ದಪ್ಪಗಿದ್ದರೂ ಬಾಡಿಶೇಪ್‌ ತೆಳ್ಳಗೆ ಕಾಣಲು ಬ್ಯೂಟಿ ಟ್ರಿಕ್ಸ್

ಆಕರ್ಷಕ ಲುಕ್‌ಗೆ ಡ್ರೆಸ್ಸಿಂಗ್‌ ಹಾಗೂ ಮೇಕಪ್‌ ಪ್ರಮುಖ ಪಾತ್ರವಹಿಸುತ್ತದೆ. ಕೆಲವೊಂದು ಡ್ರೆಸ್‌ ನಾವು ದಪ್ಪವಿದ್ದರೂ ತೆಳ್ಳಗೆ ಕಾಣುವಂತೆ ಮಾಡುತ್ತದೆ.

ಇಲ್ಲಿ ಕೆಲವೊಂದು ಬ್ಯೂಟಿ ಟ್ರಿಕ್ಸ್ ನೀಡಿದ್ದೇವೆ. ಡ್ರೆಸ್ಸಿಂಗ್‌ ಮಾಡುವಾಗ ಅವುಗಳನ್ನು ಗಮನದಲ್ಲಿರಿಸಿದರೆ ಬಾಡಿಶೇಪ್‌ ಆಕರ್ಷಕವಾಗಿ ಕಾಣುವುದು.

ಫಿಟ್‌ ಆಗಿರುವ ಉಡುಪುಗಳು
ಬ್ರಾ, ಕೋರ್‌ಸೆಟ್‌ ಹಾಗೂ ಶೇಪ್‌ವೇರ್‌ ಫಿಟ್‌ ಆಗಿದ್ದರೆ ನಿಮ್ಮ ದೇಹ ಮತ್ತಷ್ಟು ತೆಳ್ಳಗೆ ಕಾಣುವಂತೆ ಮಾಡುವುದು.

ಕಡು ಬಣ್ಣದ ಉಡುಪುಗಳು
ನೀಲಿ, ಕಪ್ಪು, ಕಂದು, ಬೂದು ಬಣ್ಣದ ಡ್ರೆಸ್‌ಗಳು ತೆಳ್ಳಗಿನ ಲುಕ್‌ ನೀಡುವುದು. ತೆಳ್ಳಗೆ ಕಾಣಲು ಟಾಪ್‌ ಟು ಬಾಟಮ್ ಒಂದೇ ಬಣ್ಣದ ಡ್ರೆಸ್‌ ಧರಿಸಿ.

ಬೆಸ್ಟ್ ಲುಕ್ ಕಡೆ ಗಮನ ಕೊಡಿ
ಸೊಂಟದ ಸುತ್ತಳತೆ ಅಧಿಕವಿದ್ದರೆ ಆಕರ್ಷಕವಾದ ಸ್ಕರ್ಟ್ ಧರಿಸಿ, ನಿಮಗೆ ಯಾವ ಬಗೆಯ ಡ್ರೆಸ್‌ ಒಪ್ಪುತ್ತದೆಯೋ ಅವುಗಳನ್ನು ಧರಿಸಿ, ತೋಳು ದಪ್ಪವಿದ್ದರೆ ಸ್ಲೀವ್‌ ಲೆಸ್‌ ಡ್ರೆಸ್‌ಗಿಂತ ವಿಥ್‌ ಸ್ಲೀವ್‌ ಡ್ರೆಸ್‌ಗಳಲ್ಲಿ ಫ್ಯಾಷನಬಲ್‌ ಆಗಿ ಕಾಣಲು ಪ್ರಯತ್ನಿಸಿ.

ಸರಿಯಾದ ಸೈಜ್‌ನ ಡ್ರೆಸ್‌ ಧರಿಸಿ
ತುಂಬಾ ಬಿಗಿಯಾದ ಹಾಗೂ ತುಂಬಾ ಸಡಿಲವಾದ ಡ್ರೆಸ್‌ಗಳು ನಿಮ್ಮನ್ನು ಮತ್ತಷ್ಟು ದಪ್ಪ ಕಾಣುವಂತೆ ಮಾಡುತ್ತದೆ. ಆದ್ದರಿಂದ ಸರಿಯಾದ ಸೈಜ್‌ನ ಡ್ರೆಸ್‌ ಧರಿಸಿ.

ಹೆಚ್ಚು ನೀರು ಕುಡಿಯಿರಿ
ದೇಹದಲ್ಲಿ ನೀರಿನಂಶ ಕಡಿಮೆಯಾದರೆ ದೇಹವೂ ಊದಿಕೊಳ್ಳುವುದು. ಜಾಸ್ತಿ ನೀರು ಕುಡಿಯಿರಿ.