ಇದೇ ಕಾರಣಕ್ಕೆ ಪುರುಷರಲ್ಲಿ ಕೂದಲು ಉದುರುವುದು! ಪರಿಹಾರ ಇಲ್ಲಿದೆ ನೋಡಿ...

• ಆರೋಗ್ಯಕಾರಿ ಆಹಾರ ಕ್ರಮದಿಂದ ದಪ್ಪ ಹಾಗೂ ಉದ್ದದ ಕೂದಲು ಬರುವುದು. ಮೀನು, ಮಾಂಸ ಮತ್ತು ಸೋಯಾದಲ್ಲಿ ಕಂಡುಬರುವಂತಹ ಲೀನ್ ಪ್ರೋಟೀನ್ ಅಂಶವು ಕೂದಲಿನ ಬೆಳವಣಿಗೆಗೆ ಸಹಕಾರಿ.
• ವಿಟಮಿನ್ ಇ ಮತ್ತು ಆರೋಗ್ಯಕಾರಿ ಕೊಬ್ಬು ಇರುವಂತಹ ಕೆಲವೊಂದು ಬೀಜಗಳನ್ನು ಸೇವನೆ ಮಾಡಿದರೆ ಅದರಿಂದ ವಿಟಮಿನ್ ಇ ಮತ್ತು ಆರೋಗ್ಯಕಾರಿ ಕೊಬ್ಬಿನಾಮ್ಲವು ಸಿಗುವುದು. ದಾಲ್ಚಿನ್ನಿಯನ್ನು ಇದಕ್ಕೆ ಸೇರ್ಪಡೆ ಮಾಡಿದರೆ ಅದರಿಂದ ಕೂಡ ಕೂದಲಿಗೆ ಪೋಷಣೆ ಸಿಗುವುದು.

• ಕೂದಲಿನ ಆರೋಗ್ಯಕರ ಬೆಳವಣಿಗೆಗೆ ಮೊಟ್ಟೆಗಳ ಉಪಯೋಗ ಬಹಳ ಹಿಂದಿನಿಂದಲೂ ಬೆಳೆದುಕೊಂಡು ಬಂದಿರುವ ಪದ್ಧತಿ. ಮೊಟ್ಟೆಯ ಹಳದಿ ಲೋಳೆಯಲ್ಲಿ ಪೌಷ್ಠಿಕಾಂಶ ಮತ್ತು ಬಯೋಟಿನ್, ಫೋಲೇಟ್, ವಿಟಮಿನ್ ' ಎ ' ಮತ್ತು ವಿಟಮಿನ್ ' ಡಿ ' ಯಂತಹ ಪ್ರೋಟೀನ್ ಗಳಿವೆ.
• ಇವುಗಳು ಪುರುಷರ ಬೋಳು ತಲೆಗೆ ಉತ್ತಮ ಪರಿಹಾರ ಒದಗಿಸಬಲ್ಲವು. ಕೋಳಿ ಮೊಟ್ಟೆಯಲ್ಲಿ ಕೂದಲಿಗೆ ಅಗತ್ಯವಾದ ಈ ಮೇಲಿನ ಪ್ರೊಟೀನ್ ಅಂಶಗಳು ಹೇರಳವಾಗಿದ್ದು ದಟ್ಟವಾದ ಮತ್ತು ಉದ್ದವಾದ ಕೂದಲು ನಿಮ್ಮದಾಗುವಂತೆ ಮಾಡುತ್ತವೆ. ಮೊಟ್ಟೆಯ ಹಳದಿ ಲೋಳೆಯಲ್ಲಿ ಜೀವ ಸತ್ವಗಳು ಸಮೃದ್ಧವಾಗಿದ್ದು ಅದು ಕೂದಲನ್ನು ಹಾನಿಗೊಳಗಾಗದಂತೆ ಮಾಡುತ್ತದೆ.

• ಪುರುಷರಲ್ಲಿ ಕೂದಲು ಉದುರುವಿಕೆಗೆ ವಿಟಮಿನ್ ಕೊರತೆಯು ಪ್ರಮುಖ ಕಾರಣವಾಗಿದ್ದು, ಇದನ್ನು ನಿವಾರಣೆ ಮಾಡಲು ವಿಟಮಿನ್ ಗಳು ಅಗತ್ಯ ಪ್ರಮಾಣದಲ್ಲಿ ಇರುವಂತಹ ಆಹಾರ ಸೇವನೆ ಮಾಡಬೇಕು.
• ವಿಟಮಿನ್ ಎ ಅಂಶವು ಕೂದಲಿನ ಕಿರುಚೀಲಗಳಲ್ಲಿನ ರೆಟಿನೊಯಿಕ್ ಆಮ್ಲದ ಸಂಶ್ಲೇಷಣೆಯನ್ನು ನಿಯಂತ್ರಿಸಲು ನೆರವಾಗುವುದು. ವಿಟಮಿನ್ ಬಿ ಅಂಶವು ಒತ್ತಡ ಕಡಿಮೆ ಮಾಡುವುದು. ಅದೇ ವಿಟಮಿನ್ ಸಿ, ಡಿ ಮತ್ತು ಇ ಯು ಆರೋಗ್ಯಕಾರಿ ಕೂದಲಿಗೆ ಬೇಕಾಗಿರುವಂತಹ ಪೋಷಕಾಂಶಗಳನ್ನು ಒದಗಿಸುವುದು.

• ಕೂದಲು ಉದುರುವುದನ್ನು ಕಡಿಮೆ ಮಾಡುವುದು ಹೇಗೆ ಎಂದು ನೀವು ತಜ್ಞ ವೈದ್ಯರ ಬಳಿಯಲ್ಲಿ ಕೇಳಿ. ಪರಿಸ್ಥಿತಿಯು ಹದಗೆಡುವ ಮೊದಲು ನೀವು ಚಿಕಿತ್ಸೆ ಪಡೆಯುವುದು ಒಳ್ಳೆಯದು.
• ಕೂದಲು ಉದುರುವಿಕೆಯನ್ನು ತಡೆಯಲು ಏನು ಮಾಡಬೇಕು ಎಂದು ವೈದ್ಯರು ನಿಮಗೆ ಸೂಚಿಸುವರು. ಕೆಲವೊಂದು ಔಷಧಿಗಳು ಹಾಗೂ ಉತ್ಪನ್ನಗಳ ಬಗ್ಗೆ ತಿಳಿಸುವರು. ಇದರಿಂದ ಕೂದಲು ಉದುರುವಿಕೆ ಸಮಸ್ಯೆಯು ನಿವಾರಣೆ ಆಗುವುದು.

• ಕೆಲವೊಮ್ಮೆ ಪುರುಷರು ಕೂಡ ಕೂದಲಿನಲ್ಲಿ ಬನ್ ಹಾಕುವರು. ಆದರೆ ಇದರ ಬಗ್ಗೆ ತುಂಬಾ ಎಚ್ಚರಿಕೆ ವಹಿಸಬೇಕು. ಹೆಚ್ಚು ಬಿಗಿಯಾಗಿ ಕಟ್ಟಿದಷ್ಟು ಕೂದಲಿಗೆ ಹಾನಿ ಆಗುವುದು ಅಧಿಕ.
• ಹದಿಹರೆಯದಲ್ಲಿ ಇದು ನಿಮಗೆ ಅಗತ್ಯವೆಂದು ಕಾಣಿಸದೆ ಇರಬಹುದು. ಆದರೆ ವಯಸ್ಸಾಗುತ್ತಾ ಹೋದಂತೆ ಇದು ನಿಮಗೆ ಹೊಂದಾಣಿಕೆ ಆಗುತ್ತದೆಯಾ ಎಂದು ನೋಡಬೇಕು.

• ಕೂದಲು ಬೋಳು ಆಗುವುದನ್ನು ತಪ್ಪಿಸಲು ಕೆಲವೊಂದು ಔಷಧಿಗಳು ಮತ್ತು ಚಿಕಿತ್ಸೆಗಳು ಅಗತ್ಯ. ಪುರುಷರಲ್ಲಿ ಕೂದಲು ಉದುರುವಿಕೆ ಮತ್ತು ಉದುರುವುದನ್ನು ನಿಧಾನವಾಗಿಸಲು ಹಲವಾರು ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ.
• ಕೂದಲು ಉದುರುವಿಕೆಯನ್ನು ತಡೆದು, ಮರಳಿ ಕೂದಲು ಬೆಳೆಯುವಂತೆ ಮಾಡುವ ಉತ್ಪನ್ನಗಳು ಮಾರುಕಟ್ಟೆಯಲ್ಲಿ ಇದೆ. ಇವುಗಳನ್ನು ಫಲಿತಾಂಶ ಸಿಗುವ ತನಕ ಬಳಕೆ ಮಾಡಿದರೆ ತುಂಬಾ ಒಳ್ಳೆಯದು.

ಪುರುಷರು ಕೆಲವೊಂದು ಸಲ ಅತಿಯಾದ ಒತ್ತಡದಲ್ಲಿರುವರು. ಇದರಿಂದ ಕೂದಲು ಉದುರುವುದು. ಇದನ್ನು ತಪ್ಪಿಸಲು ಜೀವನಶೈಲಿ ಬದಲಾವಣೆ, ಸಂತೋಷವಾಗಿರುವುದು ಮತ್ತು ಧಾನ್ಯ ಮಾಡುವುದನ್ನು ಕಲಿಯಿರಿ. ಯೋಗ ಮತ್ತು ಧ್ಯಾನವು ಒತ್ತಡವನ್ನು ಕಡಿಮೆ ಮಾಡಲು ತುಂಬಾ ಸಹಕಾರಿಯಾಗಿ ಕೆಲಸ ಮಾಡುವುದು.

• ಧೂಮಪಾನ ಮತ್ತು ಮದ್ಯಪಾನವು ದೇಹದ ಆರೋಗ್ಯಕ್ಕೆ ಹಾನಿ ಉಂಟು ಮಾಡುವುದು ಎಂದು ನಮಗೆಲ್ಲರಿಗೂ ತಿಳಿದೇ ಇದೆ. ಇದೇ ಕೆಟ್ಟ ಅಭ್ಯಾಸಗಳು ಕೂದಲು ಉದುರುವಿಕೆಗೂ ಕಾರಣವಾಗುವುದು. ಧೂಮಪಾನ ಮತ್ತು ಮದ್ಯಪಾನವು ಕೂದಲು ಉದುರುವಿಕೆಗೆ ಪ್ರಮುಖ ಕಾರಣ ಎಂದು ಹಲವಾರು ಅಧ್ಯಯನಗಳು ಹೇಳಿವೆ.
• ಕೂದಲಿನ ಕಿರುಚೀಲಗಳಿಗೆ ಬರುವಂತಹ ರಕ್ತನಾಳಗಳಿಗೆ ಧೂಮಪಾನವು ಹಾನಿ ಉಂಟು ಮಾಡುವುದು. ಅತಿಯಾಗಿ ಆಲ್ಕೋಹಾಲ್ ಸೇವನೆ ಮಾಡಿದರೆ ಅದರಿಂದ ನಿರ್ಜಲೀಕರಣ ಉಂಟಾಗುವುದು ಮತ್ತು ಪೋಷಕಾಂಶ ಮೌಲ್ಯಗಳು ಕಡಿಮೆ ಆಗುವುದು.

ವ್ಯಾಯಾಮವು ದೇಹಕ್ಕೆ ತುಂಬಾ ಒಳ್ಳೆಯದು. ಆದರೆ ಇದು ಕೂದಲಿಗೆ ಕೂಡ ಒಳ್ಳೆಯದು ಎಂದು ನಿಮಗೆ ತಿಳಿದಿದೆಯಾ? ತಲೆಬುರುಡೆಗೆ ಸರಿಯಾದ ರೀತಿ ರಕ್ತ ಸಂಚಾರವಾಗಲು ಮತ್ತು ಕೂದಲಿನ ಸಂಪೂರ್ಣ ಆರೋಗ್ಯ ಕಾಪಾಡಲು ವ್ಯಾಯಾಮವು ಅತೀ ಅಗತ್ಯ.

ಕೂದಲು ಉದುರುವಿಕೆ ತಡೆಯಲು ಹಾಗೂ ಮತ್ತೆ ಬೆಳೆಯಲು ಹಲವಾರು ರೀತಿಯ ಸಪ್ಲಿಮೆಂಟ್ ಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದರ ಬಗ್ಗೆ ನೀವು ವೈದ್ಯರೊಂದಿಗೆ ಮಾತನಾಡಿ ಮತ್ತು ಅವರು ಒಳ್ಳೆಯ ಪರಿಣಾಮಕಾರಿ ಮತ್ತು ಗುಣಮಟ್ಟದ ಸಪ್ಲಿಮೆಂಟ್ ಗಳನ್ನು ನಿಮಗೆ ನೀಡಬಹುದು.