ನಿಮ್ಮ ಮುಖಕ್ಕೆ ಯಾವ ಫೇಸ್‌ಪ್ಯಾಕ್ ಒಳ್ಳೆಯದೆಂದು ತಿಳಿದುಕೊಳ್ಳಿ

ಈಗ ಮಾರುಕಟ್ಟೆಯಲ್ಲಿ ಹಲವಾರು ಬಗೆಯ ಫೇಸ್‌ಪ್ಯಾಕ್‌ ದೊರೆಯುವುದರಿಂದ ಯಾವ ಫೇಸ್‌ಪ್ಯಾಕ್ ಬಳಸುವುದೆಂಬ ಗೊಂದಲ ಮೂಡುವುದು ಸಹಜ. ಇಲ್ಲಿ ಚರ್ಮ ರೋಗ ತಜ್ಞ ಡಾ, ಬಾತೂಲ್‌ ಪಟೇಲ್‌ ಮುಖದ ಅಂದ ಹೆಚ್ಚಿಸಲು ಫೇಸ್‌ಪ್ಯಾಕ್‌ ಆಯ್ಕೆ ಹೇಗಿರಬೇಕೆಂಬ ಟಿಪ್ಸ್ ನೀಡಿದ್ದಾರೆ ನೋಡಿ.

ಫೇಸ್‌ ಮಾಸ್ಕ್ ವಿಧಗಳು:

ಹೈಡ್ರೇಟಿಂಗ್‌, ಎಕ್ಸ್‌ಫೋಲೆಟಿಂಗ್‌, ಬ್ರೈಟ್ನಿಂಗ್‌ ಹೀಗೆ ವಿವಿಧ ಬಗೆಯ ಫೇಸ್‌ಪ್ಯಾಕ್ ದೊರೆಯುತ್ತದೆ. ನಿಮ್ಮ ತ್ವಚೆಗೆ ಯಾವುದು ಬೇಕು ಎಂಬುವುದನ್ನು ನಿರ್ಧರಿಸಬೇಕು. ನಿಮ್ಮ ತ್ವಚೆ ಡ್ರೈಯಿದ್ದರೆ ಹೈಡ್ರೇಟಿಂಗ್‌ ಫೇಸ್‌ ಮಾಸ್ಕ್‌ ಮುಖ್ಯ. ಫಂಕ್ಷನ್‌ಗೆ ಮುಖ ಕಾಂತಿಯುತವಾಗಿ ಕಾಣಬೇಕೆಂದರೆ ಬ್ರೈಟ್ನಿಂಗ್ ಫೇಸ್ ಮಾಸ್ಕ್‌ ಹೀಗೆ ನಿಮಗೆ ಯಾವುದು ಸೂಕ್ತವೋ ಅದನ್ನು ಆಯ್ಕೆ ಮಾಡಬೇಕು.

ನಿಮ್ಮ ತ್ವಚೆಗೆ ತಕ್ಕಂತೆ ಫೇಸ್‌ಮಾಸ್ಕ್‌ ಆಯ್ಕೆ ಹೇಗೆ?
1. ಡ್ರೈ ಸ್ಕಿನ್‌ ಆಗಿದ್ದರೆ ಕ್ರೀಮ್‌ ಅಥವಾ ಶೀಟ್‌ ಮಾಸ್ಕ್‌ ಬಳಸಿದರೆ ಒಳ್ಳೆಯದು.
2. ಆಯಿಲ್‌ ಸ್ಕಿನ್‌, ಮೊಡವೆ ಸಮಸ್ಯೆ ಇರುವವರು ಕ್ಲೇ ಅಥವಾ ಮಡ್‌ ಮಾಸ್ಕ್‌ ಬಳಸಬೇಕು.
3. ಚಾರೋಕೋಲ್‌ ಮಾಸ್ಕ್‌ ಮುಖದಲ್ಲಿರುವ ರಂಧ್ರವನ್ನು ಮರೆ ಮಾಚಿ, ಮುಖ ಶುಭ್ರವಾಗಿ ಕಾಣುವಂತೆ ಮಾಡುವುದು.
4. ಸೆನ್ಸಿಟಿವ್‌ ಸ್ಕಿನ್‌ ಇರುವವರು ನ್ಯಾಚುರಲ್‌ ಮಾಸ್ಕ್‌ ಬಳಸುವುದು ಒಳ್ಳೆಯದು.
5. ಮೊದಲಿಗೆ ಬಳಸುವವರು 20 ನಿಮಿಷ ಮಾಸ್ಕ್‌ ಬಳಸಿದರೆ ಸಾಕು. ಅಲ್ಲದೆ ಮಾಸ್ಕ್‌ ಬಳಸುವ ಮುನ್ನ ಅದರಲ್ಲಿ ಬರೆದಿರುವ ಸೂಚನೆಗಳನ್ನು ಗಮನಿಸಿ.

ಸಂಶಯವಿದ್ದಾಗ ನೈಸರ್ಗಿಕ ಮಾಸ್ಕ್‌ ಬಳಸಿ
ಮಾರುಕಟ್ಟೆಯಲ್ಲಿ ದೊರೆಯುವ ಮಾಸ್ಕ್‌ ನನ್ನ ತ್ವಚೆ ಹೊಂದುಕೊಳ್ಳುತ್ತದೋ ಇಲ್ಲವೋ ಎಂಬ ಸಂಶಯವಿದ್ದಾಗ ಪಪ್ಪಾಯಿ, ಆಲೂಗಡ್ಡೆ, ಸೌತೆಕಾಯಿ ಈ ರೀತಿಯ ನೈಸರ್ಗಿಕ ಫೇಸ್ ಮಾಸ್ಕ್‌ ಒಳ್ಳೆಯದು. ಬಾಳೆಹಣ್ಣು ಹಾಗೂ ಜೇನಿನ ಮಿಶ್ರಣದ ಫೇಸ್ ಮಾಸ್ಕ್‌ ಬಳಸಿ ಮುಖ ಮಾಯಿಶ್ಚರೈಸರ್‌ ಆಗಿ ಇರುವಂತೆ ನೋಡಿಕೊಳ್ಳಬಹುದು.

ಮಾಸ್ಕ್‌ ಬಳಕೆ
* ಶೀಟ್‌ ಮಾಸ್ಕ್‌, ನೈಟ್‌ ಮಾಸ್ಕ್‌ ಅನ್ನು ವಾರಕ್ಕೊಮ್ಮೆ ಬಳಸಿದರೆ ಸಾಕು.
* ಹೈಡ್ರೇಟಿಂಗ್‌ ಮಾಸ್ಕ್‌ ಅನ್ನು ವಾರದಲ್ಲಿ 2-3 ಬಾರಿ ಬಳಸಬಹುದು.
* ಮಾಸ್ಕ್ ಹಚ್ಚುವ ಮುನ್ನ ಮುಖದವನ್ನು ತೊಳೆದು ಒರೆಸಿ.