ಗಡ್ಡದಲ್ಲಿ ಸ್ಟೈಲಿಶ್‌ ಆಗಿ ಕಾಣಬೇಕೆಂದರೆ ಈ 5 ತಪ್ಪು ಮಾಡದಿರಿ

ಗಡ್ಡ ಬಿಟ್ಟರೆ ಸ್ಟೈಲಿಶ್‌ ಆಗಿ ಕಾಣಬೇಕು, ಇಲ್ಲದಿದ್ದರೆ ದೇವದಾಸ್‌ ಗಡ್ಡ ಬಿಟ್ಟ ರೀತಿ ಕಾಣುವುದು. ಕುರುಚಲು ಗಡ್ಡವಾಗಲಿ, ಉದ್ದ ಗಡ್ಡವಾಗಲಿ ಅದಕ್ಕೊಂದು ಶೇಪ್ ಇರಬೇಕು.

ಆದರೆ ಕೆಲವರು ಗಡ್ಡ ಬಿಡುವಾಗ ಕೆಲವೊಂದು ಮಿಸ್ಟೇಕ್ಸ್ ಮಾಡುತ್ತಾರೆ, ಆ ಮಿಸ್ಟೇಕ್ಸ್ ಅವರ ಲುಕ್‌ ಹಾಳು ಮಾಡುತ್ತದೆ, ಆದ್ದರಿಂದ ಗಡ್ಡದಲ್ಲಿ ಸ್ಟೈಲಿಶ್‌ ಲುಕ್ ಬಳಸುವುದಾದರೆ ಈ ಮಿಸ್ಟೇಕ್ಸ್ ಮಾಡಬೇಡಿ:

ಗಡ್ಡ ಬೆಳೆಯಲು ಸಮಯ ಕೊಡಿ
ಕೆಲವರಿಗೆ ಗಡ್ಡ ಸರಿಯಾಗಿ ಬೆಳೆಯುವುದಿಲ್ಲ, ಗಲ್ಲದ ಕೆಳಗೆ ಸ್ವಲ್ಪ, ಕೆನ್ನೆಯಲ್ಲಿ ಅಲ್ಲಲ್ಲಿ ಸ್ವಲ್ಪ-ಸ್ವಲ್ಪ ಬೆಳೆಯುತ್ತಿದೆ. ಈ ರೀತಿ ಗಡ್ಡ ಬೆಳೆದಿದ್ದರೆ ಆಕರ್ಷಕವಾಗಿ ಕಾಣುವುದಿಲ್ಲ. ಅದಕ್ಕೊಂದು ಚೆಂದದ ಶೇಪ್‌ ಕೊಡಿ.

ಗಡ್ಡ ಬೆಳೆಯುವಾಗ ಕೇರ್‌ ಮಾಡದೆ ಇರುವುದು
ಗಡ್ಡವನ್ನು 2 ದಿನಕ್ಕೊಮ್ಮೆಯಾದರೂ ಟ್ರಿಮ್‌ ಮಾಡಿ ಶೇಪ್ ಮಾಡಬೇಕು, ಇಲ್ಲದಿದ್ದರೆ ಸ್ಟೈಲ್‌ಗೆ ಬಿಟ್ಟ ಗಡ್ಡ ನೋಡಿ ಬೇರೆಯವರು ನೀವು ಖಿನ್ನತೆಗೆ ಒಳಗಾಗಿದ್ದೀರಿ ಎಂದು ತಪ್ಪಾಗಿ ತಿಳಿಯಬಹುದು.

ಗಡ್ಡವನ್ನು ಬಾಚಿ
ಹೆಚ್ಚಿನವರು ಗಡ್ಡವನ್ನು ಬಾಚಲು ಹೋಗುವುದೇ ಇಲ್ಲ. ಕುರುಚಲು ಗಡ್ಡವಾದರೂ ಬಾಚಿದರೆ ನೀಟಾಗಿ ಕಾಣುವುದು.

ಕುತ್ತಿಗೆ ಬಳಿ ಇರುವ ಕೂದಲನ್ನು ನಿರ್ಲಕ್ಷ್ಯ ಮಾಡುವುದು
ಗಡ್ಡ ಮುಖದಲ್ಲಿ ಮಾತ್ರ ಇರಬೇಕು, ಕುತ್ತಿಗೆ ಭಾಗ ನೀಟಾಗಿ ಕಾಣಬೇಕು. ಕುತ್ತಿಗೆ ಬಳಿ ಕೂದಲು ಬೆಳೆದಿದ್ದರೆ ಆಕರ್ಷಕವಾಗಿ ಕಾಣುವುದಿಲ್ಲ.

ಮುಖಕ್ಕೆ ಕ್ರೀಮ ಹಚ್ಚುವಾಗ ಎಚ್ಚರ
ಫೇಸ್‌ ಕ್ರೀಮ್‌ ಹಚ್ಚುವಾಗ ಗಡ್ಡಕ್ಕೆ ತಾಗುವಂತೆ ಹಚ್ಚಬಾರದು, ಅಲ್ಲದೆ ಕ್ರೀಮ್ ಹಚ್ಚಿರುವುದು ಕಾಣುವಂತೆಯೂ ಇರಬಾರದು.