ತ್ವಚೆಯ ಸೌಂದರ್ಯಕ್ಕೂ ಬೆಸ್ಟ್‌ ಈ ಒಂದೆಲಗ

ಹೆಚ್ಚು ಹೊತ್ತು ಎಸಿ ಗಾಳಿಯಲ್ಲಿ ಕುಳಿತುಕೊಳ್ಳುವುದರಿಂದ, ನೀರಿನ ಸೇವನೆ ಕಡಿಮೆಯಾದಾಗ ಚರ್ಮ ಒಣಗಿದಂತೆ ಕಾಣುತ್ತದೆ. ಚರ್ಮದ ನಿರ್ಜಲೀಕರಣದಿಂದ ಮುಖದ ಸೌಂದರ್ಯ ಕಡಿಮೆಯಾಗುತ್ತದೆ. ಒಣಗಿದಂತೆ ಕಾಣುವ ಚರ್ಮದ ಬಿರುಕುಬಿಟ್ಟ ಅನುಭವವಾಗಿ ಉರಿ ಕಾಣಿಸಿಕೊಳ್ಳುತ್ತದೆ. ಇದನ್ನು ಸರಿಪಡಿಸಲು ಒಂದೆಲಗ ಸಹಕಾರಿಯಾಗಿದೆ.

ಟ್ರೈಟರ್ಪೆನಾಯ್ಡ್, ಫ್ಲೇವನಾಯ್ಡ್‌, ಫೀನಾಲಿಕ್ ಸಂಯುಕ್ತಗಳು ಮತ್ತು ಅಗತ್ಯವಾದ ಅಮೈನೋ ಆಮ್ಲಗಳಂತಹ ಕೆಲವು ಜೈವಿಕ ಸಕ್ರಿಯ ಪದಾರ್ಥಗಳು ಚರ್ಮದ ಸರಿಪಡಿಸಲು ಸಹಾಯ ಮಾಡುತ್ತದೆ.

ಇದನ್ನು ಓದಿ: ಕೂದಲ ಬೆಳವಣಿಗೆಗೆ ಟ್ರೈ ಮಾಡಿ ಮೊಟ್ಟೆಯ ಚಿಪ್ಪಿನ ಫೇಸ್‌ಪ್ಯಾಕ್

ಒಂದೆಲಗವು ಚರ್ಮದ ರಕ್ಷಣೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಒಂದೆಲಗದಲ್ಲಿನ ಕೊಲಾಜೆನ್‌ ಅಂಶಗಳು ಚರ್ಮದ ವಯಸ್ಸಾಗುವಿಕೆಯನ್ನು ತಡೆಯುತ್ತದೆ. ಚರ್ಮದ ಮೇಲೆ ಸುಕ್ಕುಗಳು ಅಥವಾ ವಯಸ್ಸಾದ ಚಿಹ್ನೆಗಳು ಇದ್ದರೆ, ಅದು ಅವುಗಳನ್ನು ಕಡಿಮೆ ಮಾಡುತ್ತದೆ. ಒಂದೆಲಗದಲ್ಲಿ ಉತ್ಕರ್ಷಣ ನಿರೋಧಕಗಳು ಸಮೃದ್ಧವಾಗಿರುವುದರಿಂದ, ಇದು ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ಅಕಾಲಿಕ ಚರ್ಮದ ವಯಸ್ಸಾದ ಸಮಸ್ಯೆಯನ್ನು ತಡೆಯುತ್ತದೆ.

ಇದನ್ನು ಓದಿ: ಮುಖದಲ್ಲಿನ ದದ್ದು,ಕಪ್ಪುಕಲೆ ನಿವಾರಣೆಗೆ ವೀಳ್ಯದೆಲೆಯೇ ಮದ್ದು

ಧೂಳು, ಸೂರ್ಯ ಕಿರಣಗಳಿಂದ ಮುಖದ ಚರ್ಮ ಟಾನ್‌ ಆದಂತಾಗಿ ಕಪ್ಪಾಗುತ್ತದೆ. ಇದನ್ನು ಸ್ವಚ್ಛಗೊಳಿಸಿ ಚರ್ಮವನ್ನು ಕಾಂತಿಯುತಗೊಳಿಸಲು ಒಂದೆಲಗ ಸಹಾಯಕವಾಗಿದೆ.

ಚರ್ಮದಲ್ಲಿನ ಹಾನಿಕಾರಕ ವಿಷವನ್ನು ಹೊರಹಾಕುತ್ತದೆ. ಅಲ್ಲದೆ, ಸಂಕೋಚಕ ಗುಣದಿಂದಾಗಿ, ಇದು ಮುಖದಲ್ಲಿರುವ ಹೆಚ್ಚುವರಿ ಎಣ್ಣೆಯನ್ನು ತೆಗೆದುಹಾಕುತ್ತದೆ ಜೊತೆಗೆ ರಂಧ್ರಗಳನ್ನು ಸ್ವಚ್ಛಗೊಳಿಸುತ್ತದೆ. ಇದರಿಂದ ಹೊಳೆಯುವ ತ್ವಚೆಯನ್ನು ಪಡೆಯಬಹುದಾಗಿದೆ.

ದೇಹದಲ್ಲಿ ಉಷ್ಣತೆ ಹೆಚ್ಚಾಗಿದ್ದರೆ ಅಥವಾ ಎಣ್ಣೆಯ ಅಂಶ ಅಧಿಕವಾಗಿದ್ದರೆ ಮೊಡವೆಗಳು ಕಾಣಿಸಿಕೊಳ್ಳುತ್ತವೆ ಬ್ಯಾಕ್ಟೀರಿಯಾ ವಿರೋಧಿ ಗುಣವನ್ನು ಹೊಂದಿರುವ ಒಂದೆಲಗವು ಮೊಡವೆಗಳನ್ನು ಕಲೆ ಸಹಿತ ನಿವಾರಿಸಲು ಸಹಾಯಕವಾಗಿದೆ.

ಚರ್ಮದ ಮೇಲಿನ ಕಪ್ಪು ಕಲೆ, ಬ್ಲ್ಯಾಕ್‌ ಹೆಡ್ಸ್‌ಗಳನ್ನು ನಿವಾರಿಸಲು ಕೂಡ ಒಂದೆಲಗ ಹೆಚ್ಚು ಉಪಯುಕ್ತವಾಗಿದೆ.

ಇದನ್ನು ಓದಿ: ಬೇಸಿಗೆಯಲ್ಲಿ ಚರ್ಮ ಆರೋಗ್ಯವಾಗಿರಬೇಕಾದರೆ ತಿನ್ನಲೇ ಬೇಕು ಈ ಹಣ್ಣುಗಳನ್ನು

ಆರೋಗ್ಯ ಮತ್ತು ಚರ್ಮದ ಆರೈಕೆಗಾಗಿ ಒಂದೆಲಗವನ್ನು ಹಲವು ರೀತಿಯಲ್ಲಿ ಬಳಸಬಹುದಾಗಿದೆ. ಒಂದೆಲಗದ ರಸವನ್ನು ತೆಗೆದು ಅದನ್ನು ನೇರವಾಗಿ ಚರ್ಮಕ್ಕೆ ಅನ್ವಯಿಸಬಹುದು.

ಇದಲ್ಲದೇ ಒಂದೆಲಗದ ಎಣ್ಣೆ ಮಾರುಕಟ್ಟೆಯಲ್ಲಿ ಸಿಗುತ್ತದೆ. ಇದನ್ನು ತಂದು ಮಲಗುವ ಮುನ್ನ ಮುಖಕ್ಕೆ ಹಚ್ಚಿಕೊಂಡು ಮಲಗಿದರೆ ಪರಿಣಾಮಕಾರಿ ಫಲಿತಾಂಶವನ್ನು ಪಡೆಯಬಹುದು.

ಇದನ್ನು ಓದಿ: ಮುಖದ ಅಂದ ಹೆಚ್ಚಿಸಲು ಸೇಬು ಸಿಪ್ಪೆಯ ಫೇಸ್‌ಪ್ಯಾಕ್‌