ಇದರಿಂದಾಗಿ ಈ ಸಮಸ್ಯೆಗಳು ಪ್ರಾರಂಭವಾಗುತ್ತವೆ. ಮುಖದ ಮೇಲೆ ನಿರಂತರ ಬೆವರುವಿಕೆಯಿಂದಾಗಿ, ಮೊಡವೆಗಳ ಸಮಸ್ಯೆ ಪ್ರತಿದಿನ ಕಾಣಿಸಿಕೊಳ್ಳುತ್ತದೆ ಈ ಸಮ್ಯೆಯಿಂದ ಪಾರಾಗಲು ಇಲ್ಲಿದೆ ಸಿಂಪಲ್ ಟಿಪ್ಸ್.
ನೈರ್ಮಲ್ಯದ ಬಗ್ಗೆ ಇರಲಿ ಕಾಳಜಿ
ಬೆವರುವಿಕೆಯಿಂದ, ನೀವು ಯಾವಾಗಲೂ ಮೊಡವೆಗಳ ಸಮಸ್ಯೆಯನ್ನು ಎದುರಿಸುತ್ತಿದ್ದೀರೆಂದಾದರೆ ನೀವು ಕೆಲವು ಸಲಹೆಗಳನ್ನು ಅನುಸರಿಸಬೇಕು. ಈ ಸಮಸ್ಯೆಯನ್ನು ತೊಡೆದುಹಾಕಲು, ನೀವು ನೈರ್ಮಲ್ಯದ ಬಗ್ಗೆ ವಿಶೇಷ ಕಾಳಜಿ ವಹಿಸುವುದು ಮುಖ್ಯ
ಬೇಸಿಗೆಯಲ್ಲಿ ಚರ್ಮ ಆರೋಗ್ಯವಾಗಿರಬೇಕಾದರೆ ತಿನ್ನಲೇ ಬೇಕು ಈ ಹಣ್ಣುಗಳನ್ನು
ಬೆವರು ಒರೆಸುವುದು ಸಾಕಾಗುವುದಿಲ್ಲ
ವಾಸ್ತವವಾಗಿ, ಬೆವರಿನ ಕಾರಣದಿಂದಾಗಿ, ಕೊಳಕು ಮುಖಕ್ಕೆ ಅಂಟಿಕೊಳ್ಳುತ್ತದೆ, ಇದರಿಂದಾಗಿ ಮುಖದಲ್ಲಿ ರಂಧ್ರಗಳು ನಿರ್ಬಂಧಿಸಲ್ಪಡುತ್ತವೆ ಮತ್ತು ನಂತರ ಮೊಡವೆಗಳು ಅಥವಾ ಇತರ ಚರ್ಮದ ಸಮಸ್ಯೆಗಳು ಪ್ರಾರಂಭವಾಗುತ್ತವೆ.
ಅಂದಹಾಗೆ, ಈ ಸಮಸ್ಯೆಯನ್ನು ತಪ್ಪಿಸಲು ಬರೀ ಬೆವರು ಒರೆಸಿದರೆ ಸಾಕಾಗುವುದಿಲ್ಲ. ಅನೇಕ ಬಾರಿ ಚರ್ಮವು ಬೆವರಿನಲ್ಲಿ ಅಂಟಿಕೊಂಡಿರುವ ಕೊಳೆಯನ್ನು ಹೀರಿಕೊಳ್ಳುತ್ತದೆ, ಇದರಿಂದಾಗಿ ಮುಖದಲ್ಲಿ ಕಪ್ಪು ಚುಕ್ಕೆಗಳು ಅಥವಾ ಮೊಡವೆಗಳು ಮೂಡುತ್ತವೆ.
ಟಿಶ್ಯೂ ಪೇಪರ್ ಬಳಸಿ
ನಾವು ಸಾಮಾನ್ಯವಾಗಿ ಮುಖ ತೊಳೆದ ನಂತರ ಅಥವಾ ಬೆವರುವಾಗ ಟವೆಲ್ನ್ನು ಬಳಸಿ ಮುಖ ಒರೆಸುತ್ತೇವೆ. ಅದರ ಬದಲಿಗೆ ಟಿಶ್ಯೂ ಪೇಪರ್ನ್ನು ಬಳಸುವುದು ಒಳ್ಳೆಯದು. ಇದು ತ್ವಚೆಯಿಂದ ಎಣ್ಣೆಯ ಅಂಶ ಹಾಗೂ ದೂಳನ್ನು ಹೀರಿಕೊಳ್ಳುತ್ತದೆ. ನಿಮ್ಮ ಚರ್ಮವನ್ನು ಸ್ವಚ್ಛವಾಗಿರಿಸುತ್ತದೆ.
ತಕ್ಷಣ ಮುಖ ತೊಳೆಯದಿರಿ
ಹೆಚ್ಚು ವರ್ಕೌಟ್ ಮಾಡಿದಾಗ ಅಥವಾ ಹೊರಗಿನಿಂದ ಬಂದಾಗ ತಕ್ಷಣ ಮುಖವನ್ನು ತೊಳೆಯಲು ಹೋಗಬೇಡಿ. ಮೊದಲು ಅದನ್ನು ಟವೆಲ್ ಅಥವಾ ಬಟ್ಟೆಯಿಂದ ಒರೆಸಿ ಈ ಮೂಲಕ ಬೆವರು ಒರೆಸಬೇಕು. ನಂತರ 10 ರಿಂದ 15 ನಿಮಿಷಗಳ ಕಾಲ ಕಾಯಿರಿ ನಂತರ ಮುಖವನ್ನು ತೊಳೆಯಿರಿ ಅಥವಾ ಸ್ನಾನ ಮಾಡಿ.
ತಕ್ಷಣವೇ ಬೆವರುವ ಮುಖವನ್ನು ನೀರಿನಿಂದ ತೊಳೆಯುವುದು ಶಾಖದ ಹೊಡೆತದಿಂದಾಗುವ ಚರ್ಮದ ಸಮಸ್ಯೆ ಉಂಟಾಗುವ ಸಾಧ್ಯತೆ ಇರುತ್ತದೆ. ಹೀಗೆ ಎರಡು ಬಾರಿ ಮುಖವನ್ನು ಸ್ವಚ್ಛಗೊಳಿಸುವುದರಿಂದ ಕೊಳಕು ಚೆನ್ನಾಗಿ ತೆಗೆಯಲ್ಪಡುತ್ತದೆ.
ಕ್ಲೆನ್ಸರ್ನ್ನು ಅಧಿಕವಾಗಿ ಬಳಸದಿರಿ
ಕ್ಲೆನ್ಸರ್ ಸಹಾಯದಿಂದ ಮುಖವನ್ನು ಆಗಾಗ್ಗೆ ಸ್ವಚ್ಛಗೊಳಿಸುವುದು ಚರ್ಮಕ್ಕೆ ಒಳ್ಳೆಯದಲ್ಲ. ಇದು ಚರ್ಮದ ಕಿರಿಕಿರಿಗೆ ಕಾರಣವಾಗಬಹುದು. ಹಾಗಾಗಿ ಕ್ಲೆನ್ಸರ್ ಬದಲು ನೀವು ನೈಸರ್ಗಿಕ ಉತ್ಪನ್ನಗಳನ್ನು ಪ್ರಯತ್ನಿಸಿದರೆ ಉತ್ತಮ. ಇದಕ್ಕಾಗಿ ನೀವು ಮುಲ್ತಾನಿ ಮಿಟ್ಟಿಯನ್ನು ಬಳಸಬಹುದು. ಮುಖದ ಮೇಲೆ ಹಚ್ಚಿದ ನಂತರ, ನೀರಿನಿಂದ ತೊಳೆಯಿರಿ. ಇದರಿಂದ ಬೆವರಿನ ಸಮಸ್ಯೆಯೂ ಕಡಿಮೆಯಾಗುತ್ತದೆ ಮತ್ತು ಮೊಡವೆಗಳು ಬರುವುದಿಲ್ಲ. ಮತ್ತೊಂದೆಡೆ, ಮುಲ್ತಾನಿ ಮಿಟ್ಟಿ ಬದಲಿಗೆ, ಇತರ ನೈಸರ್ಗಿಕ ಪದಾರ್ಥಗಳನ್ನು ಸಹ ಬಳಸಬಹುದು.
ಮಾವಿನಹಣ್ಣಿನ ಸಿಪ್ಪೆಯಿಂದ ಮುಖದ ಸೌಂದರ್ಯ ಹೆಚ್ಚಿಸಿ
ಸ್ಕ್ರಬ್ ಮಾಡಿ
ಮುಖದ ಚರ್ಮವು ಕ್ಲೀನ್ ಆಗಿ ಚರ್ಮದ ರಂಧ್ರಗಳನ್ನು ಕ್ಲೀನ್ ಇರಿಸಿಕೊಳ್ಳಲು ಸ್ಕ್ರಬ್ಬಿಂಗ್ ಮಾಡಿಕೊಳ್ಳುವುದು ಬಹಳ ಮುಖ್ಯ. ಸ್ಕ್ರಬ್ ಮಾಡುವುದರಿಂದ ಬ್ಲ್ಯಾಕ್ ಹೆಡ್ಸ್ ಅನ್ನು ಸಹ ಸುಲಭವಾಗಿ ತೆಗೆಯಬಹುದು. ಸ್ಕ್ರಬ್ ಮಾಡಲು ಮಾರುಕಟ್ಟೆಯ ಹಲವಾರು ಉತ್ಪನ್ನಗಳನ್ನುದೊರೆಯುತ್ತದೆ. ಆದರೆ ಬೇಸಿಗೆಯಲ್ಲಿ ಚರ್ಮದಿಂದ ಎಣ್ಣೆ ಹೊರಬರುವ ಸಮಸ್ಯೆ ಹೆಚ್ಚು ಇರುತ್ತದೆ.
ಹಾಗಾಗಿ ಚರ್ಮವು ಜಿಗುಟಾಗುವ ಸಾಧ್ಯತೆ ಇರುತ್ತದೆ. ಅದಕ್ಕಾಗಿ ನೀವು ಓಟ್ಸ್ ಮತ್ತು ಮೊಸರನ್ನು ಮಿಕ್ಸ್ ಮಾಡಿ ಸ್ಕ್ರಬ್ ರೀತಿ ಬಳಸಬಹುದು. ಈ ಎರಡೂ ಪದಾರ್ಥಗಳು ಡೀಪ್ ಕ್ಲೀನ್ ಹಾಗೂ ಡೆಡ್ ಸ್ಕಿನ್ ಅನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
ಮುಖದ ರಂಧ್ರಗಳನ್ನು ಮುಚ್ಚದಂತೆ ನೋಡಿಕೊಳ್ಳಿ
ನಾವು ಮುಖದ ಮೇಲೆ ಹಲವಾರು ವಿಧಧ ಉತ್ಪನ್ನಗಳನ್ನು ಬಳಸುತ್ತೇವೆ. ಇದು ನಿಮ್ಮ ಚರ್ಮದ ತೇವಾಂಶವನ್ನು ಉಳಿಸಿಕೊಂಡಿದ್ದರೂ ಸಹ, ಕೆಲವೊಮ್ಮೆ ಪದರವು ಚರ್ಮದ ರಂಧ್ರಗಳನ್ನು ಮುಚ್ಚುವಂತೆ ಮಾಡುತ್ತದೆ. ಬ್ಯೂಟಿ ಪ್ರಾಡಕ್ಟ್ ಹಚ್ಚಿದ ನಂತರ ಹೆಚ್ಚಾಗಿ ಬೆವರಲು ಶುರುವಾಗುತ್ತದೆ. ಹಾಗಾಗಿ ಬೇಸಿಗೆಯಲ್ಲಿ ತ್ವಚೆಯನ್ನು ತಾಜಾತನವನ್ನು ಕಾಪಾಡಲು ಮತ್ತು ನೈಸರ್ಗಿಕವಾಗಿರಿಸಲು ಪ್ರಯತ್ನಿಸಿ.