ಮಾಯಿಶ್ಚರೈಸರ್‌ಗಿಂತ ಅಧಿಕ ಗುಣ ತೆಂಗಿನೆಣ್ಣೆಯಲ್ಲಿದೆ

ತೆಂಗಿನೆಣ್ಣೆಯನ್ನು ತಲೆಗೆ ಹಚ್ಚಿದರೆ ಕೂದಲಿಗೆ ಒಳ್ಳೆಯದು, ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು, ಇನ್ನು ಮೈಗೆ ಹಚ್ಚಿಕೊಂಡರಂತೂ ಯಾವ ಮಾಯಿಶ್ಚರೈಸರ್‌ ಮಾಡದ ಚಮತ್ಕಾರವನ್ನು ತೆಂಗಿನೆಣ್ಣೆ ಮಾಡುತ್ತದೆ.

ಈ ತ್ವಚೆ ಸಮಸ್ಯೆಗಂತೂ ತೆಂಗಿನೆಣ್ಣೆ ಅತ್ಯುತ್ತಮ ಮನೆಮದ್ದಾಗಿದೆ:

ಒಣ ತ್ವಚೆಯೇ
ದಿನಾ ತೆಂಗಿನೆಣ್ಣೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಸ್ನಾನ ಮಾಡಿ. ಈ ರೀತಿ ಮಾಡುವುದರಿಂದ ಒಣ ತ್ವಚೆಯ ಕಿರಿಕಿರಿಯಿಂದ ಪಾರಾಗಬಹುದು.

ಮುಖದ ಮೇಕಪ್‌ ತೆಗೆಯಲು
ಮೇಕಪ್‌ ತೆಗೆಯಲು ತೆಂಗಿನೆಣ್ಣೆ ಬಳಸುವುದರಿಂದ 2 ಲಾಭ. 1. ಸುಲಭವಾಗಿ ಮೇಕಪ್‌ ತೆಗೆಯಬಹುದು 2. ಮೇಕಪ್‌ ತ್ವಚೆ ಮೇಲೆ ಕೆಟ್ಟ ಪರಿಣಾಮ ಬೀರುವುದನ್ನು ತಡೆಯುತ್ತದೆ.

ಮೊಡವೆ ಬರುವುದನ್ನು ತಡೆಯುತ್ತದೆ
ಮುಖದಲ್ಲಿ ಜಿಡ್ಡಿನಂಶವಿದ್ದರೆ ಮೊಡವೆ ಬರುವುದು, ಆದರೆ ತೆಂಗಿನೆಣ್ಣೆ ಮೊಡವೆ ಬರುವುದನ್ನು ತಡೆಯುತ್ತದೆ ಹಾಗೂ ತ್ವಚೆಯನ್ನು ಕೋಮಲವಾಗಿ ಇಡುವುದು.

ನೈಸರ್ಗಿಕವಾದ ಸನ್‌ಸ್ಕ್ರೀನ್
ಬಿಸಿಲಿಗೆ ಹೋಗುವಾಗ ತ್ವಚೆಗೆ ತೆಂಗಿನೆಣ್ಣೆ ಹಚ್ಚಿದರೆ ತ್ವಚೆ ಆಕರ್ಷಕವಾಗಿರುತ್ತದೆ.