ಅರಿಶಿನ ಚಿಕಿತ್ಸೆ
ಅರಿಶಿನ ಚರ್ಮ ಹಾಗೂ ಸೌಂದರ್ಯ ವೃದ್ಧಿಗೆ ಅತ್ಯುತ್ತಮವಾದ ನೈಸರ್ಗಿಕ ಉತ್ಪನ್ನ. ಇದು ಬ್ಯಾಕ್ಟೀರಿಯಾ ವಿರೋಧಿಯಾಗಿ ಕೆಲಸ ನಿರ್ವಹಿಸುವುದು. ಕೂದಲ ಬೆಳವಣಿಗೆಯನ್ನು ತಡೆಯುವ ಗುಣವನ್ನು ಪಡೆದುಕೊಂಡಿದೆ. ಜೊತೆಗೆ ಚರ್ಮ ಸಂಬಂಧಿ ಅನೇಕ ಸಮಸ್ಯೆಗಳನ್ನು ನಿವಾರಿಸಲು ಸಹಾಯ ಮಾಡುವುದು.
- ಸ್ವಲ್ಪ ಅರಿಶಿನ ಮತ್ತು ನೀರನ್ನು ಸೇರಿಸಿ, ಮೃದುವಾದ ಪೇಸ್ಟ್‍ನಂತೆ ಮಾಡಿಕೊಳ್ಳಬೇಕು.
- ಮಿಶ್ರಣವು ಮುಖದ ಮೇಲೆ ಆರಲು ಸ್ವಲ್ಪ ಸಮಯ ಬಿಡಿ.
- ನಂತರ ಒಂದು ಬಟ್ಟೆಯನ್ನು ಬೆಚ್ಚಗಿನ ನೀರಿನಲ್ಲಿ ಅದ್ದಿ, ಮುಖವನ್ನು ಒರೆಸಿ.
- ಗಣನೀಯವಾಗಿ ಈ ಕ್ರಮವನ್ನು ಅನುಸರಿಸುವುದರಿಂದ ಮುಖದಲ್ಲಿ ಇರುವ ಅನಗತ್ಯ ಕೂದಲು ಉದುರುವುದು.
ಕಡ್ಲೇ ಹಿಟ್ಟು
ಪುರಾತನ ಕಾಲದಿಂದಲೂ ಕಡ್ಲೇ ಹಿಟ್ಟನ್ನು ಚರ್ಮದ ಆರೈಕೆಗೆ ಬಳಸಲಾಗುತ್ತಿದೆ. ಕಡ್ಲೇ ಹಿಟ್ಟಿನ ಫೇಸ್ ಫ್ಯಾಕ್ ಅಥವಾ ಮುಖದ ಲೇಪನವು ಮುಖಕ್ಕೆ ಅದ್ಭುತ ಮೆರಗನ್ನು ನೀಡುವುದು. ಚರ್ಮದಲ್ಲಿ ನೀರನ್ನು ಹಿಡಿದಿಡುವಂತೆ ಮಾಡುವುದು. ಚರ್ಮಕ್ಕೆ ಸಂಬಂಧಿಸಿದ ಅನೇಕ ಸಮಸ್ಯೆಗಳನ್ನು ನಿವಾರಿಸುವುದು.
ಅರಿಶಿನ ಪುಡಿ ಮತ್ತು ಕಡ್ಲೇ ಹಿಟ್ಟು
- ಒಂದು ಬೌಲ್‍ನಲ್ಲಿ ಸ್ವಲ್ಪ ಸಮ ಪ್ರಮಾಣದಲ್ಲಿ ಅರಿಶಿನ ಪುಡಿ ಮತ್ತು ಕಡ್ಲೇ ಹಿಟ್ಟನ್ನು ಸೇರಿಸಿ.
- ಅವುಗಳಿಗೆ ಸ್ವಲ್ಪ ಸ್ವಲ್ಪ ನೀರನ್ನು ಸೇರಿಸಿ, ಪೇಸ್ಟ್ ತಯಾರಿಸಿಕೊಳ್ಳಬೇಕು.
- ಈ ಮಿಶ್ರಣವನ್ನು ತುಟಿಯ ಮೇಲೆ, ಗಲ್ಲ ಸೇರಿದಂತೆ ಮುಖದ ಲೇಪನವಾಗಿ ಅನ್ವಯಿಸಬೇಕು.
- ಸ್ವಲ್ಪ ಸಮಯದ ಬಳಿಕ ಒಂದು ಬಟ್ಟೆಯನ್ನು ಬೆಚ್ಚಗಿನ ನೀರಿನಲ್ಲಿ ಅದ್ದಿ, ಮುಖವನ್ನು ಒರೆಸಿ.
- ಹೀಗೆ ಮಾಡುವುದರಿಂದ ಮುಖದ ಮೇಲಿರುವ ಕೂದಲು ನಿವಾರಣೆಯಾಗುವುದು. ಜೊತೆಗೆ ದೋಷರಹಿತ ಚರ್ಮವನ್ನು ಪಡೆಯಬಹುದು.
ನಿಮ್ಮದು ಎಣ್ಣೆಯ ಚರ್ಮದ ಪ್ರಕಾರವಾಗಿದ್ದರೆ, ಇಲ್ಲಿವೆ ಸುಲಭ ಉಪಾಯಗಳು
ಮೊಟ್ಟೆಯ ಲೇಪನ
ಮೊಟ್ಟೆಯು ಸಮೃದ್ಧವಾದ ಪೋಷಕಾಂಶ ಹಾಗೂ ಪ್ರೋಟೀನ್‍ಗಳಿಂದ ಕೂಡಿರುವ ನೈಸರ್ಗಿಕ ಉತ್ಪನ್ನ. ಇದನ್ನು ಸೌಂದರ್ಯ ವರ್ಧಕ ಚಿಕಿತ್ಸೆಗೆ ಬಳಸಲಾಗುವುದು. ಮೊಟ್ಟೆಯಲ್ಲಿ ಇರುವ ಘಟಕಗಳು ಚರ್ಮ ಆರೈಕೆ ಹಾಗೂ ಕೂದಲು ಬೆಳವಣಿಗೆಯ ವಿರೋಧಿ ಗುಣವನ್ನು ಪಡೆದುಕೊಂಡಿದೆ.
- ಒಂದು ಬೌಲ್ ಅಲ್ಲಿ ಮೊಟ್ಟೆಯ ಬಿಳಿ ಭಾಗವನ್ನು ಮಾತ್ರ ತೆಗೆದುಕೊಳ್ಳಿ.
- ಅದಕ್ಕೆ ಅರ್ಧ ಚಮಚ ಜೋಳದ ಹಿಟ್ಟು ಮತ್ತು ಒಂದು ಚಮಚ ಸಕ್ಕರೆಯನ್ನು ಸೇರಿಸಿ.
- ನಯವಾದ ಈ ಪೇಸ್ಟ್ ಅನ್ನು ಅನಗತ್ಯ ಕೂದಲು ಇರುವ ಭಾಗಕ್ಕೆ ಅನ್ವಯಿಸಿ, ಆರಲು ಬಿಡಿ.
- ಸಂಪೂರ್ಣವಾಗಿ ಒಣಗಿದ ಬಳಿಕ ಮೃದುವಾಗಿ ಎಳೆದು ತೆಗೆಯಿರಿ. ಆಗ ಕೂದಲು ನಿವಾರಣೆಯಾಗುವುದು.
- ಈ ಕ್ರಮದಿಂದ ಸ್ವಲ್ಪ ನೋವು ಉಂಟಾಗುವುದು. ಆದರೆ ಫಲಿತಾಂಶವು ಅದ್ಭುತವಾಗಿರುತ್ತದೆ.
To Read in English Click: Home remedies to get rid of facial hair