Facial Hair Home Remedies: ಮುಖದ ಮೇಲಿನ ಅನಗತ್ಯ ಕೂದಲು ತೆಗೆಯಲು ನೈಸರ್ಗಿಕ ವಿಧಾನಗಳು

ಕೆಲ ಮಹಿಳೆಯರಿಗೆ ಮುಖದ ಮೇಲೆ ಅನಗತ್ಯ ಕೂದಲು ಇರುತ್ತದೆ. ಇದು ಅಸಹ್ಯಕರವಾಗಿ ಕಾಣಿಸಬಹುದು. ಹೀಗಾಗಿ ಮುಖದಲ್ಲಿನ ಕೂದಲು ತೆಗೆಯಲು ಹಲವು ನೈಸರ್ಗಿಕ ವಿಧಾನಗಳಿವೆ. ಬನ್ನಿ, ಇವುಗಳನ್ನು ನೋಡೋಣ.

1. ಸಕ್ಕರೆ ಹಾಗೂ ನಿಂಬೆ ರಸ
ಎರಡು ಟೇಬಲ್‌ಸ್ಪೂನ್‌ ಸಕ್ಕರೆಗೆ ನಿಂಬೆರಸ ಮಿಕ್ಸ್ ಮಾಡಿ. ನಂತರ, ಅದಕ್ಕೆ 8-9 ಟೇಬಲ್‌ಸ್ಪೂನ್‌ನಷ್ಟು ನೀರನ್ನು ಸೇರಿಸಿ. ಬಳಿಕ ಈ ಮಿಶ್ರಣವನ್ನು ಗುಳ್ಳೆಗಳು ಬರುವವರೆಗೆ ಕುದಿಸಿ, ನಂತರ ಆರುವಂತೆ ಮಾಡಿ. ಬಳಿಕ, ಮುಖದಲ್ಲಿ ಕೂದಲಿರುವ ಪ್ರದೇಶಕ್ಕೆ 20 - 25 ನಿಮಿಷ ಹಚ್ಚಿಕೊಳ್ಳಿ. ಬಳಿಕ ತಣ್ಣೀರಿನಿಂದ ಮುಖ ತೊಳೆದುಕೊಂಡರೆ ಮುಖದ ಕೂದಲಿನ ಸಮಸ್ಯೆ ನಿವಾರಣೆಯಾಗುತ್ತದೆ.

2. ನಿಂಬೆ ಹಾಗೂ ಜೇನುತುಪ್ಪ
ವ್ಯಾಕ್ಸಿಂಗ್ ಮಾಡಿಕೊಳ್ಳುವ ಬದಲು ನೈಸರ್ಗಿಕವಾಗೇ ಮುಖದ ಕೂದಲು ನಿವಾರಣೆ ಮಾಡಬಹುದು. ಇದಕ್ಕೆ ಎರಡು ಟೇಬಲ್‌ಸ್ಪೂನ್‌ ಸಕ್ಕರೆಗೆ ನಿಂಬೆರಸ ಹಾಗೂ 1 ಟೇಬಲ್‌ಸ್ಪೂನ್‌ ಜೇನುತುಪ್ಪ ಮಿಕ್ಸ್ ಮಾಡಿ. ಬಳಿಕ ಮೂರು ನಿಮಿಷಗಳ ಕಾಲ ಆ ಮಿಶ್ರಣವನ್ನು ಕುದಿಸಿ ಅದಕ್ಕೆ ನೀರು ಸೇರಿಸಿ ಮಿಶ್ರಣವನ್ನು ತೆಳ್ಳಗೆ ಮಾಡಬಹುದಾಗಿದೆ. ನಂತರ ಆ ಪೇಸ್ಟ್ ತಣ್ಣಗಾದ ಬಳಿಕ ಅದನ್ನು ಮುಖದಲ್ಲಿ ಕೂದಲು ಬೆಳೆದಿರುವ ಜಾಗಗಳಿಗೆ ಹಚ್ಚಿಕೊಳ್ಳಿ.

3. ಓಟ್‌ಮೀಲ್ ಹಾಗೂ ಬಾಳೆಹಣ್ಣು
ಎರಡು ಟೇಬಲ್‌ಸ್ಪೂನ್‌ ಓಟ್‌ಮೀಲ್‌ಗೆ ಒಂದು ಹಣ್ಣಾದ ಬಾಳೆಹಣ್ಣನ್ನು ಮಿಶ್ರಣ ಮಾಡಿ. ಈ ಪೇಸ್ಟ್‌ ಅನ್ನು ಅಗತ್ಯವಿರುವ ಜಾಗಕ್ಕೆ ಹಚ್ಚಿಕೊಂಡು 15 ನಿಮಿಷಗಳ ಕಾಲ ಮಸಾಜ್ ಮಾಡಿಕೊಳ್ಳಿ. ನಂತರ, ತಣ್ಣೀರಿನಿಂದ ಮುಖ ತೊಳೆದುಕೊಳ್ಳಬಹುದು. ಇದನ್ನು ಮಾಡಿದರೆ ಮುಖದಲ್ಲಿರುವ ಅನಗತ್ಯ ಕೂದಲು ಹೋಗುವುದಲ್ಲದೆ ನಿಮ್ಮ ತ್ವಚೆ ಹೊಳೆಯುವಂತೆ ಮಾಡುತ್ತದೆ.

4. ಆಲೂಗಡ್ಡೆ ಹಾಗೂ ಲೆಂಟಿಲ್
ತಲಾ ಒಂದು ಟೇಬಲ್ ಸ್ಪೂನ್ ಜೇನುತುಪ್ಪ, ನಿಂಬೆ ರಸ ಮಿಶ್ರಣ ಮಾಡಿ ಐದು ಟೇಬಲ್‌ಸ್ಪೂನ್‌ಗಳಷ್ಟು ಆಲೂಗಟ್ಟೆ ಜ್ಯೂಸ್‌ ಅನ್ನು ಸೇರಿಸಿ. ನಂತರ, ನಯವಾದ ಪೇಸ್ಟ್ ಆಗುವಂತೆ ಮಾಡಲು ರಾತ್ರಿ ನೆನೆಸಿಟ್ಟ ಲೆಂಟಿಲ್‌ಗಳನ್ನು ಗ್ರೈಂಡ್‌ ಮಾಡಿ. ಬಳಿಕ ಎಲ್ಲವನ್ನೂ ಸೇರಿಸಿ ಮುಖದ ಮೇಲಿರುವ ಕೂದಲಿನ ಮೇಲೆ 20 ನಿಮಿಷಗಳ ಕಾಲ ಮಿಶ್ರಣವನ್ನು ಹಚ್ಚಿಕೊಳ್ಳಿ. ನಂತರ, ಅದು ಸಂಪೂರ್ಣ ಒಣಗಿದ ಬಳಿಕ ಮುಖ ತೊಳೆದುಕೊಳ್ಳಿ.

5. ಮೊಟ್ಟೆಯ ಬಿಳಿ ಭಾಗ ಹಾಗೂ ಕಾರ್ನ್‌ಸ್ಟಾರ್ಚ್ ( ಜೋಳದ ಗಂಜಿ )
ಒಂದು ಟೇಬಲ್ ಸ್ಪೂನ್ ಜೋಳದ ಗಂಜಿ ಹಾಗೂ ಒಂದು ಟೇಬಲ್ ಸ್ಪೂನ್ ಸಕ್ಕರೆಯನ್ನು ಮೊಟ್ಟೆಯ ಬಿಳಿ ಭಾಗಕ್ಕೆ ಸೇರಿಸಿ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಅನಗತ್ಯ ಕೂದಲಿರುವ ಪ್ರದೇಶಕ್ಕೆ ಹಚ್ಚಿಕೊಂಡು ಅದು ಒಣಗಿದ ಬಳಿಕ ಅದನ್ನು ಮುಖದಿಂದ ತೆಗೆದುಹಾಕಿ.