ಪುರುಷರು ಮಾಡುವ 5 ಬ್ಯೂಟಿ ಮಿಸ್ಟೇಕ್ಸ್

ಮಹಿಳೆಯರು ಮಾತ್ರ ಮೇಕಪ್‌ಗೆ ಗಂಟೆಗಟ್ಟಲೆ ಸಮಯ ತೆಗೆದುಕೊಳ್ಳುತ್ತಾರೆ ಎಂಬ ದಿನಗಳು ಹೋಗಿವೆ. ಈಗ ಮಹಿಳೆಯರಷ್ಟೇ ಪುರುಷರು ಕೂಡ ತಮ್ಮ ಸೌಂದರ್ಯ ಹೆಚ್ಚಿಸಿಕೊಳ್ಳುವಲ್ಲಿ ಆಸಕ್ತಿ ಹೊಂದಿದ್ದಾರೆ.

ಆಫೀಸ್‌ಗೆ ಹೋಗುವಾಗ ಆಕರ್ಷಕವಾಗಿ ಹೋಗಲು ಬಯಸುತ್ತಾರೆ. ಆಕರ್ಷಕವಾಗಿ ಕಾಣಿಸಲು ಹೋಗಿ ಈ 5 ಬ್ಯೂಟಿ ಮಿಸ್ಟೇಕ್ಸ್ ಅನ್ನು ಹೆಚ್ಚಿನ ಪುರುಷರು ಮಾಡುತ್ತಾರೆ. ಪುರುಷರು ಈ ಬ್ಯೂಟಿ ಮಿಸ್ಟೇಕ್ಸ್ ಮಾಡದಿರುವುದೇ ಒಳ್ಳೆಯದು.

ಅತಿಯಾಗಿ ಡಿಯೋಡ್ರೆಂಟ್‌ ಅಥವಾ ಸೆಂಟ್‌ ಬಳಸುವುದು
ಸುಗಂಧದ್ರವ್ಯವನ್ನು ಹೆಚ್ಚು ಹಾಕಬಾರದು. ವಿಪರೀತವಾಗಿ ಸುಗಂಧದ್ರವ್ಯ ಹಚ್ಚಿಕೊಂಡರೆ ನಿಮ್ಮ ಅಕ್ಕ-ಪಕ್ಕದಲ್ಲಿ ಕೂತುಕೊಳ್ಳುವವರಿಗೆ ತಲೆ ನೋವು ಬರಬಹುದು.

ರೇಜರ್‌ನಿಂದ ದೂರವಿರುವುದು
ಗಡ್ಡ ಬಿಡುವುದು ಫ್ಯಾಷನ್, ಆದರೆ ನೋಡಿರದೆ ದೇವದಾಸ್‌ ರೀತಿ ಕಾಣಿಸಿದರೆ ಚೆನ್ನಾಗಿ ಕಾಣುವುದಿಲ್ಲ. ಗಡ್ಡ ಬಿಡುವುದಾದರೆ ಅದಕ್ಕೊಂದು ಶೇಪ್‌ ಇರಲಿ.

ತ್ವಚೆ ಬಗ್ಗೆ ಗಮನ ನೀಡದಿರುವುದು
ಹೆಚ್ಚಿನ ಪುರುಷರು ತ್ವಚೆ ಬಗ್ಗೆ ಗಮನವೇ ಕೊಡುವುದಿಲ್ಲ, ಆದರೆ ನಿಮ್ಮ ತ್ವಚೆಗೂ ಆರೈಕೆ ಅವಶ್ಯಕವಿದ್ದು ವಾರಕೊಮ್ಮೆ ಎಕ್ಸ್‌ಫೋಲೆಟ್ ಮಾಡಿ.

ಅತ್ಯಧಿಕ ಹೇರ್ ಜೆಲ್ ಅಥವಾ ಎಣ್ಣೆ ಹಚ್ಚುವುದು
ಎಣ್ಣೆ ಅಥವಾ ಹೇರ್‌ಜೆಲ್‌ ಅನ್ನು ತುಂಬಾ ಹಚ್ಚಿದರೆ ಮುಖ ಎಣ್ಣೆ-ಎಣ್ಣೆಯಾಗಿ ಕಾಣುವುದು, ಇದರಿಂದ ನೋಡಲು ಆಕರ್ಷಕವಾಗಿ ಕಾಣುವುದಿಲ್ಲ.

ಹಲ್ಲಿನ ಬಿಳುಪಿನತ್ತ ಗಮನ ನೀಡದಿರುವುದು
ನಿಮ್ಮ ನಗು ನಿಮ್ಮ ಪರ್ಸನಾಲಿಟಿಗೆ ವಿಶೇಷ ಮೆರಗು ನೀಡುವುದರಿಂದ ಹಲ್ಲುಗಳ ಅರೈಕೆಯತ್ತ ಹೆಚ್ಚಿನ ಗಮನ ನೀಡಿ.