ಚಿರ ಯೌವನದ ಗುಟ್ಟು

ವಯಸ್ಸು ಹಾಗೂ ಆರೋಗ್ಯಕ್ಕೆ ಒಂದಕ್ಕೊಂದು ನಂಟು. ಇತ್ತೀಚೆಗೆ ಹೆಚ್ಚುತ್ತಿರುವ ಒತ್ತಡ ಮತ್ತಿತರ ಸಮಸ್ಯೆಗಳು ವಯಸ್ಸನ್ನು ಮತ್ತಷ್ಟು ಹೆಚ್ಚಿಸುವಂತೆ ಮಾಡುತ್ತದೆ. ಅದೇ ರೀತಿ ವಯಸ್ಸನ್ನು ಮೀರಿಸುವ ಆ್ಯಂಟಿ ಏಜಿಂಗ್‌ ಕ್ರೀಮ್‌ಗಳು ಮಾರುಕಟ್ಟೆಯಲ್ಲಿವೆ. ಆದರೆ ಅವುಗಳ ಅಡ್ಡ ಪರಿಣಾಮವೇ ಹೆಚ್ಚು. ನಿಮ್ಮ ವಯಸ್ಸು ಏರದಂತೆ ನಿಮ್ಮ ಸೌಂದರ‍್ಯ ಹಾಗೂ ಆರೋಗ್ಯ ಕಾಪಾಡಿಕೊಳ್ಳಬೇಕು ಅಂದರೆ ನೀವು ನಿಮ್ಮ ಜೀವನಶೈಲಿ ಬದಲಿಸಿಕೊಳ್ಳಿ.

ಪ್ರತಿ ನಿತ್ಯ ಕಣ್ತುಂಬ ನಿದ್ದೆ ಮಾಡಿ.

ಸದಾ ಆತ್ಮವಿಶ್ವಾಸದಿಂದಿರಿ. ಅನಗತ್ಯ ಭಯ, ಹಿಂಜರಿಕೆಯ ನೆರಳು ನಿಮ್ಮ ಮುಖದಲ್ಲಿ ಕಾಣಿಸದಿರಲಿ.

ಯೋಗ, ಪ್ರಾಣಾಯಾಮ ಮಾಡಿ.

ಸೂರ್ಯನ ಪ್ರಖರ ಕಿರಣಗಳಿಂದ ದೂರವಿರಿ. ಸನ್‌ಗ್ಲಾಸ್‌, ಹ್ಯಾಟ್‌ ಜತೆಗಿರಲಿ.

ಮನೆಯಲ್ಲೇ ತಯಾರಿಸಿದ ಮಾಯಿಶ್ಚರೈಸರ್‌ ಬಳಸಿ.

ಹೆಚ್ಚು ನೀರು ಕುಡಿಯಿರಿ.

ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸಿ

ಚರ್ಮದಲ್ಲಿ ಸಮಸ್ಯೆ ಕಂಡುಬಂದರೆ ವೈದ್ಯರನ್ನು ಸಂಪರ್ಕಿಸಿ. ಅದನ್ನು ಮೇಕಪ್‌ನಲ್ಲಿ ಮರೆ ಮಾಚುವುದು ಬೇಡ.

ಧನಾತ್ಮಕವಾಗಿ ಯೋಚಿಸುತ್ತಾ, ಸಂತೋಷವಾಗಿದ್ದರೆ ನಮ್ಮ ಚರ್ಮಗಳು ಹೆಚ್ಚು ಕಾಂತಿಯುತವಾಗಿರುತ್ತದೆ.

ಅಸಂತೋಷದಿಂದಿದ್ದರೆ, ಒತ್ತಡದಲ್ಲಿ ಜೀವನ ಸಾಗಿಸುತ್ತಿದ್ದರೆ ನಮ್ಮ ದೇಹಕ್ಕೆ ಕೂಡ ಬೇಗನೆ ಮುಪ್ಪು ಬರುತ್ತದೆ.

ದೇಹಕ್ಕೆ ಅವಶ್ಯವಿರುವ ಪೌಷ್ಟಿಕಾಂಶ, ವಿಟಮಿನ್, ಜೀವಸತ್ವಗಳು ದೇಹಕ್ಕೆ ಸಿಕ್ಕಿದರೆ ಚರ್ಮ ಕಾಂತಿಯುತವಾಗಿ ಉಳಿದು ವಯಸ್ಸಾದಂತೆ ಕಾಣುವುದಿಲ್ಲ .