ಮೆಹಂದಿಯ ರಂಗು ಹೆಚ್ಚಿಸಲು ಟಿಪ್ಸ್

ಮದುಮಗಳ ಅಲಂಕಾರದಲ್ಲಿ ಮೆಹಂದಿಯ ವೈಯಾರ ನೋಡುವುದೇ ಚೆಂದ. ಇನ್ನು ಮದುಮಗಳ ಜತೆ ಮನೆ ಹೆಣ್ಮಕ್ಕಳು ಆಕೆಯ ಸ್ನೇಹಿತೆಯರು ಮೆಹಂದಿ ಹಚ್ಚಿ ಸಂಭ್ರಮಿಸುತ್ತಾರೆ.

ಮೆಹಂದಿ ಹಾಕುವುದು ಒಂದು ಕಲೆಯಾದರೆ ಅದರ ರಂಗು ಹೆಚ್ಚಿಸುವುದು ಒಂದು ಟೆಕ್ನಿಕ್. ಮೆಹಂದಿ ಕಡು ಕೆಂಪಾದರೆ ಮಾತ್ರ ನೋಡಲು ಆಕರ್ಷಕ, ಇಲ್ಲಿ ನಾವು ಮೆಹಂದಿಯ ರಂಗು ಹೆಚ್ಚಿಸಲು ಕೆಲ ಟಿಪ್ಸ್‌ ನೀಡಿದ್ದೇವೆ ನೋಡಿ:

1. ಮೆಹಂದಿ ಹಚ್ಚುವ ಮುನ್ನ ಕೈಯನ್ನು ಚೆನ್ನಾಗಿ ತೊಳೆದು ಬಟ್ಟೆಯಿಂದ ಒರೆಸಿ.
2. ಮೆಹಂದಿ ಹಚ್ಚಿದ ಬಳಿಕ ಅದು ಒಣಗುವವರೆಗೆ ತೊಳೆಯಬೇಡಿ.
3. ಮೆಹಂದಿ ಒಣಗಿದ ಮೇಲೆ ಸ್ವಲ್ಪ ಸಕ್ಕರೆ ನೀರು ಚಿಮುಕಿಸಿದರೆ ಮೆಹಂದಿ ಕಡು ಕೆಂಪಾಗುವುದು.
4. ಪ್ಯಾನ್‌ಗೆ 3-4 ಲವಂಗ ಹಾಕಿ ಬಿಸಿ ಮಾಡಿ, ಲವಂಗದಿಂದ ಹೊಗೆ ಬರಲಾರಂಭಿಸಿದಾಗ ಆ ಹೊಗೆಗೆ ಕೈ ಹಿಡಿದರೆ ಮೆಹಂದಿ ಕಡು ಕೆಂಪಾಗುವುದು.
5. ಮೆಹಂದಿಯನ್ನು ತೊಳೆದ ಬಳಿಕ ಕೊಬ್ಬರಿ ಎಣ್ಣೆ ಹಚ್ಚಿ.
6. ಕನಿಷ್ಠ 4 ಗಂಟೆ ನೀರಿಗೆ ಕೈ ಹಾಕಬೇಡಿ.