ಹಬ್ಬ ಹರಿದಿನಗಳಲ್ಲಿ ವಿಂಗ್ಡ್‌ ಐ ಮೇಕಪ್ ಮಾಡುವುದು ಹೇಗೆ?

ಕಾಡಿಗೆ ಹಚ್ಚಿದ ಕಣ್ಣಿನ ಅಂದ ನೋಡುವುದೇ ಚೆಂದ. ಕಣ್ಣಿಗೆ ಕಾಡಿಗೆಯನ್ನು ತೆಳುವಾಗಿ ಹಚ್ಚಬಹುದು, ಮಂದವಾಗಿ ಹಚ್ಚಬಹುದು, ನಾವು ಕಣ್ಣಿಗೆ ಕಾಡಿಗೆ ಹೇಗೆ ಹಚ್ಚುತ್ತೇವೋ ಹಾಗೇ ನಮ್ಮ ಲುಕ್ ಕೂಡ ಬದಲಾಗುತ್ತದೆ.

ಹಬ್ಬ ಹರಿದಿನಗಳಲ್ಲಿ ಮೇಕಪ್ ಮಾಡುವಾಗ ಸ್ವಲ್ಪ ಎದ್ದು ಕಾಣುವ ಮೇಕಪ್ ಮಾಡಬಯಸುತ್ತೇವೆ. ಗಾಢವಾದ ಮೇಕಪ್‌ಗೆ ಕಣ್ಣಿಗೆ ವಿಂಗ್ಡ್ ಐ ಸ್ಟೈಲ್ ಮಾಡಿದರೆ ಮತ್ತಷ್ಟು ಆಕರ್ಷಕವಾಗಿ ಕಾಣುವುದು.

ವಿಂಗ್ಡ್ ಐ ಮೇಕಪ್ ಮಾಡಿದಾಗ ಕಣ್ಣುಗಳು ಮತ್ತಷ್ಟು ದೊಡ್ಡದಾಗಿ ಕಾಣುವುದು. ಇಲ್ಲಿ ವಿಂಗ್ಡ್‌ ಐ ಮೇಕಪ್ ಮಾಡಲು ಕೆಲ ಟಿಪ್ಸ್ ನೀಡಲಾಗಿದೆ ನೋಡಿ:

ಮೊದಲಿಗೆ ಪರ್ಫೆಕ್ಟ್ ವಿಂಗ್ಡ್‌ ಐಗೆ ಬೇಸ್‌ಲೈನ್ ಹಾಕಿ. ಕಣ್ಣನ್ನು ಎಳೆದು ಹಿಡಿದು ಎರಡು ಕಣ್ಣಿಗೆ ಒಂದೇ ಅಳತೆಯಲ್ಲಿ ಐ ಪೆನ್ಸಿಲ್‌ನಿಂದ ಎಳೆಯಿರಿ. ಕಣ್ಣಿನ ಹೊರಗೆ ಸ್ವಲ್ಪ ಶಾರ್ಪ್‌ ಆಗಿ ಇರಲಿ. ಈಗ ತುಂಬಾ ಎಚ್ಚರಿಕೆಯಿಂದ ಕಾಜಲ್ ಹಚ್ಚಿ. ಒಂದು ವೇಳೆ ಹಾಕುವಾಗ ಸ್ವಲ್ಪ ಹೆಚ್ಚು ಕಮ್ಮಿಯಾದರೆ ಮೇಕಪ್‌ ರಿಮೂವರ್‌ ಅನ್ನು ಕಾಟನ್‌ಗೆ ಹಾಕಿ ಸರಿಪಡಿಸಿ.