ಅನೇಕ ಪುರುಷರಿಗೆ ತಮ್ಮ ತ್ವಚೆಯು ಯಾವ ಬಗೆಯದ್ದು ಎಂಬುದೇ ತಿಳಿದಿರುವುದಿಲ್ಲ, ಮನಸೋಇಚ್ಛೆ ಸಾಬೂನುಗಳ ಬದಲಾವಣೆ ಮಾಡುತ್ತಿರುತ್ತಾರೆ. ಮುಖ್ಯವಾಗಿ ಮುಖವು ದೇಹದ ಕನ್ನಡಿ ಇದ್ದಂತೆ ಅದು ಗಂಡೆ ಆಗಲೀ ಹೆಣ್ಣೇ ಆಗಲೀ ಆರೋಗ್ಯರವಾಗಿ ಕಾಪಾಡಿಕೊಳ್ಳುವುದು ಅತಿ ಮುಖ್ಯವಾದುದು.
ಹಾಗಾದರೆ ಪುರುಷರು ತಮ್ಮ ತ್ವಚೆಯ ಆರೈಕೆ ಹೇಗೆ ಮಾಡಿಕೊಳ್ಳಬೇಕು ಎಂಬುದಕ್ಕೆ ಇಲ್ಲಿದೆ ಉತ್ತರ.
೧. ನಿಮ್ಮ ತ್ವಚೆಯು ಯಾವ ಬಗೆಯದ್ದು?
ಮೊದಲು ನಿಮ್ಮ ಚರ್ಮವು ಯಾವ ಬಗೆಯದ್ದು ಎಂಬುದನ್ನು ಖಚಿತ ಪಡಿಸಿಕೊಳ್ಳಿ. ಎಣ್ಣೆ ಚರ್ಮವೇ? ಶುಷ್ಕ ಅಥವಾ ಒಣ ಚರ್ಮವೇ?, ಕಾಂಬಿನೇಷನ್ ಚರ್ಮವೇ ಎಂಬುದನ್ನು ಮೊದಲು ತಿಳಿದುಕೊಳ್ಳಿ. ನಿಮ್ಮ ಚರ್ಮಕ್ಕೆ ಸರಿಹೊಂದುವಂತಹ ಸಾಬೂನುಗಳನ್ನು ಹಾಗು ಲೋಷನ್ ಗಳನ್ನು ಖರೀದಿಸಿ. ಇದು ನಿಮ್ಮ ತ್ವಚೆಯನ್ನು ಕಾಂತಿಯುತವಾಗಿರುವಂತೆ ಮಾಡುವುದಲ್ಲದೇ, ಒತ್ತಡ, ಧೂಳುಗಳಿಂದ ಉಂಟಾಗುವ ಅನೇಕ ಸಮಸ್ಯೆಗಳಿಂದ ನಿಮ್ಮನ್ನು ಕಾಪಾಡುತ್ತದೆ.
೨. ಸನ್ ಸ್ಕ್ರೀನ್ ಧರಿಸಿ
ಮಹಿಳೆಯರು ಸನ್ ಸ್ಕ್ರೀನ್ಗಳಿಗೆ ಹೆಚ್ಚು ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ಅಂತೆಯೇ ನೀವು ಕೂಡ ನಿಮ್ಮ ತ್ವಚೆಗೆ ಸನ್ ಸ್ಕ್ರೀನ್ಗಳನ್ನು ಅನ್ವಯಿಸಬೇಕು. ತ್ವಚೆಯ ಸುಕ್ಕುಗಳಿಗೆ ಪ್ರಮುಖವಾದ ಕಾರಣವೆಂದರೆ ಸೂರ್ಯನ ತೀಕ್ಷ್ಣವಾದ ಬಿಸಿಲು.
ನಿಮ್ಮ ಚರ್ಮವು ಸೂರ್ಯನ ಕಿರಣಗಳಿಗೆ ಹೆಚ್ಚಾಗಿ ಒಡ್ಡಿಕೊಂಡಾಗ, ನಿಮ್ಮ ಚರ್ಮವು ಅಕಾಲಿಕವಾಗಿ ಒಣಗುವುದಲ್ಲದೇ, ಬಿಸಿಲುಗಂದಿಗೆ ಉಂಟಾಗುತ್ತದೆ. ನೀವು ಹೊರಗಡೆ ಹೋಗುವ ಸಮಯದಲ್ಲಿ ತಪ್ಪದೇ ಸನ್ ಸ್ಕ್ರೀನ್ಗಳನ್ನು ನಿಮ್ಮ ತ್ವಚೆಗೆ ಅನ್ವಯಿಸಿ. ಮಾರುಕಟ್ಟೆಯಲ್ಲಿ ನಿಮ್ಮ ಚರ್ಮಕ್ಕೆ ಸರಿಹೊಂದುವ ಅನೇಕ ಸನ್ ಸ್ಕ್ರೀನ್ಗಳು ಲಭ್ಯವಿದೆ. ಅವುಗಳಲ್ಲಿ ಉತ್ತಮವಾದುದನ್ನು ಆರಿಸಿಕೊಳ್ಳಿ.
೩. ನೀರನ್ನು ಹೆಚ್ಚಾಗಿ ಕುಡಿಯಿರಿ
ತ್ವಚೆಯು ಒಳಗಿನಿಂದ ತೇವಾಂಶದಿಂದ ಕೂಡಿರಲು ನೀರು ಅಥವಾ ಜ್ಯೂಸ್ ಅನ್ನು ಹೆಚ್ಚಾಗಿ ಕುಡಿಯಬೇಕು. ಇದರಿಂದ ದೇಹವು ಚರ್ಮಕ್ಕೆ ಒಳಗಿನಿಂದಲೇ ಪೋಷಣೆಯನ್ನು ನೀಡಲು ಸಹಾಯ ಮಾಡುತ್ತದೆ. ಮುಖ್ಯವಾಗಿ ನೀರನ್ನು ಕುಡಿದಾಗ ದೇಹದಲ್ಲಿರುವ ವಿಷಕಾರಿ ಅಂಶಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ. ನೀವು ಚರ್ಮಕ್ಕೆ ಸಹಾಯಕವಾಗಬಲ್ಲ ತಾಜಾ ಹಣ್ಣಿನ ಜ್ಯೂಸ್ ಆಗಾಗ್ಗೆ ಸೇವಿಸಿ. ಇದು ನಿಮ್ಮ ಚರ್ಮವನ್ನು ಒಳಗಿನಿಂದ ಕಾಂತಿಯುತವಾಗಿಸುತ್ತದೆ.
೪. ಸರಿಯಾದ ಫೇಸ್ ವಾಶ್ ಅಥವಾ ಸಾಬೂನು ಆರಿಸಿಕೊಳ್ಳಿ
ಈ ಮೊದಲೇ ಹೇಳಿದಂತೆ ನಿಮ್ಮ ಚರ್ಮದ ಪ್ರಕಾರ ಯಾವುದೆಂದು ಸರಿಯಾಗಿ ತಿಳಿದುಕೊಳ್ಳಿ. ಎಣ್ಣೆಯುಕ್ತ ಚರ್ಮ ನಿಮ್ಮದಾಗಿದ್ದರೆ ಫೇಸ್ ವಾಶ್ ಬಳಕೆ ಮಾಡಿ. ಶುಷ್ಕ ಚರ್ಮ ನಿಮ್ಮದಾಗಿದ್ದರೆ, ಸೂಕ್ತವಾದ ಸಾಬೂನು ಬಳಸಿ. ರಾಸಾಯನಿಕ ಮುಕ್ತ ಸಾಬೂನುಗಳನ್ನು ಬಳಸುವುದು ನಿಮ್ಮ ಚರ್ಮಕ್ಕೆ ಸೂಕ್ತವಾದುದು.
೫. ಮಾಯಿಶ್ಚರೈಸರ್ ಬಳಸಿ
ಸನ್ ಸ್ಕ್ರೀನ್ ನಂತೆ ಮಾಯಿಶ್ಚರೈಸರ್ ಕೂಡ ತ್ವಚೆಯ ಆರೈಕೆಗೆ ಅತಿ ಮುಖ್ಯವಾದುದು. ನೀರು ಒಳಗಿನಿಂದ ತೇವಾಂಶ ಕಾಯ್ದುಕೊಂಡರೆ, ಮಾಯಿಶ್ಚರೈಸರ್ ಹೊರಗಿನಿಂದ ನಿಮ್ಮ ಚರ್ಮವನ್ನು ಕಾಪಾಡುತ್ತದೆ. ಇದು ಉರಿಯೂತವನ್ನು ಕಡಿಮೆ ಮಾಡಲು ನಿಮ್ಮ ಚರ್ಮವನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ.
ನೀವು ಮಾಯಿಶ್ಚರೈಸರ್ ಅನ್ನು ಅನ್ವಿಯಿಸಿದಾಗ, ನಿಮ್ಮ ಚರ್ಮದ ಮೇಲಿನ ಪದರವು ಗಟ್ಟಿಗೊಳ್ಳುವುದಲ್ಲದೇ, ಚರ್ಮವನ್ನು ಮೃದುವಾಗಿಸುತ್ತದೆ. ಇದು ಸಾಮಾನ್ಯವಾಗಿ ಪುರುಷ ಮಾಡೆಲ್ ಗಳ ತ್ವಚೆಯ ಪ್ರಮುಖವಾದ ಆರೈಕೆಯಾಗಿದೆ. ಮಾರುಕಟ್ಟೆಯಲ್ಲಿ ಅನೇಕ ಬಗೆಯ ಮಾಯಿಶ್ಚರೈಸರ್ ದೊರೆಯುತ್ತವೆ. ಅದರ ಬದಲಾಗಿ, ಆಂಟಿ ಆಕ್ಸಿಡೆಂಟ್ ಗಳಿಂದ ತುಂಬಿದ ಮಾಯಿಶ್ಚರೈಸರ್ ನಿಮ್ಮ ಆಯ್ಕೆಯಾಗಿರಲಿ.
೬. ತ್ವಚೆಯನ್ನು ಶುದ್ಧೀಕರಿಸಿ
ಚರ್ಮದ ಆರೈಕೆಯಲ್ಲಿ ಶುದ್ಧೀಕರಣವು ಅತ್ಯಂತ ಪ್ರಮುಖವಾದ ಹಂತವಾಗಿದೆ. ಅದು ಪುರುಷರೇ ಆಗಿರಬಹುದು ಅಥವಾ ಮಹಿಳೆಯರೇ ಆಗಿರಬಹುದು. ತ್ವಚೆಯನ್ನು ಸರಿಯಾಗಿ ತೊಳೆಯುವುದರಿಂದ, ತ್ವಚೆಯಲ್ಲಿನ ಜೀವಾಣು, ಕೊಳಕು, ಬೆವರು ಮತ್ತು ಬ್ಯಾಕ್ಟಿರಿಯಾವನ್ನು ತೆಗೆದು ಹಾಕಲು ಸಹಾಯ ಮಾಡುತ್ತದೆ.
ನಿಮ್ಮ ಚರ್ಮವನ್ನು ಸ್ವಚ್ಛವಾಗಿ ಶುದ್ಧೀಕರಿಸುವುದರಿಂದ ಮೊಡವೆಗಳನ್ನು ಕೂಡ ತಡೆಯಬಹುದು. ಅಂತಿಮವಾಗಿ ನಿಮ್ಮ ಚರ್ಮವು ಆರೋಗ್ಯಕರವಾಗಿ ಹೊಳೆಯುತ್ತದೆ.
೭. ಶೀಟ್ ಮಾಸ್ಕ ಅನ್ನು ಧರಿಸಿ
ಯಾವುದೇ ಸಂತೋಷದ ಸಮಾರಂಭಗಳಿಗೆ ಭೇಟಿ ನೀಡುವುದಕ್ಕಿಂತ ಮುಂಚೆ ಶೀಟ್ ಮಾಸ್ಕ್ ಧರಿಸಿಕೊಳ್ಳಿ. ಮಾರುಕಟ್ಟೆಯಲ್ಲಿ ಅನೇಕ ರೀತಿಯ ಶೀಟ್ ಮಾಸ್ಕ್ ದೊರೆಯುತ್ತವೆ. ಅವುಗಳಲ್ಲಿ ನಿಮ್ಮ ತ್ವಚೆಗೆ ಸರಿಹೊಂದುವಂತಹುದನ್ನು ಆಯ್ಕೆ ಮಾಡಿಕೊಳ್ಳಿ. ಇದರಲ್ಲಿ ಹೈಡ್ರೇಟಿಂಗ್, ಆಂಟಿ ಏಜಿಂಗ್ ಸೀರಮ್ಗಳಿದ್ದು ನಿಮ್ಮ ಚರ್ಮವನ್ನು ಆಳವಾಗಿ ಪೋಷಣೆ ನೀಡಿ, ಕಾಂತಿಯುತವಾಗಿಸುತ್ತದೆ.
ಶೀಟ್ ಮಾಸ್ಕ್ ನಿಮ್ಮ ತ್ವಚೆಗೆ ೧೦ ರಿಂದ ೧೫ ನಿಮಿಷಗಳ ಕಾಲ ಧರಿಸಿ. ಇದು ನಿಮ್ಮ ಚರ್ಮವನ್ನು ತಕ್ಷಣವೇ ಪ್ರಕಾಶಮಾನವಾಗಿಸುತ್ತದೆ.
೮. ಮುಖಕ್ಕೆ ಮಸಾಜ್ ಮಾಡಿ
ಒತ್ತಡದಿಂದ ಕಂಗಾಲಾದ ನಿಮ್ಮ ತ್ವಚೆಯನ್ನು ಮೃದುವಾಗಿಸಲು ವಾರಕ್ಕೆ ೨ ರಿಂದ ೩ ಬಾರಿಯಾದರು ಮುಖಕ್ಕೆ ಮಾಸಾಜ್ ಮಾಡಿಕೊಳ್ಳಿ. ಮುಖಕ್ಕೆ ಮಸಾಜ್ ಮಾಡುವುದರಿಂದ ರಕ್ತವು ತ್ವಚೆಯ ಭಾಗಕ್ಕೆಲ್ಲಾ ಪರಿಚಲನೆಯಾಗುತ್ತದೆ. ಇದು ಸಹಜವಾಗಿಯೇ ಆರೋಗ್ಯಕರವಾದ ಹೊಳಪನ್ನು ನೀಡುತ್ತದೆ. ಚರ್ಮದ ಆರೈಕೆಯ ಉತ್ಪನ್ನಗಳನ್ನು ನಿಮ್ಮ ಚರ್ಮಕ್ಕೆ ಅನ್ವಯಿಸುವ ಮೊದಲು ನಿಮ್ಮ ಮುಖವನ್ನು ನಿಧಾನವಾಗಿ ಮಸಾಜ್ ಮಾಡಿ. ಇದರಿಂದಾಗಿ ಉತ್ಪನ್ನಗಳು ಸುಲಭವಾಗಿ ಚರ್ಮಕ್ಕೆ ಹೀರಿಕೊಳ್ಳುತ್ತದೆ.