ಮುಖ ಎಣ್ಣೆ-ಎಣ್ಣೆಯಾಗುವುದು ತಡೆಯುವುದು ಹೇಗೆ?

ಆಯಿಲ್‌ ಸ್ಕಿನ್‌ನವರಿಗೆ ಫ್ರೆಶ್‌ ಆಗಿ ಕಾಣಿಸುವುದೇ ದೊಡ್ಡ ಸಮಸ್ಯೆ. ಮೇಕಪ್‌ ಮಾಡಿದ ಸ್ವಲ್ಪ ಹೊತ್ತಿನಲ್ಲಿಯೇ ಮುಖ ಎಣ್ಣೆ-ಎಣ್ಣೆಯಾಗಿ ಡಲ್‌ ಆಗಿ ಕಾಣಿಸುತ್ತದೆ.

ಆಯಿಲ್‌ ತ್ವಚೆ ಇರುವವರು ತಮ್ಮ ಮುಖ ಆಕರ್ಷಕವಾಗಿ ಕಾಣಬೇಕೆಂದು ಬಯಸುವುದಾದರೆ ಏನು ಮಾಡಬೇಕು, ಏನು ಮಾಡಬಾರದು ಎಂಬ ಟಿಪ್ಸ್ ಇಲ್ಲಿದೆ ನೋಡಿ:

ಸರಿಯಾದ ಫೇಸ್‌ ಕ್ಲೀನರ್‌ ಬಳಸಿ
ಬೆಂಜೋಲ್‌ ಪೆರಾಕ್ಸೈಡ್‌, ಟೀ ಟ್ರೀ ಆಯಿಲ್‌, ಸ್ಯಾಲಿಸಿಲಿಕ್ ಆಮ್ಲ ಇರುವ ಫೇಸ್ ಕ್ಲೀನರ್ ಆಯಿಲ್‌ ಸ್ಕಿನ್‌ನವರಿಗೆ ತುಂಬಾ ಒಳ್ಳೆಯದು.

ಗಾಢವಾದ ಮೇಕಪ್ ಮಾಡಬೇಡಿ
ಗಾಢವಾದ ಮೇಕಪ್‌ ಎಣ್ಣೆ ತ್ವಚೆಯವರ ಲುಕ್‌ ಹಾಳು ಮಾಡುತ್ತದೆ, ಲಿಕ್ವಿಡ್‌ ಕ್ರೀಮ್‌, ಲಿಕ್ವಿಡ್ ಫೌಂಡೇಷನ್‌ ಬಳಸಬೇಡಿ, ಫೌಂಡೇಷನ್‌ ಪೌಡರ್‌ ಹಚ್ಚಿ, ಕಣ್ಣಿಗೆ ಕಾಜಲ್ ವಾಟರ್ ಫ್ರೂಫ್‌ ಆಗಿರಲಿ.

ಮಾಯಿಶ್ಚರೈಸರ್‌ ಮಾಡಲು ಮರೆಯದಿರಿ
ಮುಖ ತುಂಬಾ ಎಣ್ಣೆ-ಎಣ್ಣೆಯಾಗುವುದನ್ನು ತಡೆಯಲು ಮಾಯಿಶ್ಚರೈಸರ್‌ ಮಾಡಿ. ತೆಂಗಿನೆಣ್ಣೆ, ಪೆಟ್ರೋಲಿಯಂ ಜೆಲ್, ಕೋಕಾ ಬಟರ್‌ ಬದಲು ಲೋಳೆಸರ, ಗ್ಲಿಸರಿನ್ ಬಳಸಿ ಮಾಯಿಶ್ಚರೈಸರ್‌ ಮಾಡಿ.

ಟೋನರ್‌ ಬಳಸಿ
ಟೋನರ್‌ ತ್ವಚೆಯ pH ಲೆವಲ್‌ ಕಾಪಾಡುವಲ್ಲಿ ಸಹಕಾರಿ. ಆಲ್ಕೋಹಾಲ್ ಫ್ರೀ ಟೋನರ್‌ ಬಳಸಿ. ಇದು ಮುಖದಲ್ಲಿನ ರಂಧ್ರಗಳನ್ನು ಮರೆ ಮಾಚಲು ಸಹಕಾರಿ.

ಬ್ಲೋಟಿಂಗ್‌ ಪೇಪರ್ ಬಳಸಿ
ಇದು ಮುಖದಲ್ಲಿನ ಎಣ್ಣೆಯಂಶ ತೆಗೆದು ಮುಖ ಫ್ರೆಶ್ ಆಗಿ ಕಾಣುವಂತೆ ಮಾಡುತ್ತದೆ.