ಚರ್ಮ ಆರೋಗ್ಯ ಹಾಳಾಗದಂತೆ ತಡೆಯಲು ಅಥವಾ ಹಾಳಾದ ಚರ್ಮದ ಆರೋಗ್ಯವನ್ನು ಸುಧಾರಿಸಲು ವಿಟಮಿನ್ ಸಿ ಸಹಕರಿಸುವುದು.
ಮಾರುಕಟ್ಟೆಯಲ್ಲಿ ವಿಟಮಿನ್ ಸಿ
ಮಾರುಕಟ್ಟೆಯಲ್ಲಿ ಚರ್ಮದ ಆರೈಕೆ ಮಾಡುವ ಸಾಕಷ್ಟು ವಿಟಮಿನ್ ಸಿ ಸೌಂದರ್ಯ ವರ್ಧಕ ಉತ್ಪನ್ನಗಳು ದೊರೆಯುತ್ತವೆ. ಅವುಗಳನ್ನು ಬಳಸಿಕೊಂಡು ಸುಲಭವಾಗಿ ಚರ್ಮದ ಸಮಸ್ಯೆಗಳನ್ನು ನಿವಾರಿಸಬಹುದು. ಆದರೆ ಯಾವ ಬಗೆಯ ಉತ್ಪನ್ನ ಬಳಸಬೇಕು? ಯಾವುದು ನಮ್ಮ ಚರ್ಮದ ಆರೈಕೆಯನ್ನು ಉತ್ತಮವಾಗಿ ನಿರ್ವಹಿಸುವುದು ಎನ್ನುವುದನ್ನು ತಿಳಿದಿರಬೇಕು. ವಿಟಮಿನ್ ಸಿ ಪರಿಣಾಮಕಾರಿಯಾಗಿ ವರ್ತಿಸಬೇಕಾದರೆ ಅದು ಚರ್ಮದ ಮೇಲೆ ನೇರವಾಗಿ ಹೀರಿಕೊಳ್ಳುವಂತೆ ಇರಬೇಕು.
ವಿಟಮಿನ್ ಸಿ ಫೇಸ್ ವಾಶ್
ಮುಖದಲ್ಲಿ ಸಂಗ್ರಹಗೊಂಡ ಕೊಳೆಯು ಬೆವರು ಮತ್ತು ವಿಷಕಾರಿ ಅಂಶಗಳಿಂದ ಚರ್ಮದ ಆರೋಗ್ಯವನ್ನು ಕೆಡಿಸುತ್ತವೆ. ಸಕ್ರಿಯ ಅಣುಗಳು ಚರ್ಮದ ಆಳದಲ್ಲಿ ತೂರಿಕೊಳ್ಳುತ್ತವೆ. ಅವು ಚರ್ಮದ ಆರೋಗ್ಯವನ್ನು ಹಾಳುಮಾಡಲು ಪ್ರಾರಂಭಿಸುತ್ತವೆ. ಇಂತಹ ಸಮಸ್ಯೆಯನ್ನು ತಡೆಯಲು ವಿಟಮಿನ್ ಸಿ ಇರುವ ಫೇಸ್ ವಾಶ್ ಬಳಸಿ ಸ್ವಚ್ಛಗೊಳಿಸಿ. ಚರ್ಮದ ಆರೋಗ್ಯವು ಉತ್ತಮವಾಗಿರುತ್ತದೆ.
ಆವಕಾಡೊ ಬಳಸುವುದರಿಂದ ಸೌಂದರ್ಯ ಮತ್ತು ಆರೋಗ್ಯಕ್ಕೆ ಎಷ್ಟೆಲ್ಲಾ ಪ್ರಯೋಜನಗಳಿವೆ
ಸ್ಕಿನ್ ಟೋನರ್
ಮುಖವನ್ನು ಸ್ವಚ್ಛಗೊಳಿಸಿದ ನಂತರ ಸ್ಕಿನ್ ಟೋನ್ ಅನ್ನು ಸುಧಾರಿಸಲಾಗುವುದು. ಚರ್ಮವನ್ನು ಸ್ವಚ್ಛಗೊಳಿಸಿದಾಗ ಚರ್ಮದ ಮೇಲಿರುವ ರಂಧ್ರಗಳು ತೆರೆದುಕೊಂಡಿರುತ್ತವೆ. ಆ ಸಮಯದಲ್ಲಿ ವಿಟಮಿನ್ ಸಿ ಇರುವ ಸ್ಕಿನ್ ಟೋನರ್ ಬಳಸಿದರೆ ಚರ್ಮದ ಸುಧಾರಣೆಯ ಕೆಲಸವು ಪ್ರಾರಂಭವಾಗುತ್ತದೆ. ಮೊಡವೆ, ಉರಿಯೂತ ಮತ್ತು ಒಡಕಿನಂತಹ ಸಮಸ್ಯೆಯು ನಿವಾರಣೆಯಾಗುವುದು.
ಫೇಸ್ ಸಿರಮ್
ಕೇಂದ್ರೀಕೃತ ದ್ರಾವಣ ಅಥವಾ ಫೇಸ್ ಸೀರಮ್ ಅನ್ನು ಬಳಸುವುದರಿಂದ ಚರ್ಮದಲ್ಲಿ ಇರುವ ನ್ಯೂನತೆಗಳು ನಿವಾರಣೆಯಾಗುತ್ತವೆ. ಜೊತೆಗೆ ಮಂಕಾದ ಚರ್ಮದ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುವುದು. ಕಪ್ಪು ಕಲೆಯಂತಹ ಸಮಸ್ಯೆಯು ಸಹ ನಿವಾರಣೆಯಾಗುವುದು.
ಬೇವು, ತುಳಸಿ ಮತ್ತು ಶ್ರೀಗಂಧದ ಸೌಂದರ್ಯ ಪ್ರಯೋಜನಗಳು
ಫೇಸ್ ಕ್ರೀಮ್
ವಿಟಮಿನ್ ಸಿ ಹೊಂದಿರುವ ಲೇಪನ ಅಥವಾ ಮುಖಕ್ಕೆ ಹಚ್ಚುವ ಕ್ರೀಮ್ಗಳನ್ನು ಗಣನೀಯವಾಗಿ ಹಚ್ಚುವುದರಿಂದ ಚರ್ಮದ ಆರೋಗ್ಯ ಉತ್ತಮವಾಗಿ ಇರುತ್ತದೆ. ಸದಾ ಕಾಲ ಚರ್ಮವು ತೇವಾಂಶದಿಂದ ಮೃದು ಹಾಗೂ ಆರೋಗ್ಯಕರವಾಗಿ ಆಕರ್ಷಿಸುವುದು.
ವಿಟಮಿನ್ ಸಿ ಹೇಗೆ ಪ್ರಭಾವ ಬೀರುವುದು?
ವಿಟಮಿನ್ ಸಿ ಎಲ್ ಆಸ್ಕೋರ್ಬಿಕ್ ಆಮ್ಲ ಕಾಲಜನ್ ಅನ್ನು ವರ್ಧಿಸುತ್ತದೆ. ವಯಸ್ಸಾದ ಚರ್ಮವನ್ನು ಸುಧಾರಿಸುವುದು, ಯುವಿ ಕಿರಣದಿಂದ ಉಂಟಾಗುವ ಹಾನಿಯನ್ನು ಸುಲಭವಾಗಿ ನಿವಾರಿಸುವುದು. ಅಂಗಾಂಶಗಳ ಹಾನಿಯನ್ನು ಗುಣಪಡಿಸಿ, ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುವುದು. ಇದು ಅದ್ಭುತವಾದ ಉತ್ಕರ್ಷಣ ನಿರೋಧಕ ಶಕ್ತಿಯನ್ನು ಒಳಗೊಂಡಿದೆ. ಉರಿಯೂತದಂತಹ ಸಮಸ್ಯೆಗಳನ್ನು ಸಹ ಸುಲಭವಾಗಿ ನಿವಾರಿಸಲು ಸಹಾಯ ಮಾಡುವುದು.