ತ್ವಚೆಯ ಹೊಳಪಿಗೆ ನೈಸರ್ಗಿಕ ಉಪಾಯ

ಮುಖದ ಕಾಂತಿ ಮತ್ತು ಹೊಳಪನ್ನು ಹೆಚ್ಚಿಸಲು, ಮುಖದ ಸತ್ತ ಜೀವಕೋಶಗಳ ನಿವಾರಣೆ ಸ್ಕ್ರಬ್‌ ಅತ್ಯಗತ್ಯ. ಆದರೆ ರಾಸಾಯನಿಕ ವಸ್ತುಗಳು ಮಿಶ್ರವಾಗಿರುವುದನ್ನು ಬಿಟ್ಟು ಸಾಧ್ಯವಾದಷ್ಟು ಮನೆಯಲ್ಲೇ ತಯಾರಿಸಿದ ಸ್ಕ್ರಬ್‌ ಬಳಸಿ.

ಮೊದಲು ಮುಖಕ್ಕೆ 20 ನಿಮಿಷಗಳ ಉಗಿಯನ್ನು ನೀಡಿ. ಈ ಉಗಿಯು ಮುಖದ ಗ್ರಂಥಿಗಳನ್ನು ಪ್ರಚೋದಿಸಿ ಕಶ್ಮಲ ಮತ್ತು ಅಧಿಕ ಎಣ್ಣೆಯನ್ನು ಚರ್ಮದ ಒಳಭಾಗದಿಂದ ಹೊರಭಾಗಕ್ಕೆ ತರುತ್ತದೆ. ಇದಾದ ನಂತರದಲ್ಲಿ ನಾವು ಸ್ಕ್ರಬ್‌ ಬಳಸಿದರೆ ಈ ಎಣ್ಣೆ ಮತ್ತು ಕಶ್ಮಲವನ್ನು ದೇಹದಿಂದ ಹೊರ ಹಾಕಿ ಚರ್ಮದ ಹೊಳಪಿಗೆ ಕಾರಣವಾಗುತ್ತದೆ.

ಒಂದು ಬಟ್ಟಲಿನಲ್ಲಿ ಸಮ ಪ್ರಮಾಣದ ಗಂಧದ ಪುಡಿ, ಅಕ್ಕಿ ಹಿಟ್ಟು ಮತ್ತು ಕಡಲೆ ಹಿಟ್ಟನ್ನು ಮಿಶ್ರಗೊಳಿಸಿ. ಈ ಮಿಶ್ರಣಕ್ಕೆ ಹಾಲು ಮತ್ತು ಗುಲಾಬಿ ನೀರನ್ನು ಪೇಸ್ಟ್‌ ಆಗುವ ಮಟ್ಟಕ್ಕೆ ಸೇರಿಸಿ 20 ನಿಮಿಷ ನೆನೆಯಲು ಬಿಟ್ಟರೆ ಸ್ಕ್ರಬ್‌ ರೆಡಿ. ಈ ಸ್ಕ್ರಬ್‌ನ್ನು ಮುಖಕ್ಕೆ ಚೆನ್ನಾಗಿ 10 ನಿಮಿಷಗಳ ಕಾಲ ತಿಕ್ಕಿ 30 ನಿಮಿಷಗಳ ನಂತರ ಬೆಚ್ಚನೆಯ ನೀರಿನಿಂದ ಮುಖ ತೊಳೆಯಿರಿ.

ಅಕ್ಕಿಯನ್ನು ಮಿಕ್ಸಿಯಲ್ಲಿ ಹಾಕಿ ಹಿಟ್ಟನ್ನು ತಯಾರಿಸಿ. ಇದಕ್ಕೆ ತಕ್ಕ ಪ್ರಮಾಣದಲ್ಲಿ ಮೊಸರನ್ನು ಸೇರಿಸಿ ಮತ್ತು 2-3 ಹನಿ ಗುಲಾಬಿ ಎಣ್ಣೆಯನ್ನು ಹಾಕಿ. ನಂತರ ಈ ಮಿಶ್ರಣವನ್ನು ಮುಖಕ್ಕೆ ಚೆನ್ನಾಗಿ ತಿಕ್ಕಿ 20ನಿಮಿಷಗಳ ನಂತರ ತಣ್ಣನೆಯ ನೀರಿನಿಂದ ತೊಳೆಯಿರಿ.


ಜೇನುತುಪ್ಪ, ಕಲ್ಲು ಉಪ್ಪು, ಕೊಬ್ಬರಿ ಎಣ್ಣೆ, ಜೇನುತುಪ್ಪ ಮತ್ತು ಉಪ್ಪನ್ನು ಸಮಪ್ರಮಾಣದಲ್ಲಿ ಮಿಶ್ರಣಗೊಳಿಸಿ ಇದಕ್ಕೆ ಕೊಬ್ಬರಿ ಎಣ್ಣೆಯನ್ನು ಸೇರಿಸಿ 5 ನಿಮಿಷ ನೆನೆಯಲು ಬಿಟ್ಟು ನಂತರ ಮುಖಕ್ಕೆ 15 ನಿಮಿಷಗಳ ಕಾಲ ತಿಕ್ಕಿ ನಂತರ ಬೆಚ್ಚನೆಯ ನೀರಿನಿಂದ ಮುಖವನ್ನು ತೊಳೆಯಿರಿ.

1/2 ಬಟ್ಟಲು ಸಕ್ಕರೆ, 2-3 ಚಮಚ ಆಲಿವ್‌ ಎಣ್ಣೆ, 2 ಚಮಚ ಜೇನುತುಪ್ಪ ಮತ್ತು 1 ಚಮಚ ನಿಂಬೆರಸವನ್ನು ಸೇರಿಸಿ ಚೆನ್ನಾಗಿ ಕಲಸಿ. ಮುಖಕ್ಕೆ 15 ನಿಮಿಷಗಳ ಕಾಲ ತಿಕ್ಕಿ 10 ನಿಮಿಷಗಳ ನಂತರ ಮುಖವನ್ನು ಉಗುರು ಬೆಚ್ಚನೆಯ ಬಿಸಿ ನೀರಿನಲ್ಲಿ ತೊಳೆಯಿರಿ.

ಕಿತ್ತಳೆ ಹಣ್ಣಿನ ಸಿಪ್ಪೆಯನ್ನು ನೆರಳಿನಲ್ಲಿ ಒಣಗಿಸಿ ಮಿಕ್ಸಿಯಲ್ಲಿ ಪುಡಿ ಮಾಡಿ. ಅದಕ್ಕೆ ಮೊಸರನ್ನು ಸೇರಿಸಿ ಮುಖಕ್ಕೆ ಹಚ್ಚಿ. 20 ನಿಮಿಷಗಳ ಕಾಲ ಬಿಟ್ಟು ನಂತರ ಸ್ವಲ್ಪ ನೀರನ್ನು ಮುಖಕ್ಕೆ ಸಿಂಪಡಿಸಿ. ಬೆರಳುಗÜಳಿಂದ ಮುಖವನ್ನು ಮಸಾಜ್‌ ಮಾಡುತ್ತಾ 10 ನಿಮಿಷಗಳ ಕಾಲ ತಿಕ್ಕುವುದು ನಂತರ ತಣ್ಣೀರಿನಿಂದ ತೊಳೆಯಿರಿ.

ಸಕ್ಕರೆಯನ್ನು ಟೊಮೇಟೊ ರಸದೊಂದಿಗೆ ಮಿಶ್ರಣಗೊಳಿಸಿ ಮುಖಕ್ಕೆ 10 ನಿಮಿಷಗಳ ಕಾಲ ತಿಕ್ಕಿ. ನಂತರ ಬೆಚ್ಚನೆಯ ನೀರಿನಿಂದ ಮುಖವನ್ನು ತೊಳೆಯಿರಿ.