ಸನ್‌ಟ್ಯಾನ್‌ ಹೋಗಲಾಡಿಸಲು ಹೀಗೆ ಮಾಡಿ

ಬೇಸಿಗೆಯಲ್ಲಿ ಕಾಡುವ ಅತ್ಯಂತ ದೊಡ್ಡ ತ್ವಚೆ ಸಮಸ್ಯೆಯೆಂದರೆ ಸನ್‌ಟ್ಯಾನ್‌. ಈ ಸನ್‌ಟ್ಯಾನ್ ಸಮಸ್ಯೆಯನ್ನು ಮನೆಯಲ್ಲೇ ಇರುವ ಈ ವಸ್ತುಗಳನ್ನು ಬಳಸಿ ಇಲ್ಲವಾಗಿಸಬಹುದು ನೋಡಿ:

ಅರಿಶಿಣ ಮತ್ತು ಹಾಲು
ಅರಿಶಿಣಕ್ಕೆ ಸ್ವಲ್ಪ ಹಾಲು ಮಿಕ್ಸ್ ಮಾಡಿ ಮುಖ, ಕೈ, ಕಾಲಿಗೆ ಹಚ್ಚಿ ಅದು ಒಣಗಿದ ಬಳಿಕ ತೊಳೆಯಿರಿ.

ಟೊಮೆಟೊ
ಟೊಮೆಟೊದಿಂದ ಮುಖವನ್ನು ಮಸಾಜ್‌ ಮಾಡಿದರೆ ಸ್ಕಿನ್‌ಟ್ಯಾನ್‌ ಹೋಗುವುದರ ಜತೆಗೆ ಮುಖದ ಕಾಂತಿ ಹೆಚ್ಚುವುದು.

ಆಲೂಗಡ್ಡೆ ರಸ
ಆಲೂಗಡ್ಡೆಯನ್ನು ಜ್ಯೂಸ್‌ ಮಾಡಿ ಅದಕ್ಕೆ ನಿಂಬೆ ರಸ ಹಾಕಿ ತ್ವಚೆಗೆ ಹಚ್ಚಿ ಒಣಗಿದ ಬಳಿಕ ತೊಳೆಯಿರಿ. ಈ ರೀತಿ ಮಾಡುತ್ತಾ ಬಂದರೆ ಸ್ಕಿನ್‌ ಟ್ಯಾನ್ ಬೇಗನೆ ಮಾಯವಾಗುವುದು.

ಓಟ್ಸ್‌ ಸ್ಕ್ರಬ್‌
ಬಿಸಿಲಿನಲ್ಲಿ ಸುತ್ತಾಡಿ ಬಂದ ಓಟ್ಸ್‌ಗೆ ಸ್ವಲ್ಪ ಮೊಸರು ಅಥವಾ ಹಾಲು ಹಾಕಿ ಮಿಕ್ಸ್ ಮುಖವನ್ನು ಸ್ಕ್ರಬ್‌ ಮಾಡಿದರೆ ಸಾಕು.

ಮುಖದಲ್ಲಿ ಕಪ್ಪು ಕಲೆ ಇದ್ದರೆ
ಮುಖದಲ್ಲಿ ಕಪ್ಪು ಕಲೆ ಅಧಿಕವಾಗಿದ್ದರೆ ದಿನಾ ಎಳನೀರಿನಿಂದ ಮುಖವನ್ನು ಒರೆಸಿ. ಈ ರೀತಿ ಮಾಡುತ್ತಾ ಬಂದರೆ ಕಲೆರಹಿತ, ಕಾಂತಿಯುತ ತ್ವಚೆ ಪಡೆಯಬಹುದು.