Long Hair Home Remedies: ಉದ್ದನೆಯ ಕೇಶ ರಾಶಿಗೆ ಮನೆ ಮದ್ದು

ವೇಗವಾಗಿ ಕೂದಲನ್ನು ಬೆಳೆಯುವಂತೆ ಮಾಡುವುದು ಹೇಗೆ? ಎಂಬ ಚಿಂತೆಯೇ? ಯಾವ ಶ್ಯಾಂಪು ಬಳಸಬೇಕು, ಯಾವ ಎಣ್ಣೆ ಹಚ್ಚಬೇಕು ಎಂಬ ಗೊಂದಲವೇ? ದೀರ್ಘವಾದ, ಹೊಳಪಿನ ಕೂದಲನ್ನು ಎಲ್ಲರೂ ಹಂಬಲಿಸುತ್ತಾರೆ. ಆದರೆ ಆಗಾಗ್ಗೆ ಸಮರ್ಪಕವಾಗಿ ಆರೈಕೆ, ಪೋಷಣೆ ಮಾಡದ ಕಾರಣ ಕೂದಲಿಗೆ ಹಾನಿಯಾಗುತ್ತದೆ. ನೈಸರ್ಗಿಕವಾಗಿ ಕೂದಲ ಬೆಳವಣಿಗೆಯನ್ನು ತಡೆಯುತ್ತದೆ.

ಎರಡು ಮೊಟ್ಟೆ ತೆಗೆದುಕೊಳ್ಳಿ. ಒಡೆದು ಹಳದಿಯನ್ನು ಬೇರ್ಪಡಿಸಿ. ಬಿಳಿಯ ಲೋಳೆಯಂತಹ ಭಾಗವನ್ನು ತೆಗೆದುಕೊಂಡು ಅಷ್ಟೇ ಪ್ರಮಾಣದ ಮೊಸರನ್ನು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಮಿಶ್ರಣವನ್ನು ಕೂದಲಿಗೆ ಲೇಪಿಸಿ. 15 ನಿಮಿಷದ ನಂತರ ಸ್ನಾನ ಮಾಡಿ. ಹೀಗೆ ನಿಯಮಿತವಾಗಿ ಅಭ್ಯಾಸ ಮಾಡಿಕೊಂಡರೆ ಕೂದಲು ಸೊಂಪಾಗಿ ಉದ್ದವಾಗಿ ಬೆಳೆಯುತ್ತದೆ.

3 ಚಮಚ ಎಲೋವೆರಾ ಎಲೆಯ ತಿರುಳು ಮತ್ತು 3 ಚಮಚ ತೆಂಗಿನ ಕಾಯಿ ಹಾಲು ಬೆರೆಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ಕೂದಲಿಗೆ ಲೇಪಿಸಿ ಅರ್ಧ ಗಂಟೆ ಬಿಟ್ಟು ಸ್ನಾನ ಮಾಡಿ. ತಲೆಹೊಟ್ಟು ಸಮಸ್ಯೆ ನಿವಾರಣೆ ಜತೆಗೆ ಕೂದಲು ಉದ್ದವಾಗಿ ಬೆಳೆಯುವಂತೆ ಮಾಡುತ್ತದೆ.

4 ಚಮಚ ನೆಲ್ಲಿಕಾಯಿಯ ರಸ ಮತ್ತು 2 ಚಮಚ ನಿಂಬೆರಸ ಮಿಶ್ರಣ ಮಾಡಿ ಕೂದಲಿಗೆ ಲೇಪಿಸಿ. 2 ಗಂಟೆ ಬಿಟ್ಟು ಬಿಸಿ ನೀರಿನಿಂದ ಕೂದಲನ್ನು ತೊಳೆಯಿರಿ.