ಮುಖದ ಮೇಲೆ ಕಾಣಿಸಿಕೊಳ್ಳುವ ಕಪ್ಪು ಕಲೆ ಮತ್ತು ಪಿಗ್ಮೆಂಟೇಷನ್‌ಗೆ ಕಾರಣಗಳೇನು?

ಮೆನೆಲಿನ್ ಎನ್ನುವ ವರ್ಣ ದ್ರವ್ಯದಿಂದ ಚರ್ಮವು ನೈಸರ್ಗಿಕವಾಗಿ ಬಣ್ಣವನ್ನು ಪಡೆದುಕೊಳ್ಳುತ್ತದೆ. ಹಾರ್ಮೋನ್ ಏರಿಳಿತಗಳು ಔಷಧಗಳ ಅಡ್ಡ ಪರಿಣಾಮ, ಸೂರ್ಯನ ನೇರಳಾತೀತ ಕಿರಣ, ಪಿಗ್ಮೆಂಟೇಷನ್ ಮತ್ತು ಮೊಡವೆಯಂತಹ ಕಾರಣಗಳಿಂದ ಮುಖದ ಮೇಲೆ ಕಪ್ಪು ಕಲೆ ಹಾಗೂ ಕಪ್ಪು ವರ್ತುಲಗಳು ಕಾಣಿಸಿಕೊಳ್ಳುತ್ತವೆ. ತುಟಿಯ ಭಾಗದ ಕೆಳಗೆ, ಕಣ್ಣಿನ ಕೆಳಭಾಗ ಮತ್ತು ಸಂಧುಗಳ ಕೆಳಭಾಗದಲ್ಲಿ ಕಪ್ಪು ಚರ್ಮಗಳು ಕಾಣಿಸಿಕೊಳ್ಳುತ್ತವೆ.

ಇತ್ತೀಚಿನ ದಿನಗಳಲ್ಲಿ ಬಹುತೇಕ ಜನರು ಮೊಬೈಲ್, ಟಿವಿ, ಕಂಪ್ಯೂಟರ್ ಸೇರಿದಂತೆ ಅನೇಕ ತಂತ್ರಜ್ಞಾನಗಳ ಕಾರಣದಿಂದ ಪರದೆಯ ಮುಂದೆ ಹೆಚ್ಚು ಸಮಯವನ್ನು ವ್ಯಯಿಸುತ್ತಾರೆ. ದೀರ್ಘ ಸಮಯಗಳ ಕಾಲ ತಾಂತ್ರಿಕ ಪರದೆಯ ಮುಂದೆ ಕುಳಿತುಕೊಳ್ಳುವುದರಿಂದ ಚರ್ಮದ ಮೇಲೆ ಹಾನಿಕಾರಕ ಪರಿಣಾಮ ಉಂಟಾಗುತ್ತದೆ. ಹೈಪರ್ ಪಿಗ್ಮೆಂಟೇಷನ್ ಸಮಸ್ಯೆ ಕಾಡುವುದು. ಇಂತಹ ಸಮಸ್ಯೆಗೆ ಪ್ರತಿ ದಿನ ಮನೆಯಲ್ಲಿ ಎಸ್‍ಪಿಎಫ್ ಹೊಂದಿರುವ ಲೋಷನ್ ಬಳಸಬೇಕು.

ನೈಸರ್ಗಿಕ ಮನೆಮದ್ದುಗಳೊಂದಿಗೆ ಮುಖದ ಮೇಲಿರುವ ಕಲೆಗಳಿಗೆ ವಿದಾಯ ಹೇಳಿ

ಚರ್ಮದ ಮೇಲ್ಮೈ ಮೇಲೆ ಕಾಣಿಸಿಕೊಳ್ಳುವ ನಿರ್ಜೀವ ಕೋಶಗಳನ್ನು ಪದೇ ಪದೇ ಕೀಳುವುದರಿಂದ ಆ ಜಾಗದಲ್ಲಿ ಚರ್ಮಕ್ಕೆ ಹಾನಿ ಉಂಟಾಗುವುದು. ಜೊತೆಗೆ ಹೈಪರ್ ಪಿಗ್ಮೆಂಟೇಷನ್ ಸಮಸ್ಯೆಯು ಉಂಟಾಗುವುದು. ಜೊತೆಗೆ ಚರ್ಮದ ಬಹುತೇಕ ಜಾಗದಲ್ಲಿ ಕಪ್ಪು ಕಲೆಗಳು ಹಾಗೆಯೇ ಉಳಿದುಕೊಳ್ಳುತ್ತವೆ.

ಮುಖದ ಮೇಲೆ ಮೊಡವೆ ಕಾಣಿಸಿಕೊಂಡಾಗ ತುರಿಕೆ ಹಾಗೂ ನೋವು ಕಾಣಿಸಿಕೊಳ್ಳುವುದು ಸಹಜ. ಈ ಸಂವೇದನೆ ಉಂಟಾದಾಗ ಪದೇ ಪದೇ ಮೊಡವೆಯನ್ನು ಮುಟ್ಟುವುದು ಅಥವಾ ಚಿವುಟುವ ಪ್ರಕ್ರಿಯೆ ಮಾಡುತ್ತಾರೆ. ಆಗ ಮುಖದ ಮೇಲೆ ಕಲೆಗಳು ಹುಟ್ಟಿಕೊಳ್ಳುತ್ತವೆ. ಈ ಅಭ್ಯಾಸಗಳು ಚರ್ಮಕ್ಕೆ ಹೆಚ್ಚಿನ ಸಮಸ್ಯೆಯನ್ನು ಸೃಷ್ಟಿಸುತ್ತವೆ. ಜೊತೆಗೆ ಕಪ್ಪು ಕಲೆಗಳು ಮುಖದ ಮೇಲೆ ಉಳಿದುಕೊಳ್ಳುತ್ತವೆ.

ಮುಖದ ಮೇಲಿರುವ ಕಲೆಯನ್ನು ಮೇಕಪ್ ಮೂಲಕ ಮರೆಮಾಚುವ ಟಿಪ್ಸ್ ಇಲ್ಲಿದೆ

ಬಿಸಿಲಿಗೆ ಹೋಗುವಾಗ ಮಾತ್ರ ಸನ್‍ಸ್ಕ್ರೀನ್ ಹಚ್ಚ್ಬೇಕು ಎಂದು ಅನೇಕರು ನಂಬಿದ್ದಾರೆ. ಈ ಕ್ರೀಮ್ ಅನ್ನು ಯಾವಾಗ ಬೇಕಾದರೂ ಹಚ್ಚಬಹುದು. ಬಿಸಿಲಿಗೆ ತೆರೆದುಕೊಳ್ಳುವಾಗ 3-4 ಗಂಟೆಗಳ ಕಾಲ ಸನ್‍ಸ್ಕ್ರೀನ್ ಕ್ರೀಮ್ ಅನ್ನು ಹಚ್ಚಬೇಕು. ವಿಶೇಷವಾಗಿ ಕಣ್ಣಿನ ಕೆಳಭಾಗದಲ್ಲಿ ಹಾಗೂ ಸೂರ್ಯನ ಕಿರಣದಿಂದ ರಕ್ಷಣೆ ಪಡೆಯಲು ಹಚ್ಚಬೇಕು ಎಂದು ಸಲಹೆ ನೀಡಲಾಗುವುದು.

ಸಾಕಷ್ಟು ಜನರು ಮಲಗುವ ಮುನ್ನ ಮುಖ ತೊಳೆಯುವುದಿಲ್ಲ. ಕೊಳಕು ಕಣಗಳು ಮುಖಕ್ಕೆ ಅಂಟಿಕೊಂಡೇ ಇರುತ್ತದೆ. ಜೊತೆಗೆ ಹೈಪರ್‍ಪಿಗ್ಮೆಂಟೇಷನ್ ಉಂಟಾಗುವುದು. ಆರೋಗ್ಯಕರ ಚರ್ಮಕ್ಕಾಗಿ ಪ್ರತಿ ದಿನ ಮಲಗುವ ಮುನ್ನ ಮುಖವನ್ನು ಸ್ವಚ್ಛವಾಗಿ ತೊಳೆಯಬೇಕು. ಆಗ ಮುಖ ಚರ್ಮವು ಆರೋಗ್ಯಕರವಾಗಿ ಇರುತ್ತದೆ.