ಡಾರ್ಕ್ ಸರ್ಕಲ್‌ಗೆ ಮನೆಮದ್ದು

ಸೌಂದರ್ಯದಲ್ಲಿ ನಯನಗಳ ಪಾತ್ರ ಬಹಳ ಮುಖ್ಯವಾದುದು. ಕಣ್ಣುಗಳ ಕೆಳಗೆ ಕಾಣಿಸಿಕೊಳ್ಳಲುವ ಕಪ್ಪು ವರ್ತುಲ ಕಣ್ಣಿನದಷ್ಟೇ ಅಲ್ಲ, ಮುಖದ ಸೌಂದರ್ಯವನ್ನು ಸಹ ಕೆಡಿಸಿ ಬಿಡುತ್ತವೆ. ಇದರಿಂದ ಬಳಲಿದಂತೆ, ವಯಸ್ಸಾದಂತೆ ಕಾಣುತ್ತದೆ. ಮುಖ ಕಳಾಹೀನವಾಗಿ ಕಾಣುತ್ತದೆ. ನಿದ್ರಾಹೀನತೆ, ಅತಿಯಾದ ಮಾನಸಿಕ ಒತ್ತಡ, ಧೂಮಪಾನ, ಮದ್ಯಪಾನ - ಹೀಗೆ ವಿವಿಧ ಕಾರಣಗಳಿಂದ ಡಾರ್ಕ್ ಸರ್ಕಲ್ ಉಂಟಾಗುತ್ತದೆ. ಮನೆಯಲ್ಲೇ ಕುಳಿತು ಇದರಿಂದ ಮುಕ್ತಿ ಪಡೆಯಿರಿ.

• ಆಲೂಗಡ್ಡೆ ಮತ್ತು ಸೌತೇಕಾಯಿ ರಸವನ್ನು ಮಿಕ್ಸ್ ಮಾಡಿಕೊಂಡು ಡಾರ್ಕ್ ಸರ್ಕಲ್ ಇರುವ ಕಡೆಗೆ ಹಚ್ಚಿಕೊಳ್ಳಿ. ಸ್ವಲ್ಪ ಸಮಯದ ನಂತರ ಇದನ್ನು ತೊಳೆದುಕೊಳ್ಳಿ. ನಿಯಮಿತವಾಗಿ ಹೀಗೇ ಮಾಡುತ್ತಿದ್ದರೆ, ಖಂಡಿತವಾಗಿ ಉತ್ತಮ ಫಲಿತಾಂಶ ದೊರಕುತ್ತದೆ.

• ಅರ್ಧ ಟೊಮೆಟೋ ಮತ್ತು ಸ್ವಲ್ಪ ಪುದೀನಾ ಎಲೆಗಳನ್ನು ರುಬ್ಬಿಕೊಂಡು, ಇದಕ್ಕೆ 1 ಚಮಚ ಲಿಂಬೆ ರಸ ಮತ್ತು ಚಿಟಿಕೆ ಉಪ್ಪು ಹಾಕಿರಿ. ಮಿಶ್ರಣವನ್ನು ಕಣ್ಣಿನ ಕೆಳಗಡೆ ಹಚ್ಚಿ. ಒಣಗಿದ ಮೇಲೆ ತಣ್ಣೀರಿನಿಂದ ತೊಳೆಯಿರಿ. ವಾರದಲ್ಲಿ 2-3 ಬಾರಿ ಮಾಡಿದರೆ ಪ್ರಯೋಜನಕಾರಿ

• ಹರಳೆಣ್ಣೆ ಮತ್ತು ತೆಂಗಿನೆಣ್ಣೆಯ ಮಿಶ್ರಣವನ್ನು ಮೃದುವಾಗಿ ಮಸಾಜ್ ಮಾಡುತ್ತಿರಿ.

• ಅಲೋವೆರಾ ಜೆಲ್‌ನ್ನು ಹಚ್ಚಿಕೊಂಡು 15- 20 ನಿಮಿಷಗಳ ನಂತರ ಉಗುರು ಬೆಚ್ಚಗಿನ ನೀರಲ್ಲಿ ತೊಳೆದುಕೊಳ್ಳಿ.

• ನಿದ್ದೆ ಕಡಿಮೆಯಾಗಿ, ಲೈಫ್‌ಸ್ಟೈಲ್‌ನಿಂದಾಗಿ ಡಾರ್ಕ್‌ ಸರ್ಕಲ್‌ ಬಿದ್ದಿದ್ದರೆ ಲೈಫ್‌ಸ್ಟೈಲ್‌ ಬದಲಾಯಿಸಿ , ಕಣ್ತುಂಬ ನಿದ್ದೆ ಮಾಡಿ

• ತಣ್ಣನೆ ಹಾಲನ್ನು ಮುಖಕ್ಕೆ ಹಚ್ಚಿ 20 ನಿಮಿಷದ ಬಳಿಕ ಮುಖ ತೊಳೆಯಿರಿ. ಈ ವಿಧಾನದಿಂದ ಕೂಡ ಡಾರ್ಕ್‌ ಸರ್ಕಲ್ ಹೋಗಲಾಡಿಸಿ ಹೊಳೆಯುವ ತ್ವಚೆ ಪಡೆಯಬಹುದು.

• ಕಣ್ಣನ್ನು ಉಗುರು ಬೆಚ್ಚಗಿನ ನೀರಿನಿಂದ ತೊಳೆದು, ನಂತರ ತಣ್ಣೀರಿನಿಂದ ತೊಳೆಯಿರಿ. ಇದು ಕಣ್ಣಿನ ಸುತ್ತಲೂ ರಕ್ತ ಸಂಚಲನ ಸರಿಯಾಗಿ ನಡೆಯುವಂತೆ ಮಾಡುವುದು.