ಅಂತಹ ಎಣ್ಣೆಯನ್ನು ನಾವು ನಮ್ಮ ಕರ್ನಾಟಕದಲ್ಲಿ ಅಡುಗೆಗೆ ಬಳಸದೆ ಹೋದರು ಕನಿಷ್ಠಪಕ್ಷ ನಮ್ಮ ಸೌಂದರ್ಯ ವೃದ್ಧಿಗೆ ಬಳಕೆ ಮಾಡಬಹುದಲ್ಲವೇ? ನಮ್ಮ ಮುಖದ ಸೌಂದರ್ಯಕ್ಕೆ ಮತ್ತು ತಲೆಕೂದಲಿನ ಬೆಳವಣಿಗೆಗೆ ತೆಂಗಿನ ಎಣ್ಣೆಯ ಆರೋಗ್ಯ ಪ್ರಯೋಜನಗಳನ್ನು ಮರೆಯುವಂತಿಲ್ಲ.
ಮುಖದ ಕಾಂತಿಯನ್ನು ಹೆಚ್ಚು ಮಾಡಲು ಮುಖದ ಮೇಲಿನ ಎಲ್ಲಾ ಸಮಸ್ಯೆಗಳನ್ನು ನಿವಾರಣೆ ಮಾಡಲು ತೆಂಗಿನ ಎಣ್ಣೆ ಹೇಗೆ ಬಳಕೆಯಾಗುತ್ತದೆ ಮತ್ತು ಇದರಿಂದ ನೀವು ಏನು ಕಲಿತುಕೊಳ್ಳಬಹುದು ಎಂಬುದನ್ನು ಈಗ ತಿಳಿದುಕೊಳ್ಳೋಣ
ಚರ್ಮದ ಮಾಯಿಶ್ಚರೈಸರ್
ತೆಂಗಿನ ಎಣ್ಣೆಯಲ್ಲಿ ಫ್ಯಾಟಿ ಆಸಿಡ್ ಅಂಶ ಹೆಚ್ಚಾಗಿರುವ ಜೊತೆಗೆ ವಿಟಮಿನ್ ಈ ಅಂಶ ಅಪಾರವಾಗಿ ಕಂಡುಬರುತ್ತದೆ. ಹಾಗಾಗಿ ಇದೊಂದು ಅತ್ಯದ್ಭುತ ಸ್ಕಿನ್ ಮಾಯಿಸ್ಚರೈಸರ್ ಎಂದು ಹೇಳಬಹುದು.
ಒಣ ಚರ್ಮ ಸಮಸ್ಯೆ ಇದ್ದವರು, ತೆಂಗಿನ ಎಣ್ಣೆಯನ್ನು ಮೊದಲ ಆಯ್ಕೆಯಾಗಿ ಉಪಯೋಗ ಮಾಡುವುದು ಒಳ್ಳೆಯದು. ಚರ್ಮದ ಭಾಗದಲ್ಲಿ ವಾಸಿಮಾಡುವ ಪ್ರಕ್ರಿಯೆಯಿಂದ ಹಿಡಿದು ತೇವಾಂಶವನ್ನು ನಿರ್ವಹಣೆ ಮಾಡಿ ನಿರ್ಜಲೀಕರಣದ ಸಮಸ್ಯೆ ಎದುರಾಗದಂತೆ ನೋಡಿಕೊಳ್ಳುತ್ತದೆ.
ಮುಖದ ಮೇಲಿನ ಮೇಕಪ್ ತೆಗೆಯಲು
ಮನೆಯಿಂದ ಹೊರ ನಡೆಯುವಾಗ ಮುಖದ ಮೇಲೆ ಹಾಕಿಕೊಂಡ ಮೇಕಪ್ ಜೊತೆಗೆ ತುಟಿಗಳ ಮೇಲಿರುವ ಲಿಪ್ಸ್ಟಿಕ್ ತೆಗೆದು ಹಾಕಲು ತೆಂಗಿನ ಎಣ್ಣೆ ಹೆಚ್ಚು ಪ್ರಯೋಜನಕ್ಕೆ ಬರಲಿದೆ.
ಒಂದು ಹತ್ತಿಯ ಪ್ಯಾಡ್ ಮೇಲೆ ಸ್ವಲ್ಪ ತೆಂಗಿನ ಎಣ್ಣೆಯನ್ನು ಹಾಕಿ ಅದನ್ನು ತುಟಿಗಳು ಕಣ್ಣುಗಳು ಮತ್ತು ಮುಖದ ಮೇಲೆ ಮೊಡವೆ ಕಲೆಗಳು ಇರುವ ಜಾಗದಲ್ಲಿ ಹಚ್ಚಿ. ಮುಖದ ಮೃದುವಾದ ಚರ್ಮದ ಭಾಗಕ್ಕೆ ಇದನ್ನು ಅತ್ಯಂತ ಅನುಕೂಲಕರವಾದ ಎಣ್ಣೆ ಎಂದು ಹೇಳಬಹುದು.
ಮೇಕಪ್‌ನಿಂದ ನೈಜ ತ್ವಚೆ ಹಾಳಾಗದಿರಲು ಹೀಗೆ ಮಾಡಿ
ನೈಸರ್ಗಿಕವಾದ ಹೊಳಪು ನಿಮಗೆ ಸಿಗಲಿದೆ
ತೆಂಗಿನ ಎಣ್ಣೆ ನಿಮ್ಮ ಚರ್ಮದ ಮೇಲೆ ಅತ್ಯದ್ಭುತ ತಂತ್ರಗಾರಿಕೆಯ ವಿಧಾನದಲ್ಲಿ ಕೆಲಸ ಮಾಡಲಿದೆ. ಚರ್ಮದ ಮೃದುತ್ವವನ್ನು ಹೆಚ್ಚು ಮಾಡುವುದರ ಜೊತೆಗೆ ಮೊಡವೆ ಕಲೆಗಳನ್ನು ನಿವಾರಣೆ ಮಾಡಿ ನೈಸರ್ಗಿಕವಾದ ಕಾಂತಿ ನಿಮ್ಮದಾಗುವಂತೆ ಮಾಡುತ್ತದೆ.
ನಿಮ್ಮ ಗಲ್ಲಗಳ ಮೇಲೆ, ಕೆನ್ನೆಯ ಮೇಲೆ ತೆಂಗಿನ ಎಣ್ಣೆಯನ್ನು ನಯವಾಗಿ ಹಚ್ಚಿ. ಮೊಡವೆ ಗುಳ್ಳೆಗಳನ್ನು ಹೋಗಲಾಡಿಸುವ ಜೊತೆಗೆ ಚರ್ಮದ ಹೊಳಪು ಹೆಚ್ಚಾಗುತ್ತದೆ.
ಮೊಡವೆಗಳ ವಿರುದ್ಧ ಕೆಲಸ ಮಾಡುತ್ತದೆ
ಏಕೆಂದರೆ ತೆಂಗಿನ ಎಣ್ಣೆಯಲ್ಲಿ ಆಂಟಿ ಬ್ಯಾಕ್ಟೀರಿಯಲ್ ಗುಣಲಕ್ಷಣಗಳು ಹೆಚ್ಚಾಗಿವೆ. ಹಾಗಾಗಿ ಮೊಡವೆ ಗುಳ್ಳೆಗಳನ್ನು ಉಂಟುಮಾಡುವ ಬ್ಯಾಕ್ಟೀರಿಯಾಗಳನ್ನು ಇದು ತನ್ನಲ್ಲಿನ ಫ್ಯಾಟಿ ಆಸಿಡ್ ಅಂಶಗಳಿಂದ ಕೊಂದು ಹಾಕುತ್ತದೆ. ಮುಖದ ಭಾಗದ ಚರ್ಮದಿಂದ ಹೆಚ್ಚು ಎಣ್ಣೆಯ ಅಂಶ ಉತ್ಪತ್ತಿ ಆಗದಂತೆ ಇದು ತಡೆಯುತ್ತದೆ.
ಸಿಂಪಲ್ ಮನೆಮದ್ದುಗಳು: ಒಂದೆರಡು ದಿನಗಳಲ್ಲಿಯೇ ಮೊಡವೆಗಳು ಮಾಯ!
ನೈಸರ್ಗಿಕವಾದ ಸನ್ ಸ್ಕ್ರೀನ್ ಎಂದರೆ ಅದು ತೆಂಗಿನೆಣ್ಣೆ
ನಾವು ಮನೆಯಿಂದ ಹೊರಹೋದ ಸಂದರ್ಭದಲ್ಲಿ ಸೂರ್ಯನ ಅತ್ಯಂತ ತೀಕ್ಷ್ಣವಾದ ಕಿರಣಗಳಿಂದ ನಮ್ಮ ಮೃದುವಾದ ಮತ್ತು ಸೂಕ್ಷ್ಮವಾದ ಚರ್ಮವನ್ನು ರಕ್ಷಣೆ ಮಾಡಿಕೊಳ್ಳಲು ನಾವು ಚರ್ಮದ ಮೇಲೆ ಸನ್ಸ್ಕ್ರೀನ್ ಹಚ್ಚಿಕೊಂಡು ಹೋಗುವುದು ಒಳ್ಳೆಯದು.
ಸುಮಾರು ಮೂವತ್ತು ನಿಮಿಷಗಳಿಗಿಂತ ಅಧಿಕವಾಗಿ ನಾವು ಸೂರ್ಯನ ಬಿಸಿಲಿನಲ್ಲಿ ಓಡಾಡುವುದಾದರೆ, ತೆಂಗಿನ ಎಣ್ಣೆಯನ್ನು ಮಾಯಿಸ್ಚರೈಸರ್ ಮತ್ತು ಸನ್ ಸ್ಕ್ರೀನ್ ರೀತಿಯಲ್ಲಿ ಬಳಕೆ ಮಾಡುವುದು ಒಳ್ಳೆಯದು.
ಆಂಟಿ ಏಜಿಂಗ್ ಗುಣಲಕ್ಷಣಗಳು
ತೆಂಗಿನ ಎಣ್ಣೆಯಲ್ಲಿ ಆಂಟಿ ಏಜಿಂಗ್ ಗುಣಲಕ್ಷಣಗಳಿವೆ. ಇದರಿಂದ ಚರ್ಮದ ಭಾಗದಲ್ಲಿ ಕೊಲಾಜೆನ್ ಅಂಶವನ್ನು ಉತ್ಪತ್ತಿ ಮಾಡಿ ನಿಮ್ಮ ಚರ್ಮದ ಮೇಲೆ ಸುಕ್ಕುಗಳು ಮೂಡಿ ಬರುವುದನ್ನು ತಪ್ಪಿಸುತ್ತದೆ. ತೆಂಗಿನ ಎಣ್ಣೆ ಚರ್ಮದ ಒಳಭಾಗಕ್ಕೆ ಹೋಗುವುದರಿಂದ ಸಾಕಷ್ಟು ಆರೋಗ್ಯಕರವಾದ ಮತ್ತು ಅತ್ಯಂತ ಹೊಳಪಿನ ಚರ್ಮ ನಿಮ್ಮದಾಗಲಿದೆ.