ಹೇರ್ ಸ್ಪಾ ಆರೈಕೆ
ಹೇರ್ ಸ್ಪಾ ಚಿಕಿತ್ಸೆಗಳು ಹಾನಿಗೊಳಗಾದ ಕೂದಲುಗಳಿಗೆ ಆರೋಗ್ಯ ಮತ್ತು ಹೊಳಪನ್ನು ನೀಡುತ್ತವೆ. ಅವು ಕೂದಲುಗಳಿಗೆ ಸಂಪೂರ್ಣ ಚಿಕಿತ್ಸೆಗಳನ್ನು ನೀಡುವುದರ ಮೂಲಕ ಕೂದಲುಗಳ ಕಿರು ಚೀಲಗಳನ್ನು ಉತ್ತೇಜಿಸುತ್ತವೆ. ಕೂದಲುಗಳ ವಿನ್ಯಾಸವನ್ನು ಸುಧಾರಿಸುವುದರ ಮೂಲಕ ಕೂದಲ ಆರೋಗ್ಯ ಮತ್ತು ಆಕರ್ಷಣೆಯನ್ನು ಹೆಚ್ಚಿಸುವುದು. ಸ್ಪಾ ಚಿಕಿತ್ಸೆಯಿಂದಾಗಿ ಕೂದಲು ಆಳವಾದ ಕಂಡೀಷನಿಂಗ್ ಆರೈಕೆಗೆ ಒಳಗಾಗಿ ಸೊಂಪಾದ ಬೆಳವಣಿಗೆಯನ್ನು ಪಡೆದುಕೊಳ್ಳುವುದು.
ಟೀ ವಾಟರ್ ಹೇರ್ ಸ್ಪಾ
ಕೂದಲನ್ನು ಆಳವಾದ ಕಂಡೀಷನರ್‍ಗೆ ಅಥವಾ ಮಾಯ್ಚುರೈಸ್ ಮಾಡಲು ಟೀ ವಾಟರ್ ಹೇರ್ ಸ್ಪಾ ಉತ್ತಮ ಆಯ್ಕೆ ಆಗುವುದು.
- ಒಂದು ಬೌಲ್ ನಲ್ಲಿ ಒಂದು ಟೀ ಚಮಚ ವಿನೆಗರ್, ಜೇನುತುಪ್ಪ, ಸ್ವಲ್ಪ ಮೊಸರು ಮತ್ತು ಒಂದು ಮೊಟ್ಟೆಯ ಬಿಳಿ ಭಾಗವನ್ನು ಬೆರೆಸಿ, ಮಿಶ್ರಗೊಳಿಸಬೇಕು.
- ಮಿಶ್ರಣವನ್ನು ನೆತ್ತಿ ಹಾಗೂ ಕೂದಲುಗಳ ಬುಡಕ್ಕೆ ನ್ವಯಿಸಿ, 20 ನಿಮಿಷಗಳ ಕಾಲ ಆರಲು ಬಿಡಿ.
- ಬಳಿಕ ಮೃದುವಾದ ಶಾಂಪೂ ಬಳಸಿ ಕೂದಲನ್ನು ಸ್ವಚ್ಛಗೊಳಿಸಿ.
- ನಂತರ ಒಂದು ಗ್ರೀನ್ ಟೀ ಬ್ಯಾಗ್ ಅನ್ನು ಬಿಸಿ ನೀರಿನಲ್ಲಿ ಅದ್ದಿ ರಸವನ್ನು ಪಡೆಯಿರಿ.
- ಆ ರಸಕ್ಕೆ ಸ್ವಲ್ಪ ನಿಂಬು ರಸವನ್ನು ಸೇರಿಸಿ, ಕೂದಲನ್ನು ಅದರಲ್ಲಿ ನೆನೆಸಿ ಅಥವಾ ತೊಳೆಯಿರಿ.
- ಸ್ವಲ್ಪ ಸಮಯದ ಬಳಿಕ ಮೃದುವಾದ ನೀರಿನಲ್ಲಿ ಕೂದಲನ್ನು ಸ್ವಚ್ಛಗೊಳಿಸಿ.
ಆಯುರ್ವೇದ ಹೇರ್ ಸ್ಪಾ ಚಿಕಿತ್ಸೆ
ಕೂದಲಿನ ಪ್ರಕಾರ ಅಥವಾ ನಿರ್ದಿಷ್ಟವಾದ ಅಗತ್ಯತೆಗೆ ಅನುಗುಣವಾಗಿ ವಿಭಿನ್ನ ಬಗೆಯ ಹೇರ್ ಪ್ಯಾಕ್ ಅನ್ನು ಅನ್ವಯಿಸಲಾಗುವುದು. ಈ ಚಿಕಿತ್ಸೆಯಲ್ಲಿ ಕೂದಲ ಆರೈಕೆಗಾಗಿ ಪ್ರೋಟೀನ್ ಅಥವಾ ಆಯುರ್ವೇದದ ಉತ್ಪನ್ನಗಳನ್ನು ಬಳಸಲಾಗುವುದು. ಆಯುರ್ವೇದದ ಗಿಡಮೂಲಿಕೆಗಳಾದ ನೆಲ್ಲಿಕಾಯಿ, ಬ್ರಾಹ್ಮಿ, ಪುದೀನ, ಬೇವು, ತ್ರಿಫಲ ಇತ್ಯಾದಿ ಗಿಡಮೂಲಿಕೆಗಳಿಂದ ಉತ್ತಮ ಪೋಷಣೆ ನೀಡಲಾಗುವುದು.
ತಲೆ ಹೊಟ್ಟಿನಂತಹ ಸಮಸ್ಯೆ ಇದ್ದರೆ ಶಿಲೀಂದ್ರಗಳ ಸೋಂಕುಗಳನ್ನು ತಡೆಯುವಂತಹ ಚಿಕಿತ್ಸೆ ನೀಡಲಾಗುವುದು. ಎಣ್ಣೆಯುಕ್ತ, ಎಣ್ಣೆ ಮುಕ್ತ ಮತ್ತು ಸೌಮ್ಯವಾದ ಗಿಡಮೂಲಿಕೆಗಳಿಂದ ವಿಶೇಷ ಪೋಷಣೆ ನೀಡಲಾಗುವುದು. ಈ ಚಿಕಿತ್ಸೆಳಿಗೆ ಸೌಮ್ಯವಾದ ಶಾಂಪೂ, ಪ್ಲಾಸ್ಟಿಕ್ ಶವರ್ ಕ್ಯಾಪ್, ಟವೆಲ್, ಅಗಲ ಹಲ್ಲಿನ ಬಾಚಣಿಕೆ ಮತ್ತು ಕೆಲವು ನೈಸರ್ಗಿಕ ಪದಾರ್ಥಗಳನ್ನು ಬಳಸಲಾಗುತ್ತದೆ.
ಬಿಳಿಕೂದಲಿನ ಎಳೆಯನ್ನು ಮರೆಮಾಚಲು ಬಯಸುವಿರಾ?
ಹರ್ಬಲ್ ಹೇರ್ ಬಟರ್ ಸ್ಪಾ
ಕೂದಲಿನ ವಿನ್ಯಾಸ ಮತ್ತು ಹಾನಿಗೊಳಗಾದ ವ್ಯಾಪ್ತಿಯನ್ನು ಪರಿಗಣಿಸಿ ಹರ್ಬಲ್ ಹೇರ್ ಸ್ಪಾ ಚಿಕಿತ್ಸೆ ಪಡೆಯಬಹುದು. ಈ ಚಿಕಿತ್ಸೆಯಲ್ಲಿ ಕೇಶಳಿಗೆ ಬೆಣ್ಣೆಯಂತಹ ಆಳವಾದ ಕಂಡೀಷನರ್ ಚಿಕಿತ್ಸೆಯನ್ನು ನೀಡಲಾಗುವುದು. ಈ ಚಿಕಿತ್ಸೆಯಲ್ಲಿ ಕೆಲವು ನೈರ್ಸಿಕ ಉತ್ಪನ್ನಗಳ ಲೇಪನದೊಂದಿದೆ ಆಳವಾಗಿ ಮಸಾಜ್ ಮಾಡಲಾಗುವುದು. ಬಳಿಕ ಅರ್ಧಗಂಟೆಗಳ ಕಾಲ ಲೇಪನವನ್ನು ಆರಲು ಬಿಡುತ್ತಾರೆ. ರಾಸಾಯನಿಕ ಪದಾರ್ಥಗಳಿಂದ ಕೂದಲಿಗೆ ಬಣ್ಣ ಮಾಡಿರುವುದನ್ನು ತೆಗೆಯಲು ಹಾಗೂ ಕೂದಲಿನ ವಿನ್ಯಾಸವನ್ನು ಸರಿಪಡಿಸಲು ಈ ಚಿಕಿತ್ಸೆ ಸಹಾಯ ಮಾಡುವುದು. ಸೂರ್ಯನ ವಿಕಿರಣದಿಂದ ಉಂಟಾದ ಹಾನಿಯನ್ನು ಸರಿ ಪಡಿಸಲು ಸಹಾಯ ಮಾಡುವುದು.
ಹೇರ್ ಟೋನಿಂಗ್ ಸ್ಪಾ ಕ್ರೀಮ್ ಚಿಕಿತ್ಸೆ
ಕೆಲವೊಮ್ಮೆ ನಾವು ಬಳಸಿರುವ ಕೇಶ ಬಣ್ಣ ಮತ್ತು ಕೂದಲ ವಿನ್ಯಾಸದಿಂದ ಕೂದಲು ಹಾನಿಗೆ ಒಳಗಾಗಿರುತ್ತದೆ. ಅಂತಹ ಸಮಯದಲ್ಲಿ ಹೇರ್ ಟೋನಿಂಗ್ ಸ್ಪಾ ಕ್ರೀಮ್ ಚಿಕಿತ್ಸೆ ಪಡೆಯುವುದು ಉತ್ತಮ. ಈ ಚಿಕಿತ್ಸೆಯಿಂದ ಕೂದಲು ಕೆಂಪಾಗಿರುವುದು ಒರಟಾಗಿರುವಂತಹ ಸಮಸ್ಯೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಈ ಚಿಕಿತ್ಸೆಯಲ್ಲಿ ಅನ್ವಯಿಸಿದ ಲೇಪನವನ್ನು 15-20 ನಿಮಿಷಗಳ ಕಾಲ ಆರಲು ಬಿಡಲಾಗುತ್ತದೆ. ನಂತರ ಸ್ವಚ್ಛಗೊಳಿಸಲಾಗುವುದು. ಈ ವಿಧಾನಗಳಿಂದ ಕೂದಲು ಬಲ ಹಾಗೂ ಆರೋಗ್ಯವನ್ನು ಪಡೆದುಕೊಳ್ಳುವುದು.
ತಣ್ಣನೆ ನೀರಿನಲ್ಲಿ ಮುಖ ತೊಳೆಯುವುದರ ಸೌಂದರ್ಯ ಪ್ರಯೋಜನಗಳು
ಒಣ ಕೂದಲಿಗೆ ಹೇರ್ ಡಿಟಾಕ್ಸ್ ಸ್ಪಾ ಚಿಕಿತ್ಸೆ
ಒಣಗಿರುವ ಅಥವಾ ಶುಷ್ಕತೆಗೆ ಒಳಗಾದ ಕೂದಲಿಗೆ ಹೇರ್ ಡಿಟಾಕ್ಸ್ ಸ್ಪಾ ಅತ್ಯುತ್ತಮ ಚಿಕಿತ್ಸೆ ಆಗುವುದು. ಈ ಚಿಕಿತ್ಸೆಯನ್ನು ಕೆಲವು ವಾಋಗಳ ಕಾಲ ಅಥವಾ ದಿನಗಳ ಕಾಲ ಗಣನೀಯವಾಗಿ ಪಡೆಯಬೇಕು. ಆಗ ಕೂದಲು ತೇವಾಂಶವನ್ನು ಹಿಡಿದಿಟ್ಟುಕೊಳ್ಳುವುದರ ಮೂಲಕ ಉತ್ತಮ ಆರೋಗ್ಯ ಹಾಗೂ ಬೆಳವಣಿಗೆಯನ್ನು ಪಡೆಯುವುದು. ಆದಷ್ಟು ರಾಸಾಯನಿಕ ಉತ್ಪನ್ನಗಳ ಬಳಕೆ ಮಾಡುವುದನ್ನು ತಪ್ಪಿಸಬೇಕು.
ಹೆಡ್ ಸ್ಪಾ ಮತ್ತು ನೆತ್ತಿಯ ಸ್ಕೇಲಿಂಗ್ ಚಿಕಿತ್ಸೆ
ನೆತ್ತಿಯ ಶುಷ್ಕತೆ ಮತ್ತು ತುರಿಕೆಯಂತಹ ಸಮಸ್ಯೆಗಳಿಗೆ ಹೆಡ್ ಸ್ಪಾ ಮತ್ತು ನೆತ್ತಿಯ ಸ್ಕೇಲಿಂಗ್ ಚಿಕಿತ್ಸೆಯನ್ನು ಬಳಸಬಹುದು. ಈ ಚಿಕಿತ್ಸೆಯಲ್ಲಿ ನೆತ್ತಿಯ ಭಾಗದಲ್ಲಿ ಇರುವ ಸೋಂಕು ಹಾಗೂ ಚರ್ಮದ ಸಮಸ್ಯೆಯನ್ನು ನಿಯಂತ್ರಿಸುವುದು. ಜೊತೆಗೆ ಕೂದಲ ಆರೋಗ್ಯವನ್ನು ಕಾಪಾಡುವುದು. ಉತ್ತಮ ಬೆಳವಣಿಗೆಗೆ ಪ್ರಚೋದನೆ ನೀಡುವುದು. ಆರೋಗ್ಯಕರ ಕೂದಲ ಬೆಳವಣಿಗೆ ಹಾಗೂ ಆಕರ್ಷಣೆ ಹೆಚ್ಚಿಸಲು ಸಹಾಯ ಮಾಡುವುದು.