ಮುಖದ ಕಾಂತಿ ಹೆಚ್ಚಿಸಲು ಶೀಟ್‌ ಮಾಸ್ಕ್ ಬಳಸುವುದು ಹೇಗೆ?

ಸೌಂದರ್ಯ ವರ್ಧಿಸುವ ಸಾಧನಗಳಲ್ಲಿ ಇದೀಗ ಶೀಟ್‌ ಮಾಸ್ಕ್ ತುಂಬಾ ಜನಪ್ರಿಯತೆ ಗಳಿಸಿದೆ. ಅನೇಕ ಬ್ಯೂಟಿ ಬ್ಲಾಗರ್ ಹಾಗೂ ಫ್ಯಾಷನ್ ಪ್ರಿಯರು ಈ ಶೀಟ್‌ ಮಾಸ್ಕ್‌ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡುತ್ತಿದ್ದಾರೆ.

ಇದನ್ನು ಜಪಾನ್ ಹಾಗೂ ಸೌತ್‌ ಕೊರಿಯಾದಲ್ಲಿ ಬಳಸುತ್ತಿದ್ದರು, ಈಗ ಜಗತ್ತಿನ ಎಲ್ಲಡೆ ಜನಪ್ರಿಯವಾಗುತ್ತಿದೆ.

ಶೀಟ್‌ ಮಾಸ್ಕ್‌ ಎಂದರೆ ಮುಖದ ರೀತಿಯ ಶೀಟ್‌ ಮಾಸ್ಕ್ ಅದನ್ನು ಸೌತೆಕಾಯಿ, ಬೆಣ್ಣೆಹಣ್ಣು, ಬ್ಲೂಬೆರ್ರಿ ಹಣ್ಣುಗಳ ಸೆರೆಮ್‌ನಲ್ಲಿ ಮುಳುಗಿಸಿಡಲಾಗುವುದು. ಇದನ್ನು ಪೇಪರ್‌, ಅಥವಾ ಫೈಬರ್‌ನಲ್ಲಿ ಮಾಡಬಹುದು. ಒಂದು ಶೀಟ್‌ ಮಾಸ್ಕ್‌ ಅನ್ನು ಒಮ್ಮೆಯಷ್ಟೇ ಬಳಸಬಹುದು. ಬೇರೆ ಮಾಸ್ಕ್‌ಕಿಂತ ಇದನ್ನು ಬಳಸವುದು ಕೂಡ ಸುಲಭ.

ಇತರ ಮಾಸ್ಕ್‌ಗಳನ್ನು ಬಳಸುವಾಗ ನೀವು ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಬೇಕಿತ್ತು, ನಂತರ ಅದು ಒಣಗುವವರೆಗೆ ಕಾಯಬೇಕಿತ್ತು, ಆ ನಂತರ ನೀರು ಹಾಕಿ ತೊಳೆಯಬೇಕಾಗಿತ್ತು. ಇದರಲ್ಲಾದರೆ ಶೀಟ್‌ ಮಾಸ್ಕ್‌ ತೆಗೆದು ಅದನ್ನು ಮುಖಕ್ಕೆ ಹಾಕಿದರೆ ತುಂಬಾ ತಂಪು ಅನಿಸುವುದು. ಈ ಮಾಸ್ಕ್ ಹಚ್ಚಿ 15-20 ನಿಮಿಷ ಬಿಟ್ಟು ತೆಗೆದು, ಸ್ವಲ್ಪ ಸೆರೆಮ್‌ ಅನ್ನು ಮುಖಕ್ಕೆ ಹಚ್ಚಿ, ಮೆಲ್ಲನೆ ಬಡಿಯಿರಿ. ಮಸಾಜ್‌ಗೆ ಫೇಸ್‌ ರೋಲರ್‌ ಬಳಸಬಹುದು. ನಂತರ ನೀರು ಹಾಕಿ ಮುಖದ ತೊಳೆದರೆ ಮುಖದ ಹೊಳಪು ಹೆಚ್ಚುವುದು.

ಈ ಶೀಟ್‌ ಮಾಸ್ಕ್‌ನ ಮಾರ್ಕೆಟ್‌ ಬೆಲೆ ರೂ. 100-150ರಷ್ಟಿದೆ.