ಸೌಂದರ್ಯಕ್ಕೆ ವರ್ಧನೆಗೆ ನಿಂಬೆ ಬಳಸಿ

ಸಮ್ಮರ್‌ನಲ್ಲಿ ನೀವು ಸನ್‌ಬರ್ನ್‌ನಿಂದ ಬಳಲುತ್ತಿದ್ದೀರಾದರೆ ನಿಂಬೆಹಣ್ಣಿನ ಸಿಪ್ಪೆಯನ್ನು ಚೆನ್ನಾಗಿ ಉಜ್ಜಿದರೆ ಕ್ರಮೇಣ ಸನ್‌ಬರ್ನ್‌ ಕಲೆ ಮಾಸುತ್ತದೆ. ಕಾಲಿನಲ್ಲಿ ಬಿರುಕುಂಟಾಗಿದ್ದರೆ ನಿಂಬೆಹಣ್ಣಿನ ಸಿಪ್ಪೆಯ ಒಳಭಾಗದಿಂದ ಚೆನ್ನಾಗಿ ಉಜ್ಜಿ, ಎರಡು ದಿವಸಗಳಿಗೊಮ್ಮೆ ಹೀಗೆ ಮಾಡಿ, ಇದರಿಂದ ಬಿರುಕಿನ ಸಮಸ್ಯೆುಂದ ಮುಕ್ತರಾಗಬಹುದು.

ಕೂದಲಿನ ಹೊಳಪಿಗೆ

ತಲೆಗೆ ಸ್ನಾನ ಮಾಡಿಯಾದ ನಂತರ ಕೊನೆಯಲ್ಲಿ ನೀರಿಗೆ ನಿಂಬೆರಸ ಬಳಸಿ ಕೂದಲನ್ನು ತೊಳೆದುಕೊಳ್ಳಿ. ಫಳ ಫಳ ಹೊಳೆಯುವ ಕೂದಲು ನಿಮ್ಮದಾಗುತ್ತದೆ.

ಕೈ ಗಂಟು ಹಾಗೂ ಮಂಡಿಯಲ್ಲಿ ಉಂಟಾಗಿರುವ ಕಪ್ಪಾದ ಕಲೆಯನ್ನು ನಿವಾರಿಸಲು, ನಿಂಬೆಸಿಪ್ಪೆಯಿಂದ ಚೆನ್ನಾಗಿ ಉಜ್ಜಿ ನೋಡಿ. ಕ್ರಮೇಣ ಬಿಳಿ ಬಣ್ಣಕ್ಕೆ ತಿರುಗಿ, ಕೈ-ಕಾಲಿನ ಹೊಳಪು ಹೆಚ್ಚಾಗುತ್ತದೆ. ನಿಂಬೆಹಣ್ಣಿನ ಸಿಪ್ಪೆಯಿಂದ ಉಗುರುಗಳನ್ನು ಆಗಾಗ ಪಾಲಿಶ್‌ ಮಾಡುತ್ತಿರಿ. ಹೊಳೆಯುವ ಉಗುರು ನಿಮ್ಮದಾಗುತ್ತದೆ.

ರಾಮಬಾಣ

ನಿಂಬೆಹಣ್ಣಿನ ಸಿಪ್ಪೆಯನ್ನು ಮೊಡವೆ ಇರುವ ಜಾಗದಲ್ಲಿ ಚೆನ್ನಾಗಿ ಉಜ್ಜಿ, ಇಪ್ಪತು ನಿಮಿಷದ ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ವಾರಕ್ಕೆರಡು ಬಾರಿ ಮಾಡಿ ನೋಡಿ, ಮುಖದ ಶೈನಿಂಗ್‌ ಹೆಚ್ಚುವುದರೊಂದಿಗೆ ಮೊಡವೆಗಳು ಮಾಯವಾಗುತ್ತವೆ. ಮುಖದ ಅಂದ ಹೆಚ್ಚಿಸಲು ಎಳೆಯ ಸೌತೆಕಾಯಿ ತಿರುಳಿನೊಂದಿಗೆ ನಿಂಬೆಸಿಪ್ಪೆಯನ್ನು ಚೆನ್ನಾಗಿ ಬೆರೆಸಿ ಮುಖ ತೊಳೆದುಕೊಳ್ಳಿ. ಮುಖ ಕಾಂತಿಯುಕ್ತವಾಗುವುದರೊಂದಿಗೆ ಹೊಳೆಯುವ ಚರ್ಮ ನಿಮ್ಮದಾಗುತ್ತದೆ.