ನಿಮಗೆ ಗೊತ್ತಾ? ಹಸಿ ಹಾಲಿನಲ್ಲಿದೆ ಸೌಂದರ್ಯದ ರಹಸ್ಯ!

• ಹಸಿ ಹಾಲು ನೈಸರ್ಗಿಕವಾದ ಸ್ವಚ್ಛತಾ ಗುಣ ಲಕ್ಷಣಗಳನ್ನು ಪಡೆದಿರುವುದರಿಂದ ಚರ್ಮದ ಭಾಗದಲ್ಲಿ ಕಂಡು ಬರುವ ಸಣ್ಣ ಸಣ್ಣ ರಂದ್ರಗಳ ಒಳ ಭಾಗದಲ್ಲಿ ಸಿಲುಕಿರುವ ಧೂಳು ಮತ್ತು ಕೊಳೆಯ ಅಂಶಗಳನ್ನು ತೆಗೆದು ಹಾಕುತ್ತದೆ.
• ಇದರಿಂದ ಮೊಡವೆ ಗುಳ್ಳೆಗಳು ಮತ್ತು ಬ್ಲಾಕೆಡ್ಸ್ ಕಂಡು ಬರುವ ಸಮಸ್ಯೆ ಇರುವುದಿಲ್ಲ. ಇದಕ್ಕಾಗಿ ನೀವು ಒಂದು ಹತ್ತಿಯ ಉಂಡೆಯನ್ನು ತೆಗೆದುಕೊಂಡು ಅಥವಾ ಒಂದು ಸಣ್ಣದಾದ ಕಾಟನ್ ಬಟ್ಟೆ ತೆಗೆದುಕೊಂಡು ಹಸಿ ಹಾಲನ್ನು ಅದ್ದಿಕೊಂಡು ವೃತ್ತಾಕಾರದಲ್ಲಿ ನಿಮ್ಮ ಮುಖದ ತುಂಬಾ ಮಸಾಜ್ ಮಾಡಿ.
• ಪ್ರತಿ ದಿನವೂ ಈ ರೀತಿ ಮಾಡುವುದರಿಂದ ಮುಖದ ಭಾಗದಲ್ಲಿ ಹೆಚ್ಚು ಎಣ್ಣೆಯ ಅಂಶ ಇಲ್ಲದಂತೆ ಮುಖದ ಸೌಂದರ್ಯ ಹೆಚ್ಚಾಗುತ್ತದೆ.

• ಮೊದಲೇ ಹೇಳಿದಂತೆ ಯಾರಿಗೆ ಒಣಚರ್ಮ ಇರುತ್ತದೆ, ಯಾರಿಗೆ ಚರ್ಮದ ಮೇಲೆ ಸಣ್ಣ ಸಣ್ಣ ಹೊಟ್ಟು ಕಂಡುಬರುತ್ತದೆ, ಅಂತಹವರು ಹಾಲಿನ ಬಳಕೆಯಿಂದ ಅತ್ಯಂತ ಸುಲಭವಾಗಿ ತಮ್ಮ ಸಮಸ್ಯೆಗಳನ್ನು ಪರಿಹಾರ ಮಾಡಿಕೊಳ್ಳಬಹುದು.
• ಒಂದು ಹತ್ತಿ ಉಂಡೆಯನ್ನು ತೆಗೆದುಕೊಂಡು ಅದರಲ್ಲಿ ಹಸಿ ಹಾಲನ್ನು ಅದ್ದಿಕೊಂಡು ಅದರಿಂದ ಮುಖಕ್ಕೆ ಮಸಾಜ್ ಮಾಡಿಕೊಂಡರೆ ಅಥವಾ ಚರ್ಮದ ಯಾವ ಭಾಗದಲ್ಲಿ ಹೆಚ್ಚು ಒಣಗುವಿಕೆ ಕಂಡುಬರುತ್ತದೆ ಅಲ್ಲಿಗೆ ಅನ್ವಯಿಸುವುದರಿಂದ ಪರಿಹಾರವನ್ನು ಕಂಡುಕೊಳ್ಳಬಹುದು.
• ಹಸಿ ಹಾಲನ್ನು ಚರ್ಮಕ್ಕೆ ಲೇಪನ ಮಾಡಿ ಸುಮಾರು 15 ರಿಂದ 20 ನಿಮಿಷಗಳು ಹಾಗೆ ಬಿಟ್ಟು ನಂತರ ತಂಪಾದ ನೀರಿನಲ್ಲಿ ತೊಳೆದುಕೊಳ್ಳಿ. ಇದು ನಿಮ್ಮ ಚರ್ಮವನ್ನು ಮೃದುವಾಗಿಸುತ್ತದೆ ಮತ್ತು ಒಣಚರ್ಮದ ಸಮಸ್ಯೆಗೆ ಕಾರಣವಾಗಿರುವ ಜೀವಕೋಶಗಳನ್ನು ನಿವಾರಣೆ ಮಾಡುತ್ತದೆ.

ಬೆಳ್ಳಗೆ ಕಾಣಬೇಕೇ? ಹಾಗಾದರೆ ಮುಖಕ್ಕೆ ಹಾಲಿನ ಕೆನೆ ಹಚ್ಚಿ ಸಾಕು

• ಕಪ್ಪಗಿರುವವರು ಬೆಳ್ಳಗಾಗಬೇಕು ಎಂದುಕೊಳ್ಳುವುದು ಸಹಜ. ಇದಕ್ಕೆ ಹಸಿಹಾಲು ಸಹಾಯ ಮಾಡಬಲ್ಲದು. ಏಕೆಂದರೆ ಹಾಲಿನಲ್ಲಿ ಲ್ಯಾಕ್ಟಿಕ್ ಆಮ್ಲ ಇರುವುದರಿಂದ ಚರ್ಮದ ಭಾಗದಲ್ಲಿ ಸತ್ತ ಜೀವ ಕೋಶಗಳನ್ನು ತೆಗೆದು ಹಾಕುವಲ್ಲಿ ಇದು ಪ್ರಮುಖವಾದ ಕೆಲಸ ಮಾಡುತ್ತದೆ.
• ಯಾರಿಗೆ ಈಗಾಗಲೇ ಮುಖದ ಮೇಲೆ ವಿಪರೀತ ಮೊಡವೆ ಕಲೆಗಳು, ಮುಖದ ಚರ್ಮವನ್ನು ಕಪ್ಪಾಗಿ ಹೊಂದಿರುವವರು ಹಸಿ ಹಾಲನ್ನು ಮುಖಕ್ಕೆ ಅನ್ವಯಿಸಿ ಸುಮಾರು ಅರ್ಧ ಗಂಟೆಗಳು ಬಿಟ್ಟು ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವ ಅಭ್ಯಾಸವಿಟ್ಟುಕೊಳ್ಳಬೇಕು. ವಾರದಲ್ಲಿ ಮೂರು ಬಾರಿ ಈ ರೀತಿ ಮಾಡಿ ಪರಿಹಾರವನ್ನು ಕಂಡುಕೊಳ್ಳಬಹುದು.

• ಬೇಸಿಗೆ ಬಿಸಿಲಿಗೆ ಸೂಕ್ಷ್ಮ ಚರ್ಮ ಹೊಂದಿರುವ ಕೆಲವು ಜನರಿಗೆ ಚರ್ಮದ ಮೇಲೆ ಕೆಂಪು ಬಣ್ಣದ ಗುಳ್ಳೆಗಳು ಉಂಟಾಗುತ್ತವೆ. ಇವುಗಳು ಬಹಳ ನೋವುದಾಯಕ ಮತ್ತು ಆಗಾಗ ಹೆಚ್ಚು ಕಿರಿಕಿರಿ ಉಂಟು ಮಾಡುತ್ತವೆ.
• ಇಂತಹ ಸಮಸ್ಯೆಗಳನ್ನು ಒಂದು ವೇಳೆ ನೀವೇನಾದರೂ ಅನುಭವಿಸುತ್ತಿದ್ದರೆ, ಹಸಿ ಹಾಲು ಬಳಕೆ ಮಾಡಿ ನೋವು ಮತ್ತು ಉರಿಯಿಂದ ಪರಿಹಾರವನ್ನು ಕಂಡುಕೊಳ್ಳಬಹುದು. ಹಾಲಿನಲ್ಲಿ ರಕ್ಷಣಾತ್ಮಕ ಪದರ ಇರುವ ಕಾರಣ ಜೊತೆಗೆ ಆರೋಗ್ಯಕರ ಕೊಬ್ಬಿನ ಅಂಶಗಳು ಗಾಯಗಳಿಗೆ ಔಷಧಿಗಳಾಗಿ ಕೆಲಸ ಮಾಡುತ್ತವೆ.

ಹಾಲಿನಂತೆಯೇ ಬೆಳ್ಳಗೆ ಕಾಣಲು ಬಳಸಿ 'ಹಾಲಿನ ಫೇಸ್ ಪ್ಯಾಕ್'