ತ್ವಚೆ ಆರೋಗ್ಯವಾಗಿರಬೇಕೆಂದರೆ ಈ ಆಹಾರ ಸೇವಿಸಿ
ನಿಮ್ಮ ತ್ವಚೆ ಆರೋಗ್ಯವಾಗಿರಲು, ಸುಂದರವಾಗಿ ಕಾಣಲು ನೀವು ಈ ಆಹಾರಗಳನ್ನು ಸೇವಿಸುವುದು ಅತ್ಯವಶ್ಯಕವಾಗಿದೆ.
ಏಕೆಂದರೆ ಕೆಲವು ಆಹಾರಗಳು ನಮ್ಮ ಚಯಾಪಚಯ ಕ್ರಿಯೆಗೆ ಅಡ್ಡಿಪಡಿಸುವುದಲ್ಲದೆ, ತ್ವಚೆಯ ಆರೋಗ್ಯವನ್ನು ಸಹ ಹಾಳು ಮಾಡಬಹುದು. ಆದ್ದರಿಂದ ಇಲ್ಲಿ ಪ್ರಸಿದ್ಧ ಅರೋಮಾಥೆರಪಿಸ್ಟ್ ಮತ್ತು ಬ್ಯೂಟಿ ಗುರು ಡಾ. ಬ್ಲಾಸಮ್ ಕೊಚ್ಚರ್ ಹೇಳುವ ಪ್ರಕಾರ ಯಾವ ಆಹಾರ ತ್ವಚೆಗೆ ಒಳ್ಳೆಯದು ಎಂದು ಕೊಡಲಾಗಿದೆ ನೋಡಿ.
ಆರೋಗ್ಯಕರ ತ್ವಚೆಗೆ ವಿಟಮಿನ್ ಎ ತುಂಬಾ ಅವಶ್ಯಕ
ಚರ್ಮಕ್ಕೆ ಅಗತ್ಯವಿರುವ ಆಹಾರಗಳನ್ನು ಆಯಾ ಋತುವಿನಲ್ಲಿ ಪ್ರಕೃತಿ ಪೂರೈಸುತ್ತದೆ. ಕ್ಯಾರೆಟ್ ವಿಟಮಿನ್ ‘ಎ’ನ ಅತ್ಯುತ್ತಮ ಮೂಲವಾಗಿದ್ದು, ವರ್ಷಪೂರ್ತಿ ಲಭ್ಯವಿದೆ. ಇದು ಮುಖದ ಮೇಲಿನ ರೇಖೆಗಳು ಮತ್ತು ಸುಕ್ಕುಗಳು ತೆಗೆಯಲು ಸಹಾಯ ಮಾಡುತ್ತದೆ. ಇದು ಚರ್ಮದ ವಿನ್ಯಾಸವನ್ನು ಸುಧಾರಿಸಲು ಸಹ ಸಹಾಯ ಮಾಡುತ್ತದೆ. ಉದುರುವ ಕೂದಲನ್ನು ನಿಯಂತ್ರಿಸಲು ಸಹ ಒಳ್ಳೆಯದು. ಇದನ್ನು ಸರಿಯಾಗಿ ಬಳಸದೆ ಹೆಚ್ಚು ಬಳಸುವುದರಿಂದ ಅಡ್ಡಪರಿಣಾಮಗಳು ಉಂಟಾಗುವ ಸಾಧ್ಯತೆಯಿರುತ್ತದೆ.
ಹೊಳೆಯುವ ತ್ವಚೆಗೆ ದ್ವಿದಳ ಧಾನ್ಯಗಳನ್ನು ಸೇವಿಸಿ
ದ್ವಿದಳ ಧಾನ್ಯಗಳು ಬಿ ಕಾಂಪ್ಲೆಕ್ಸ್’ನ ಉತ್ತಮ ಮೂಲವಾಗಿದೆ. ಇದು ಹೊಳೆಯುವ ಚರ್ಮಕ್ಕೆ ಅತ್ಯಗತ್ಯ. ಇದು ಕಣ್ಣುಗಳ ಕೆಳಗೆ ಕಂಡು ಬರುವ ಡಾರ್ಕ್ ಸರ್ಕಲ್ ಮತ್ತು ಪಿಗ್ಮೆಂಟೇಶನ್ ತೊಡೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ರಕ್ತ ಪರಿಚಲನೆ ಸುಧಾರಣೆಗೆ ಸಹಾಯ ಮಾಡುತ್ತದೆ. ದ್ವಿದಳ ಧಾನ್ಯಗಳನ್ನು ಮೊಳಕೆಯ ರೂಪದಲ್ಲಿ ಸೇವಿಸಲಾಗುತ್ತದೆ.
ಹಸಿಯಾಗಿ ಅಥವಾ ಸ್ವಲ್ಪ ಬೇಯಿಸಿಯೂ ತಿನ್ನುತ್ತಾರೆ. ಇದು ಪ್ರೋಟೀನ್, ಫೈಬರ್, ಕ್ಯಾಲ್ಸಿಯಂನಂತಹ ಇತ್ಯಾದಿ ಜೀವಸತ್ವಗಳು ಮತ್ತು ಪೋಷಕಾಂಶಗಳ ಶ್ರೀಮಂತ ಮೂಲವಾಗಿದ್ದು, ದೇಹಕ್ಕೆ ಕಬ್ಬಿಣ, ಸತು, ಫೋಲೇಟ್ ಮತ್ತು ಮೆಗ್ನೀಶಿಯಂನಂತಹ ಖನಿಜಗಳನ್ನು ಪೂರೈಸುವುದರಿಂದ ನೀವು ಆರೋಗ್ಯಕರ ಜೀವನಶೈಲಿಯನ್ನು ನಡೆಸಲು ಸಹಾಯ ಮಾಡುತ್ತದೆ.
ಮೊಡವೆ ನಿವಾರಣೆಗೆ ವಿಟಮಿನ್ ಸಿ
ವಿಟಮಿನ್ ಸಿ ಚರ್ಮಕ್ಕೆ ಅನೇಕ ಪ್ರಯೋಜನಗಳನ್ನು ನೀಡುತ್ತದೆ. ವಿಟಮಿನ್ ಸಿ ಅಂಶವಿರುವ ಕಿತ್ತಳೆ ದೇಶದಲ್ಲಿ ಅತ್ಯಂತ ಜನಪ್ರಿಯ ಹಣ್ಣುಗಳಲ್ಲಿ ಒಂದಾಗಿದೆ. ನಮ್ಮ ಚರ್ಮಕ್ಕೂ ಎಲ್ಲಾ ಸಮಯದಲ್ಲೂ ವಿಟಮಿನ್ ಸಿ ಅಗತ್ಯವಿದೆ. ಇದು ಪಿಗ್ಮೆಂಟೇಶನ್, ಮೊಡವೆ ಸಮಸ್ಯೆಗಳು ಮತ್ತು ಸ್ಕಿನ್ ಕಾಂಪ್ಲೆಕ್ಷನ್’ಗೆ ಸಹ ಸಹಾಯ ಮಾಡುತ್ತದೆ. ಗಾಯಗಳನ್ನು ಸರಿಪಡಿಸಲು ಇದು ಸಹಕಾರಿ. ದೇಹದಲ್ಲಿ ಕಾಲಜನ್ ಅನ್ನು ಉತ್ಪಾದಿಸಲು ಸಹ ವಿಟಮಿನ್ ಸಿ ಸಂಪೂರ್ಣವಾಗಿ ಅವಶ್ಯಕವಾಗಿದೆ. ತ್ವಚೆಯ ಮೇಲೆ ಕೆಂಪು ಬಣ್ಣ ಕಂಡುಬಂದರೆ ವಿಟಮಿನ್ ಸಿ ಅದನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ.
ಶುಷ್ಕತೆ ದೂರವಿಡಲು ವಿಟಮಿನ್ ಡಿ ಮತ್ತು ವಿಟಮಿನ್ ಇ
ವಿಟಮಿನ್ ಡಿ ಮತ್ತು ವಿಟಮಿನ್ ಇ ನಮ್ಮ ಚರ್ಮಕ್ಕೆ ಬಹಳ ಮುಖ್ಯವಾಗಿದೆ. ಒಣಗಿದ ಹಣ್ಣು ಮತ್ತು ನಟ್ಸ್ ಸೇವಿಸುವ ಮೂಲಕ, ತುಪ್ಪ ಅಥವಾ ಬೆಣ್ಣೆಯಿಂದ ಸಂಪೂರ್ಣವಾಗಿ ಅವುಗಳನ್ನು ಪಡೆಯಬಹುದು. ಇದು ಚರ್ಮ ನವ ಯೌವನ ಪಡೆಯಲು ಮತ್ತು ಅತಿಯಾದ ಚರ್ಮದ ಶುಷ್ಕತೆಯನ್ನು ದೂರವಿರಿಸುತ್ತದೆ.
ನಿಮ್ಮ ತ್ವಚೆ ಉರಿಯೂತದಿಂದ ಬಳಲುತ್ತಿದ್ದರೆ, ಹೀಗಂತೂ ಮಾಡಬೇಡಿ
ಟಾಕ್ಸಿನ್ ಹೊರಹಾಕುತ್ತವೆ ಹಸಿರು ಎಲೆಗಳ ತರಕಾರಿಗಳು
ಯಾರು ತಾನೇ ಹಸಿರು ಎಲೆಗಳ ತರಕಾರಿಗಳನ್ನು ಪ್ರೀತಿಸುವುದಿಲ್ಲ ಹೇಳಿ. ಈ ತರಕಾರಿಗಳು ಖನಿಜಗಳಿಂದ ಕೂಡಿರುತ್ತವೆ ಮತ್ತು ದೇಹದಲ್ಲಿರುವ ಟಾಕ್ಸಿನ್ ಹೊರಹಾಕುವುದರಿಂದ ಹಿಡಿದು ಚರ್ಮ ಹೊಳೆಯುವಂತೆ ನೋಡಿಕೊಳ್ಳುತ್ತದೆ. ಇದು ತ್ವಚೆ ಬೇರೆ ಬಣ್ಣಕ್ಕೆ ತಿರುಗದಂತೆ ಮತ್ತು ಚರ್ಮದ ಪಾಲ್ಲರ್ ಅನ್ನು ಸುಧಾರಿಸಲು ಸಹಾಯ ಮಾಡುತ್ತದೆ.
ಮೊಡವೆ ನಿಯಂತ್ರಿಸಲು ಹೀಗೆ ಮಾಡಿ
ಮೊಡವೆ ಸಾಕಷ್ಟು ಜನರಿಗೆ ತಲೆನೋವಾಗಿದೆ. ಆದ್ದರಿಂದ ಮೊಡವೆ ಸಮಸ್ಯೆಗಳಿರುವ ಜನರು ಸಾಧ್ಯವಾದಷ್ಟು ತಮ್ಮ ತೈಲ ಸೇವನೆಯನ್ನು ನಿಯಂತ್ರಿಸಬೇಕು ಮತ್ತು ಸಾಕಷ್ಟು ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಬೇಕು. ಇವರು ವಿಟಮಿನ್ ‘ಬಿ’ ಶ್ರೀಮಂತವಾಗಿರುವ ಆಹಾರವನ್ನು ಸೇವಿಸಬೇಕು. ಮೊಡವೆ ಹೆಚ್ಚಾಗಿ ಮಾಸ್ಕ್’ಗಳ ವಿಪರೀತ ಬಳಕೆಯಿಂದಾಗಿ ಉಲ್ಬಣಗೊಳ್ಳುತ್ತದೆ. ಆದ್ದರಿಂದ ನೀವು ಆಲ್ಕೊಹಾಲ್ ಮುಕ್ತ ಟೋನರನ್ನು ಮಾತ್ರ ಬಳಸಬೇಕೆಂದು ನೆನಪಿನಲ್ಲಿಟ್ಟುಕೊಳ್ಳಬೇಕು.
To Read in English Click: How to choose food for a healthy skin