೆಯು ತೇವಾಂಶದಿಂದ ಕೂಡಿರಬೇಕು. ತ್ವಚೆಯಲ್ಲಿ ಮೇಕಪ್‌ ಹಾಗೆಯೇ ಉಳಿದಿದ್ದರೆ ಇದು ಹಾನಿಕಾರಕ. ತ್ವಚೆಯು ಕಾಂತಿ ಕಳೆದುಕೊಳ್ಳುತ್ತದೆ.

2. ಕಶ್ಮಲ ನಿವಾರಣೆ
ದೇಹ ನಿರ್ಜಲೀಕರಣಗೊಳ್ಳುವುದನ್ನು ತಪ್ಪಿಸಬೇಕು. ಹೀಗಾಗಿ ಸಾಕಷ್ಟು ಪ್ರಮಾಣದಲ್ಲಿ ನೀರು ಕುಡಿಯಬೇಕು. ಇದು ದೇಹದಿಂದ ವಿಷಕಾರಿ ಅಂಶವನ್ನು ಹೊರ ಹಾಕುತ್ತದೆ ಮತ್ತು ದೋಷಯುಕ್ತ ಆಹಾರ ಸೇವನೆಯಿಂದ ತ್ವಚೆಯಲ್ಲಿ ಶೇಖರಣೆಯಾಗುವ ಕಲ್ಮಶವನ್ನು ಕೂಡ ತೆಗೆದು ಬಿಡುತ್ತದೆ.

3. ಕಂಗಳ ಆರೈಕೆ
ಕಣ್ಣಿನ ಸುತ್ತಲಿನ ತ್ವಚೆಯು ಅತಿ ಸೂಕ್ಷ್ಮವಾಗಿರುತ್ತದೆ. ಈ ಭಾಗದ ಬಗ್ಗೆ ಸಾಕಷ್ಟು ಮುಂಜಾಗ್ರತೆ ತೆಗೆದುಕೊಳ್ಳಬೇಕು. ಈ ಭಾಗಕ್ಕೆ ಯಾವುದೇ ಫೇಸ್‌ಪ್ಯಾಕ್‌ ಬಳಸಲು ಅಸಾಧ್ಯವಾಗಿರುವುದರಿಂದ ಸೌತೆಕಾಯಿಯನ್ನು ಕತ್ತರಿಸಿ ಕಣ್ಣಿನ ಮೇಲೆ ಕೆಲವು ನಿಮಿಷಗಳ ಕಾಲ ಇರಿಸಬೇಕು.

4. ಉತ್ತಮ ಹವ್ಯಾಸ
ಸಮತೋಲಿತ ಆಹಾರದೊಂದಿಗೆ ನಿಯಮಿತವಾಗ ವ್ಯಾಯಾಮ ಮಾಡುವುದು ಕೂಡ ಒಳ್ಳೆಯ ಹವ್ಯಾಸ. ಯೋಗ, ಶಾರೀರಿಕವಾಗಿ ಚಟುವಟಿಕೆಯಿಂದ ಇದ್ದರೆ ಇಮ್ಯೂನಿಟಿ ಹೆಚ್ಚಾಗುತ್ತದೆ. ದೇಹ, ಮನಸು ಕೂಡ ಒತ್ತಡ ಮುಕ್ತವಾಗಿರುತ್ತದೆ. ತ್ವಚೆ ಮತ್ತು ನೆತ್ತಿಯಲ್ಲಿ ರಕ್ತ ಸಂಚಾರ ಕೂಡ ಸಲೀಸಾಗಿ ಆಗುತ್ತದೆ.