ಹಲ್ಲುಗಳಲ್ಲಿನ ಹಳದಿ ಬಣ್ಣ ತೆಗೆಯಲು ಸರಳ ಸೂತ್ರ

ನಕ್ಕಾಗ ಹಲ್ಲುಗಳು ಮುತ್ತಿನಂತೆ ಹೊಳೆದರೆ ನೋಡುಗರಿಗೆ ನಿಮ್ಮ ಮುಖ ಮತ್ತಷ್ಟು ಆಕರ್ಷಕವಾಗಿ ಕಾಣುವುದು. ಇಲ್ಲಿ ಹಳದಿ ಬಣ್ಣಕ್ಕೆ ತಿರುಗಿದ ಹಲ್ಲುಗಳನ್ನು ಕೆಲವು ಸರಳ ವಿಧಾನ ಬಳಸಿ ಬೆಳ್ಳಗಾಗಿಸುವ ಟಿಪ್ಸ್ ನೀಡಿದ್ದೇವೆ ನೋಡಿ:

ಅರಿಶಿಣ
ನಿಮ್ಮ ಟೂತ್‌ಬ್ರೆಷ್‌ ಮೇಲೆ ಸ್ವಲ್ಪ ಅರಿಶಿಣ ಹಾಕಿ ಹಲ್ಲುಜ್ಜಿ, ನಂತರ ಪೇಸ್ಟ್‌ನಿಂದ ಹಲ್ಲು ತಿಕ್ಕಿದರೆ ಹಲ್ಲು ಬೆಳ್ಳಗಾಗುವುದು.

ಸ್ಟ್ರಾಬೆರಿ ಹಾಗೂ ಅಡುಗೆ ಸೋಡಾ
ಸ್ಟ್ರಾಬೆರಿ ಮೇಲೆ ಅಡುಗೆ ಸೋಡ ಚಿಮುಕಿಸಿ ಅದರಿಂದ ಹಲ್ಲು ತಿಕ್ಕಿದರೆ ಹಲ್ಲು ಬೆಳ್ಳಗಾಗುವುದು.

ಕಿತ್ತಳೆ ಸಿಪ್ಪೆ
ಕಿತ್ತಳೆ ಸಿಪ್ಪೆಯನ್ನು ಎರಡರಿಂದ ಮೂರು ನಿಮಿಷ ಹಲ್ಲು ಮೇಲೆ ತಿಕ್ಕಿದರೆ ಸಾಕು ಹಲ್ಲು ಬೆಳ್ಳಗಾಗುವುದು.

ತುಳಸಿ
ತುಳಸಿ ಎಲೆಯನ್ನು ಒಣಗಿಸಿ ಪುಡಿ ಮಾಡಿ, ಆ ಪುಡಿಯನ್ನು ಟೂತ್‌ಪೇಸ್ಟ್ ಜತೆ ಮಿಕ್ಸ್ ಮಾಡಿ ಹಚ್ಚುವುದರಿಂದ ಹಲ್ಲಿನಲ್ಲಿರುವ ಹಳದಿ ಬಣ್ಣವನ್ನು ಹೋಗಲಾಡಿಸಬಹುದು.

ಎಣ್ಣೆಯಿಂದ ಬಾಯಿ ಮುಕ್ಕಳಿಸುವುದು
ಆಯಿಲ್‌ ಪುಲ್ಲಿಂಗ್‌ ಅಥವಾ ಎಣ್ಣೆಯಿಂದ 5 ನಿಮಿಷ ಬಾಯಿ ಮುಕ್ಕಳಿಸಿ, ನಂತರ ತಣ್ಣೀರಿನಿಂದ ಬಾಯಿ ತೊಳೆಯಬೇಕು. ಈ ರೀತಿ ಮಾಡಿದರೆ ಹಲ್ಲಿನ ಆರೋಗ್ಯ ಹೆಚ್ಚುವುದು.

ಬಾಳೆಹಣ್ಣಿನ ಸಿಪ್ಪೆ
ಬಾಳೆ ಹಣ್ಣಿನ ಸಿಪ್ಪೆಯನ್ನು ಹಲ್ಲಿಗೆ ತಿಕ್ಕಿ, ನಂತರ ಟೂತ್‌ಪೇಸ್ಟ್‌ನಿಂದ ತಿಕ್ಕಿದರೆ ಬಿಳುಪು ಹಲ್ಲು ನಿಮ್ಮದಾಗುವುದು.