ಉದ್ದ ಕೂದಲು ಪಡೆಯಲು ಉಪಯುಕ್ತ ಟಿಪ್ಸ್

ಕೆಲವರಿಗೆ ಕೂದಲನ್ನು ಉದ್ದ ಬೆಳೆಸಬೇಕೆಂಬ ಆಸೆ ಇರುತ್ತದೆ. ಅದರಲ್ಲೂ ಹೆಣ್ಣುಮಕ್ಕಳಲ್ಲಿ ಇದು ಸಾಮಾನ್ಯ, ಅದಕ್ಕಾಗಿ ಸಿಕ್ಕ ಸಿಕ್ಕ ಶಾಂಪೂ, ಕಂಡಿಷನರ್ ಹಾಕಿ ಸೋತು ಹೋಗುತ್ತಾರೆ. ಹಣ ಚೆಲ್ಲುವುದರ ಜತೆಗೆ ರಾಸಾಯನಿಕಗಳನ್ನು ಉಪಯೋಗಿಸಿ ಕೂದಲಿಗೆ ಹಾನಿ ತಲುಪಿಸುವ ಬದಲು ಮನೆಯಲ್ಲಿಯೇ ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಿ.

• ಇತ್ತೀಚಿನ ದಿನಗಳಲ್ಲಿ ಯುವತಿಯರು ತಲೆಗೆ ಎಣ್ಣೆಯನ್ನೇ ಹಚ್ಚುವುದಿಲ್ಲ. ಇದು ನಿಜಕ್ಕೂ ಕೂದಲಿನ ಆರೋಗ್ಯಕ್ಕೆ ಕಂಟಕ. ವಾರಕ್ಕೆ 3-4 ಬಾರಿಯಾದರೂ ತಲೆಗೆ ಎಣ್ಣೆ ಹಚ್ಚಿ ಸ್ನಾನ ಮಾಡಿ. ರಾತ್ರಿ ಎಣ್ಣೆ ಹಾಕಿ ಮಸಾಜ್ ಮಾಡಿ ಬೆಳಿಗ್ಗೆ ಸ್ನಾನ ಮಾಡುವುದು ಉತ್ತಮ.

• ನಿಧಾನವಾಗಿ ಕೂದಲಿನ ಬೇರಿಗೆ ನೋವಾಗದಂತೆ ದಿನಕ್ಕೆ ಎರಡು - ಮೂರು ಬಾರಿ ಕೂದಲನ್ನು ಬಾಚಿ. ಇದರಿಂದ ಕೂದಲಿಗೆ ಮಸಾಜ್ ದೊರೆತು ಸೊಂಪಾಗಿ ಬೆಳೆಯುವುದು.
• ದಲು ತೊಳೆಯಲು ಅತಿಯಾದ ಬಿಸಿ ನೀರನ್ನು ಬಳಸಬೇಡಿ. ಉಗುರು ಬೆಚ್ಚಗಿನ ಅಥವಾ ತಂಪಾದ ನೀರಿಂದ ನಿಮ್ಮ ಕೂದಲನ್ನು ತೊಳೆಯಿರಿ.

• 4 ಚಮಚ ನೆಲ್ಲಿಕಾಯಿ ರಸ ಹಾಗೂ 2 ಚಮಚ ನಿಂಬೆರಸ ಬೆರೆಸಿ, ಕೂದಲಿಗೆ ಹಚ್ಚಿ 2 ಗಂಟೆಯ ಬಳಿಕ ಬೆಚ್ಚಗಿನ ನೀರಿನಿಂದ ಕೂದಲನ್ನು ತೊಳೆಯಬೇಕು.

• ಒದ್ದೆ ಕೂದಲಿಗೆ ಟವಲ್ ಸುತ್ತುವ ಅಭ್ಯಾಸ ಒಳ್ಳೆಯದಲ್ಲ. ಕೂದಲನ್ನು ಒರೆಸಿ ಗಾಳಿಯಲ್ಲಿ ಒಣಗಲು ಬಿಡಿ.

• ರಾತ್ರಿ ಮಲಗುವ ಮುನ್ನ ತಲೆಬಾಚಿದರೆ ಕೂದಲ ಬೇರಿಗೆ ಉತ್ತಮ ಮಸಾಜ್ ದೊರೆತು ರಕ್ತ ಸಂಚಾರ ಹೆಚ್ಚಿ ಕೂದಲಿನ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು

• ಮೊಟ್ಟೆಯ ಬಿಳಿ ಭಾಗ ಮತ್ತು ಮೊಸರು ಮಿಶ್ರಮ ಮಾಡಿ ಕೂದಲಿಗೆ ಲೇಪಿಸಿ 15 ನಿಮಿಷಗಳ ಬಳಿಕ ತೊಳೆಯಿರಿ. ಇದನ್ನು ನಿಯಮಿತವಾಗಿ ಮಾಡುತ್ತಿದ್ದರೆ ಹೊಳೆಯು ಉದ್ದ ಕೂದಲು ನಿಮ್ಮದಾಗುತ್ತದೆ.

• ತೆಂಗಿನ ಎಣ್ಣೆಗೆ ದಾಸವಾಳ ಹಾಕಿ ಕುದಿಸಿ ಕೂದಲಿಗೆ ಹಚ್ಚಿಕೊಳ್ಳಿ.

• ನೆಲ್ಲಿಕಾಯಿ ಎಣ್ಣೆ, ಬಾದಾಮಿ ಎಣ್ಣೆ ಕೂದಲಿನ ಆರೋಗ್ಯಕ್ಕೆ ಬಹಳ ಪರಿಣಾಮಕಾರಿ.