ಈ ಸಿಂಪಲ್‌ ಟಿಪ್ಸ್‌ನಿಂದ ಮುಖದ ಸೌಂದರ್ಯ ಹೆಚ್ಚಿಸಬಹುದು

ಸೌಂದರ್ಯ ವೃದ್ಧಿಗೆ ಬೆಲೆಬಾಳುವ ಕ್ರೀಮ್‌, ಪೌಡರ್‌ ಬೇಕಾಗಿಲ್ಲ, ಸರಳವಾದ ಮನೆಮದ್ದು ಬಳಸಿ ಸೌಂದರ್ಯವನ್ನು ಇಮ್ಮಡಿಗೊಳಿಸಬಹುದು. ಇಲ್ಲಿ ನಾವು ಸರಳವಾದ ಸೌಂದರ್ಯ ಟಿಪ್ಸ್ ನೀಡಿದದೇವೆ, ಇವುಗಳನ್ನು ಬಳಸಿದರೆ ನಿಮ್ಮ ಅಂದವು ಹೆಚ್ಚುವುದು:

ಹೊಳೆಯುವ ತ್ವಚೆಗಾಗಿ
ಮನೆಯಲ್ಲಿರುವ ವಸ್ತುಗಳನ್ನು ಬಳಸಿ ಮುಖದ ಕಾಂತಿ ಹೆಚ್ಚಿಸಬಹುದು. ಸಿಟ್ರಿಕ್‌ ಹಣ್ಣುಗಳ ಸಿಪ್ಪೆ (ಕಿತ್ತಳೆ, ನಿಂಬೆಹಣ್ಣು) ಇವುಗಳನ್ನು ಒಣಗಿಸಿ ಪುಡಿ ಮಾಡಿ ಫೇಸ್‌ಮಾಸ್ಕ್ ರೀತಿ ಬಳಸಿದರೆ ಮುಖದ ಕಾಂತಿ ಹೆಚ್ಚುವುದು.

ಆಕರ್ಷಕ ಕಣ್ರೆಪ್ಪೆ ಹಾಗೂ ಹುಬ್ಬಿಗಾಗಿ
ಹರಳೆಣ್ಣೆ, ವಿಟಮಿನ್ ಇ, ಲೋಳೆಸರ ಮಿಕ್ಸ್ ಮಾಡಿ ಕಣ್ರೆಪ್ಪೆ ಹಾಗೂ ಹುಬ್ಬಿಗೆ ಹಚ್ಚುವುದರಿಂದ ಕಪ್ಪಾದ ಕಣ್ರೆಪ್ಪೆ ಹಾಗೂ ಹುಬ್ಬು ಪಡೆಯಬಹುದು.

ಮೃದುವಾದ ತ್ವಚೆಗಾಗಿ
ವಿಟಮಿನ್‌ ಇ ಹಾಗೂ ತೆಂಗಿನೆಣ್ಣೆ ಮಿಕ್ಸ್ ಮಾಡಿ ಸ್ನಾನಕ್ಕೆ ಅರ್ಧ ಗಂಟೆ ಮೊದಲು ಮೈಗೆ ಉಜ್ಜಿದರೆ ತ್ವಚೆ ಮೃದುವಾಗುವುದು.

ಮುಖದ ಚೆಲುವು ಹೆಚ್ಚಿಸಲು
ಎಳನೀರನ್ನು ದಿನಾ ಮುಖಕ್ಕೆ ಹಾಕಿದರೆ ಮುಖದ ಕಾಂತಿ ಹೆಚ್ಚುವುದು.

ತುಟಿಯ ಆರೈಕೆಗೆ
ದಿನಾ ತುಟಿಗೆ ಸ್ವಲ್ಪ ಜೇನುತುಪ್ಪ ಹಚ್ಚಿದರೆ ತುಟಿಯ ಹೊಳಪು ಹೆಚ್ಚುವುದು.

ಕೂದಲಿನ ಹೊಳಪಿಗೆ
ಬಕೆಟ್ ನೀರಿಗೆ 2 ಚಮಚ ವಿನೆಗರ್‌ ಹಾಕಿ ಆ ನೀರಿನಿಂದ ತಲೆ ತೊಳೆದರೆ ಕೂದಲು ಕಾಂತಿಯುತವಾಗಿ ಕಾಣುವುದು.