ಈ ಎಣ್ಣೆ ನಿಮ್ಮ ತ್ವಚೆಯ ಕಾಂತಿ ಹೆಚ್ಚಿಸುವುದು

ನಿಮ್ಮ ತ್ವಚೆ ನೋಡಿದಾಗ ತುಂಬಾ ಡಲ್‌ ಆಗಿದೆ ಎಂದು ಅನಿಸುತ್ತಿದೆಯೇ? ಯಾಕೋ ಮುಖದಲ್ಲಿ ವಯಸ್ಸು ಎದ್ದು ಕಾಣುತ್ತಿದೆ ಎಂದು ಅನಿಸುತ್ತಿದೆಯೇ? ಚಿಂತೆ ಬಿಡಿ, ಈ ಎಣ್ಣೆ ಟ್ರೈ ಮಾಡಿ ನೋಡಿ, ನಿಮ್ಮ ಮುಖದ ಕಾಂತಿ ಹೆಚ್ಚುವುದು.

ಇಲ್ಲಿ ನಾವು ಹೇಳ ಹೊರಟಿರುವುದು ಜೊಜೊಬೊ ಎಣ್ಣೆ, ಇದು ನಿಮ್ಮ ತ್ವಚೆಯ ಮೇಲೆ ಅದ್ಭುತವಾದ ಪ್ರಭಾವ ಬೀರುತ್ತದೆ. ಇಲ್ಲಿ ನಾವು ಜೊಜೊಬೊ ಎಣ್ಣೆಯಿಂದ ತ್ವಚೆ ಸೌಂದರ್ಯ ವೃದ್ಧಿಸುವ ಟಿಪ್ಸ್ ನೀಡಿದ್ಧೇವೆ ನೋಡಿ:

ಮೃದುವಾದ ತ್ವಚೆಗಾಗಿ
ನಿಮ್ಮ ತ್ವಚೆ ತುಂಬಾ ಒರಟಾಗಿದೆ ಎಂದು ಅನಿಸಿದರೆ ಮಲಗುವ ಮುಂಚೆ ಜೊಜೊಬೊ ಎಣ್ಣೆ ಹಚ್ಚಿ ಮಲಗಿ, ನಂತರ ಬೆಳಗ್ಗೆ ತೊಳೆದರೆ ಸಾಕು.

ತ್ವಚೆ ಸಮಸ್ಯೆ
ಕಜ್ಜಿ, ತ್ವಚೆ ಸಮಸ್ಯೆ ಇದ್ದಾಗ ಹತ್ತಿಯನ್ನು ಜೊಜೊಬೊ ಎಣ್ಣೆಗೆ ಅದ್ದಿ ಅದರಿಂದ ಒರೆಸುತ್ತಿದ್ದರೆ ಬೇಗನೆ ಗುಣಮುಖವಾಗುವುದು.

ಎಣ್ಣೆ ತ್ವಚೆಯಿರುವವರು ಹಚ್ಚುವುದು ಕೂಡ ಒಳ್ಳೆಯದು
ಇದು ತ್ವಚೆ ರಂಧ್ರಗಳನ್ನು ಮುಚ್ಚುವುದಿಲ್ಲ ಬದಲಿಗೆ ಮುಖ ಎಣ್ಣೆ-ಎಣ್ಣೆಯಾಗುವುದನ್ನು ತಡೆಗಟ್ಟುತ್ತದೆ.

ನೆರಿಗೆ ಬೀಳದಂತೆ ತಡೆಯುತ್ತದೆ
ಇದರಲ್ಲಿರುವ ವಿಟಮಿನ್‌ ಇ ಮುಖದ ರಕ್ಷಣೆ ಮಾಡುತ್ತದೆ. ಪ್ರತಿದಿನ ಇದನ್ನು ಹಚ್ಚಿದರೆ ಮುಖದಲ್ಲಿ ಬೇಗನೆ ನೆರಿಗೆ ಬೀಳುವುದಿಲ್ಲ. ಅಲ್ಲದೆ ಮೊಡವೆ ಹಾಗೂ ಬ್ಲ್ಯಾಕ್‌ ಹೆಡ್ಸ್ ಸಮಸ್ಯೆ ನಿವಾರಿಸುವಲ್ಲಿ ಸಹಕಾರಿ.

ಮುಖದ ಸೌಂದರ್ಯ ಹೆಚ್ಚಿಸುತ್ತದೆ
ಇದರಲ್ಲಿ ಕೊಲೆಜಿನ್‌ ಅಂಶ ಹೆಚ್ಚಿರುವುದರಿಂದ ಈ ಎಣ್ಣೆ ಮುಖ ಸೌಂದರ್ಯವನ್ನು ಹೆಚ್ಚಿಸುತ್ತದೆ.