ತಲೆಹೊಟ್ಟಿನ ಸಮಸ್ಯೆ ಇದ್ದವರಿಗೆ ಅಂಟುವಾಳಕಾಯಿ ಸೂಪರ್ ಮನೆಮದ್ದು!

ನಿಮ್ಮ ತಲೆ ಹೊಟ್ಟಿನ ದೀರ್ಘ ಕಾಲದ ಸಮಸ್ಯೆಗಳಿಗೆ ಅಂಟುವಾಳ ಕಾಯಿ ಬಳಕೆ ಮಾಡಿ ಎಂದು ಹೇಳುವ ಕಾರಣ ಎಂದರೆ ಅದರಲ್ಲಿರುವ ಆಂಟಿ ಬ್ಯಾಕ್ಟೀರಿಯಲ್ ಮತ್ತು ಆಂಟಿ ಫಂಗಲ್ ಗುಣ ಲಕ್ಷಣಗಳು. ಇದರಿಂದ ಸೋಂಕುಗಳನ್ನು ದೂರ ಇರಿಸಲು ಸಹಾಯವಾಗುತ್ತದೆ.

ಅಂಟುವಾಳ, ಮಂತೆಕಾಳು, ಬೇವು, ನಿಂಬೆಹಣ್ಣು, ಡ್ಯಾಂಡ್ರಫ್ ಸಮಸ್ಯೆಗೆ ಪರ್ಫೆಕ್ಟ್ ಮನೆಮದ್ದು

ತಲೆ ಹೊಟ್ಟಿನ ನಿವಾರಣೆ ಇದರಿಂದ ತುಂಬಾ ಸುಲಭ

• ದೀರ್ಘ ಕಾಲದವರೆಗೆ ನಿಮ್ಮ ತಲೆ ಹೊಟ್ಟಿನ ಸಮಸ್ಯೆ ನಿಮ್ಮನ್ನು ಈಗಾಗಲೇ ಕಾಡುತ್ತಿದ್ದರೆ ಮತ್ತು ತೊಂದರೆ ನೀಡಿದರೆ ಇನ್ನು ಮುಂದೆ ನೀವು ನಾಲ್ಕು ಜನರ ಮಧ್ಯೆ ಕಿರಿಕಿರಿಗೆ ಒಳಗಾಗುವ ಸಾಧ್ಯತೆ ಇರುವುದಿಲ್ಲ.
• ಏಕೆಂದರೆ ಅಂಟುವಾಳ ಕಾಯಿ ಈ ವಿಷಯದಲ್ಲಿ ನಿಮಗೆ ಸಹಾಯಕ್ಕೆ ಬರಲಿದೆ. ಇದಕ್ಕಾಗಿ ನೀವು ಸುಮಾರು 10 ರಿಂದ 15 ರೀತಾ ಬೀಜಗಳನ್ನು ತೆಗೆದುಕೊಂಡು ಚೆನ್ನಾಗಿ ರುಬ್ಬಿ. ಸುಮಾರು 15 ನಿಮಿಷಗಳ ಕಾಲ ನೀರಿನಲ್ಲಿ ಚೆನ್ನಾಗಿ ಕುದಿಸಿ.
• ಇಡೀ ರಾತ್ರಿ ನೀರಿನಲ್ಲಿ ನೆನೆ ಹಾಕಿ. ಬೆಳಗ್ಗೆ ಎದ್ದು ಸೋಸಿಕೊಂಡು ಅದಕ್ಕೆ ಸ್ವಲ್ಪ ನೆಲ್ಲಿಕಾಯಿ ಪುಡಿ ಅಥವಾ ರಸ ಬೆರೆಸಿ. ಇದನ್ನು ನಿಮ್ಮ ನೆತ್ತಿಯ ಮೇಲ್ಭಾಗದಲ್ಲಿ ಅನ್ವಯಿಸಿ ಸುಮಾರು ಅರ್ಧ ಗಂಟೆಗಳ ಕಾಲ ಇದನ್ನು ಹಾಗೇ ಬಿಟ್ಟು ನಂತರ ತಲೆ ತೊಳೆದುಕೊಳ್ಳಿ. ಬೇಕೆಂದರೆ ತಲೆ ಸ್ನಾನ ಮಾಡಲು ಉಗುರು ಬೆಚ್ಚಗಿನ ನೀರನ್ನು ಬಳಕೆ ಮಾಡಬಹುದು.

ತಲೆಕೂದಲು ಉದುರುವಿಕೆ ಸಮಸ್ಯೆ ಪರಿಹಾರಕ್ಕೆ ಸುಲಭವಾದ ಮನೆಮದ್ದುಗಳು

• ನಿಯಮಿತವಾಗಿ ನಿಮ್ಮ ತಲೆ ಕೂದಲನ್ನು ಆಗಾಗ ಸ್ವಚ್ಛ ಮಾಡುವುದರಿಂದ ಮತ್ತು ಹೆಚ್ಚು ಗಾಢವಾದ ಶಾಂಪು ಬಳಕೆ ಮಾಡದೇ ಇರುವುದರಿಂದ ನೈಸರ್ಗಿಕವಾದ ರೀತಿಯಲ್ಲಿ ನಿಮ್ಮ ತಲೆ ಕೂದಲು ಆರೋಗ್ಯದಿಂದ ಕೂಡಿರುತ್ತದೆ. ಒಣ ಕೂದಲಿನ ಸಮಸ್ಯೆ ಕಂಡು ಬರುವುದಿಲ್ಲ.
• ಬೇಕೆಂದರೆ ನೀವು ತಲೆ ಕೂದಲಿನ ಸ್ವಚ್ಛತೆಗೆ ಸೀಗೆಕಾಯಿ ಮತ್ತು ರೀತಾ ಒಟ್ಟಾರೆಯಾಗಿ ಬಳಕೆ ಮಾಡಬಹುದು. ಸಮಪ್ರಮಾಣದಲ್ಲಿ ಎರಡನ್ನೂ ತೆಗೆದುಕೊಂಡು ಅದಕ್ಕೆ ನೀರು ಹಾಕಿ ಮಿಶ್ರಣ ಮಾಡಿ. ನಿಮ್ಮ ತಲೆ ಕೂದಲನ್ನು ಸ್ವಚ್ಛವಾಗಿ ಶಾಂಪು ಬಳಸಿ ತೊಳೆದುಕೊಳ್ಳಿ.
• ತಲೆ ಸ್ವಚ್ಛ ಮಾಡುವ ಸಂದರ್ಭದಲ್ಲಿ ಇದು ಹೆಚ್ಚು ನೊರೆಯನ್ನು ಉತ್ಪತ್ತಿ ಮಾಡದೇ ಇದ್ದರೂ ಕೂಡ ತಲೆ ಕೂದಲು ಬಹಳ ಚೆನ್ನಾಗಿ ಸ್ವಚ್ಛವಾಗುತ್ತದೆ.
• ಒಂದುವೇಳೆ ನಿಮಗೆ ಅತಿಯಾದ ಒಣ ಕೂದಲಿನ ಸಮಸ್ಯೆ ಇದ್ದರೆ ಶಾಂಪೂ ಜೊತೆಗೆ ಸ್ವಲ್ಪ ಹೆಚ್ಚಿನ ಸೀಗೆಕಾಯಿ ಪುಡಿ ಬಳಕೆ ಮಾಡಿ. ತಲೆ ಸ್ನಾನ ಮಾಡುವ ಒಂದು ಗಂಟೆ ಮುಂಚೆ ತಲೆಗೆ ತೆಂಗಿನ ಎಣ್ಣೆ ಅನ್ವಯಿಸಿ. ಇದರಿಂದ ಉತ್ತಮ ಫಲಿತಾಂಶಗಳು ಸಿಗಲಿವೆ.

• ಹೊರಗಿನ ಅತಿಯಾದ ಮಾಲಿನ್ಯದಿಂದ, ಜನರ ಆಸಕ್ತಿಕರ ಕೇಶ ವಿನ್ಯಾಸ ಉತ್ಪನ್ನಗಳಿಂದ, ಬಳಸುವ ರಾಸಾಯನಿಕ ಪದಾರ್ಥಗಳಿಂದ ತಲೆ ಕೂದಲು ಸಾಕಷ್ಟು ಹಾನಿಯಾಗುತ್ತದೆ ಮತ್ತು ಹಾಳಾಗುತ್ತದೆ.
• ಇದಕ್ಕಾಗಿ ನೀವು ಮತ್ತೊಮ್ಮೆ ತಲೆ ಕೂದಲಿನ ಹೊಳಪನ್ನು ಮರುಕಳಿಸಿ ಪಡೆಯುವ ಪ್ರಯತ್ನ ಮಾಡಬೇಕಾಗುತ್ತದೆ. ಹಾಗಾಗಿ ನೆಲ್ಲಿಕಾಯಿ, ಮೊಸರು ಮತ್ತು ಅಂಟುವಾಳ ಕಾಯಿ ಜೊತೆಯಲ್ಲಿ ಬಳಕೆಮಾಡಿ ತಲೆ ಕೂದಲಿಗೆ ಕಂಡೀಶನ್ ಮಾಡಿಕೊಂಡು ಕೂದಲಿನ ಮೃದುತ್ವವನ್ನು ಕಾಪಾಡಿಕೊಳ್ಳಬೇಕು.