ಕೂದಲನ್ನು ಮೃದುವಾಗಿಸುವ 4 ಹೇರ್ ಮಾಸ್ಕ್

ಡ್ರೈ ಕೂದಲನ್ನು ಸಾಫ್ಟ್‌ ಮಾಡುವುದು ಹೇಗೆ ಎಂಬ ಚಿಂತೆ ಮಾಡುತ್ತಿದ್ದೀರಾ? ಹಾಗಾದರೆ ಇಲ್ಲಿ ನೀಡಿರುವ ಹೇರ್ ಮಾಸ್ಕ್‌ ಟ್ರೈ ಮಾಡಿ ನೋಡಿ.

ಹೇರ್ ಮಾಸ್ಕ್‌ ಅನ್ನು ಹಚ್ಚಿ ಅರ್ಧ ಗಂಟೆ ಬಿಟ್ಟು ತೊಳೆಯುವುದರಿಂದ ಕೂದಲು ಮೃದುವಾಗುವುದು ಹಾಗೂ ಆಕರ್ಷಕವಾಗಿ ಕಾಣುವುದು.
ಕೂದಲು ಹೊಳಪನ್ನು ಪಡೆಯಲು ಈ ಮಾಸ್ಕ್ ಹಚ್ಚಿ

ಕೂದಲನ್ನು ಮೃದುವಾಗಿಸುವ ಹೇರ್‌ ಮಾಸ್ಕ್ 1
ಮೊಟ್ಟೆ-ಬಾಳೆಹಣ್ಣಿನ ಹೇರ್ ಮಾಸ್ಕ್‌
2 ಬಾಳೆ ಹಣ್ಣು, 2 ಮೊಟ್ಟೆ, 1 ಚಮಚ ನಿಂಬೆರಸ ಮತ್ತು 2 ವಿಟಮಿನ್ ಇ ಮಾತ್ರೆ
ಈ ಎಲ್ಲಾ ಸಾಮಗ್ರಿ ಹಾಕಿ ಪೇಸ್ಟ್ ಮಾಡಿ, ನಂತರ ಕೂದಲಿಗೆ ಹಚ್ಚಿ, ಪ್ಲಾಸ್ಟಿಕ್‌ ಕವರ್ ಹಾಕಿ. ಕೂದಲಿನ ಬುಡ ಈ ಪೇಸ್ಟ್‌ ಅನ್ನು ಚೆನ್ನಾಗಿ ಹೀರಿಕೊಳ್ಳಲು ಒಂದು ಗಂಟೆ ಬಿಡಿ.
ನಂತರ ಮೈಲ್ಡ್ ಶ್ಯಾಂಪೂ ಬಳಸಿ ತಣ್ಣೀರಿನಿಂದ ತಲೆ ತೊಳೆಯಿರಿ.
ಕೂದಲನ್ನು ರೂಮಿನ ಉಷ್ಣತೆಗೆ ಒಣಗಿಸಿ, ಇಷ್ಟು ಮಾಡಿದರೆ ಕೂದಲಿನ ಹೊಳಪು ಹೆಚ್ಚುವುದು.

ಕೂದಲನ್ನು ಮೃದುವಾಗಿಸುವ ಹೇರ್‌ ಮಾಸ್ಕ್ 2
1 ಕಪ್ ತೆಂಗಿನ ಹಾಲು, 2 ಚಮಚ ಕರಿಬೇವಿನ ಪುಡಿ ಹಾಗೂ ಕಡಲೆ ಹಿಟ್ಟು ಹಾಕಿ ಮಿಕ್ಸ್ ಮಾಡಿ ತಲೆಗೆ ಹಚ್ಚಿ ಒಂದು ಗಂಟೆ ಬಿಟ್ಟು ಕೂದಲನ್ನು ತೊಳೆಯಿರಿ.

ಕೂದಲನ್ನು ಮೃದುವಾಗಿಸುವ ಹೇರ್‌ ಮಾಸ್ಕ್ 3
ಹಾಲಿನ ಪುಡಿಗೆ, ಮೊಟ್ಟೆಯ ಹಳದಿ ಹಾಕಿ ಮಿಕ್ಸ್ ಮಾಡಿ ಅದನ್ನು ತಲೆಗೆ ಹಚ್ಚಿ ಒಂದು ಗಂಟೆಯ ಬಳಿಕ ತಲೆ ತೊಳೆದರೆ ಡ್ರೈ ಕೂದಲನ್ನು ಹೋಗಲಾಡಿಸಬಹುದು.

ಕೂದಲನ್ನು ಮೃದುವಾಗಿಸುವ ಹೇರ್‌ ಮಾಸ್ಕ್ 4
1 ಮೊಟ್ಟೆ, 1 ಚಮಚ ಬಾದಾಮಿ ಎಣ್ಣೆ, 1 ಚಮಚ ನಿಂಬೆರಸ, 1 ಚಮಚ ಗ್ಲಿಸೆರಿನ್ ಹಾಕಿ ಮಿಕ್ಸ್ ಮಾಡಿ ತೆಲೆಗೆ ಹಚ್ಚಿ ಶವರ್‌ ಕ್ಯಾಪ್‌ ಹಾಕಿ ಒಂದು ಗಂಟೆಯ ಬಳಿಕ ತಲೆ ತೊಳೆಯಿರಿ.

ಈ ಹೇರ್‌ ಮಾಸ್ಕ್‌ಗಳಲ್ಲಿ ನಿಮಗೆ ಸೂಕ್ತವಾದ ಹೇರ್‌ ಮಾಸ್ಕ್‌ ಅನ್ನು ವಾರದಲ್ಲಿ 2 ಬಾರಿ ಮಾಡಿದರೆ ಸಾಕು ಕೂದಲು ಆರೋಗ್ಯವಾಗಿ ಬೆಳೆಯುವುದರ ಜತೆಗೆ ಮೃದುವಾಗಿ, ಆಕರ್ಷಕವಾಗಿ ಕಾಣುವುದು.