ನಿಮ್ಮದು ಯಾವ ಬಗೆಯ ತ್ವಚೆ ಎಂದು ಕಂಡು ಹಿಡಿಯುವುದು ಹೇಗೆ?

ನೀವು ಯಾವುದೇ ಸೌಂದರ್ಯವರ್ಧಕಗಳನ್ನು ಕೊಳ್ಳುವ ಮುಂಚೆ ನಿಮ್ಮ ಸ್ಕಿನ್‌ ಟೈಪ್‌ ಯಾವುದೆಂದು ತಿಳಿದುಕೊಂಡು ಕೊಂಡುಕೊಳ್ಳಬೇಕು. ಇಲ್ಲದಿದ್ದರೆ ಹಾಕಿದ ಕ್ರೀಮ್ ಅಥವಾ ಫೌಂಡೇಷನ್ ಯಾವುದೇ ಪ್ರಯೋಜನ ಬೀರುವುದಿಲ್ಲ.

ಆಯಿಲ್ ಸ್ಕಿನ್ ಇರುವವರು ಆಯಿಲ್ ಬೇಸ್ಡ್‌ ಕ್ರೀಮ್ ಹಾಕಿದರೆ ಮುಖ ಮತ್ತಷ್ಟು ಆಯಿಲ್ ಆಗಿ ಕಾಣುವುದು. ಡ್ರೈ ಸ್ಕಿನ್‌ ಇರುವವರಿಗೆ ಆಯಿಲ್‌ ಬೇಸ್ಡ್‌ ಕ್ರೀಮ್ ಸೂಟ್‌ ಆಗುತ್ತದೆ. ಇನ್ನು ಎಣ್ಣೆ ತ್ವಚೆಯವರು, ಮುಖದಲ್ಲಿ ಎಣ್ಣೆ ಹೆಚ್ಚಾಗದಿರಲು ಪೌಡರ್‌ ಹಾಗೂ ಕ್ರೀಮ್ ಬಳಸಬೇಕು.

ಇಲ್ಲಿ ನಿಮ್ಮ ತ್ವಚೆ ಯಾವ ಬಗೆಯದು ಎಂದು ಕಂಡು ಹಿಡಿಯಲು ಟಿಪ್ಸ್ ನೀಡಿದ್ದೇವೆ ನೋಡಿ:
ಸಾಮಾನ್ಯವಾಗಿ 4 ಬಗೆಯ ತ್ವಚೆಯಿದೆ
1. ಸಾಮಾನ್ಯ ತ್ವಚೆ
2. ಎಣ್ಣೆ ತ್ವಚೆ
3. ಒಣ ತ್ವಚೆ
4. ಹಾಗೂ ಎಣ್ಣೆ ತ್ವಚೆ ರೀತಿ ಕಾಣುತ್ತದೆ ಆದರೆ ಎಣ್ಣೆತ್ವಚೆಯಲ್ಲ ಇದನ್ನು ಕಾಂಬಿನೇಷನ್ ಸ್ಕಿನ್ ಎಂದು ಕರೆಯುತ್ತಾರೆ.

ತ್ವಚೆ ಯಾವ ಬಗೆಯದು ಎಂದು ತಿಳಿಯಲು ಮುಖವನ್ನು ತೊಳೆದು ಯಾವುದೇ ಕ್ರೀಮ್, ಪೌಡರ್ ಹಚ್ಚಬೇಡಿ. ಹಾಗೇ ಒಂದು ಗಂಟೆ ಬಿಡಿ, ನಂತರ ಕನ್ನಡಿಯಲ್ಲಿ ಮುಖ ನೋಡಿಕೊಳ್ಳಿ, ನಿಮ್ಮ ತ್ವಚೆ ತೊಳೆದಾಗ ಕಂಡಷ್ಟೇ ಆಕರ್ಷಕವಾಗಿ ಕಂಡರೆ ನಾರ್ಮಲ್ ಅಂದರೆ ಸಾಮಾನ್ಯ ತ್ವಚೆ. ತ್ವಚೆ ಎಣ್ಣೆ-ಎಣ್ಣೆಯಾಗಿದ್ದರೆ ಎಣ್ಣೆ ತ್ವಚೆ, ಇದನ್ನು ಹಣೆ, ಮೂಗು ನೋಡಿ ಪತ್ತೆ ಹಚ್ಚಬಹುದು. ತ್ವಚೆ ತುಂಬಾ ಮಂಕಾಗಿ, ಶುಷ್ಕವಾಗಿ ಕಂಡರೆ ಅದು ಒಣ ತ್ವಚೆ.

ಆರೋಗ್ಯಕರ ತ್ವಚೆಗೆ ಬೇಕಾದ ವಿಟಮಿನ್ಸ್
ವಿಟಮಿನ್ ಎ, ಡಿ, ಸಿ ಮತ್ತು ಇ ಇರುವ ಆಹಾರ ತಿನ್ನಿ. ತ್ವಚೆ ಆರೋಗ್ಯಕರವಾಗಿರಲು ಸಾಕಷ್ಟು ನೀರು ಕುಡಿಯಿರಿ.