ಕೂದಲು ಉದುರುತ್ತಿದೆಯೇ ಹಾಗಾದ್ರೆ ರೋಸ್ ವಾಟರ್ ಬಳಸಿ
ಅನೇಕ ಜನರು ರೋಸ್ ವಾಟರ್ ಅನ್ನು ಕೇವಲ ಚರ್ಮದ ರಕ್ಷಣೆಗೆ ಮಾತ್ರ ಬಳಸುತ್ತಾರೆ. ಆದರೆ ರೋಸ್ವಾಟರ್ ಕೂದಲಿನ ಆರೋಗ್ಯ ಮತ್ತು ವಿನ್ಯಾಸವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ಇದು ಕೂದಲಿಗೆ ನೈಸರ್ಗಿಕ ಹೂವಿನ ಸುಗಂಧವನ್ನು ನೀಡುತ್ತದೆ.
ನೆತ್ತಿಯಲ್ಲಿ ತೈಲ ಉತ್ಪಾದನೆಯನ್ನು ನಿಯಂತ್ರಿಸುತ್ತದೆ
ನೀವು ಎಣ್ಣೆಯುಕ್ತ ಕೂದಲನ್ನು ಹೊಂದಿದ್ದರೆ, ರೋಸ್ ವಾಟರ್ ನನ್ನು ಬಳಸಲೇಬೇಕು. ಮೇದೋಗ್ರಂಥಿಗಳ ಸ್ರವಿಸುವಿಕೆಯಿಂದಾಗಿ, ನಿಮ್ಮ ನೆತ್ತಿ ಮತ್ತು ಕೂದಲು ಎಣ್ಣೆಯುಕ್ತವಾಗುತ್ತದೆ. ರೋಸ್ವಾಟರ್ನ ಪಿ.ಹೆಚ್, ನೆತ್ತಿಯ ಪಿ.ಹೆಚ್ ಅನ್ನು ಸಮತೋಲನಗೊಳಿಸಿ ತೈಲ ಬಿಡುಗಡೆಯನ್ನು ನಿಯಂತ್ರಿಸುತ್ತದೆ. ಕಾಲಕ್ರಮೇಣ, ನಿಮ್ಮ ಕೂದಲು ಕಡಿಮೆ ಜಿಡ್ಡಿನಂತಾಗುತ್ತದೆ. ನಿಮ್ಮ ಕೂದಲಿನ ಮೇಲೆ ನೀವು ಮುಲ್ತಾನಿ ಮಿಟ್ಟಿಯನ್ನು ಸಹ ಬಳಸಬಹುದು.
ಕೂದಲಿನ ಶುಷ್ಕತೆಯನ್ನು ಕಡಿಮೆ ಮಾಡುತ್ತದೆ
ಶುಷ್ಕ ಕೂದಲನ್ನು ಹೊಂದಿರುವವರು ನಿಯಮಿತವಾಗಿ ರೋಸ್ ವಾಟರ್ ಅನ್ನು ಬಳಸಬೇಕು. ಶುಷ್ಕತೆಗೆ ಮುಖ್ಯ ಕಾರಣ ಮಾಲಿನ್ಯ. ರೋಸ್ ವಾಟರ್ ನ ಹಿತವಾದ ತಂಪಾಗಿಸುವ ಗುಣ, ಕೂದಲನ್ನು ಹೈಡ್ರೇಟ್ ಮಾಡುತ್ತದೆ.
ಹುಲ್ಲು ಜೋಳ ಜೋಳದ ಬಗ್ಗೆ ಕೇಳಿದ್ದೀರಾ? ಇದನ್ನು ತಿಂದ್ರೆ ತೂಕ ಇಳಿಸಬಹುದಂತೆ!
ತಲೆಹೊಟ್ಟು ನಿಯಂತ್ರಿಸುತ್ತದೆ
ಕೂದಲು ಉದುರುವಿಕೆಗೆ ಪ್ರಾಥಮಿಕ ಕಾರಣವಾದ ತಲೆಹೊಟ್ಟು ಸಾಮಾನ್ಯ ಕೂದಲು ಸಮಸ್ಯೆಗಳಲ್ಲಿ ಒಂದಾಗಿದೆ. ತಲೆಹೊಟ್ಟು ಮತ್ತು ಕೂದಲು ಉದುರುವುದನ್ನು ಕಡಿಮೆ ಮಾಡಲು ರೋಸ್ ವಾಟರ್ ನನ್ನು ಬಳಸಿ. ಶ್ಯಾಂಪೂಗಳ ಪರಿಣಾಮಕ್ಕಿಂತ ರೋಸ್ ವಾಟರ್ ನ ನೈಸರ್ಗಿಕ ಪರಿಹಾರವು ದೀರ್ಘ ಪ್ರಯೋಜನವನ್ನು ನೀಡುತ್ತದೆ.
ಕೂದಲಿಗೆ ಹೊಳಪು ನೀಡುತ್ತದೆ
ಮೆಂತ್ಯ ಬೀಜಗಳನ್ನು ರೋಸ್ ವಾಟರ್ ನಲ್ಲಿ ಕನಿಷ್ಠ 4-5 ಗಂಟೆಗಳ ಕಾಲ ನೆನೆಸಿಡಿ. ಈ ಬೀಜಗಳನ್ನು ಪುಡಿಮಾಡಿ ಪೇಸ್ಟ್ ಮಾಡಿಕೊಳ್ಳಿ. ಇದನ್ನು ನಿಮ್ಮ ಕೂದಲು ಮತ್ತು ನೆತ್ತಿಯ ಮೇಲೆ ಹಚ್ಚಿ 40-50 ನಿಮಿಷಗಳ ನಂತರ, ಗಿಡಮೂಲಿಕೆಗಳಿಂದ ತಯಾರಿಸಿದ ಶಾಂಪೂ ಬಳಸಿ ತೊಳೆಯಿರಿ. ಇದು ನಿಮ್ಮ ಕೂದಲಿಗೆ ಹೊಳಪು ನೀಡುತ್ತದೆ.
ಕೂದಲನ್ನು ಸರಿ ಮಾಡುತ್ತದೆ
ನೀವು ಆಗಾಗ್ಗೆ ನಿಮ್ಮ ಕೂದಲಿಗೆ ಸ್ಟೈಲಿಂಗ್ ಸಾಧನಗಳನ್ನು ಬಳಸುತ್ತಿದ್ದರೆ, ಕೂದಲು ವೇಗವಾಗಿ ಹಾನಿಗೊಳಗಾಗುತ್ತದೆ. ನಿಮ್ಮ ನೆತ್ತಿಯ ಮೇಲೆ ರೋಸ್ ವಾಟರ್ ಅನ್ನು ನಿಯಮಿತವಾಗಿ ಮಸಾಜ್ ಮಾಡುವುದರಿಂದ ಈ ಹಾನಿಯನ್ನು ಕಡಿಮೆ ಮಾಡಿ, ಕೂದಲನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ. ಮಸಾಜ್ ಮಾಡುವುದರಿಂದ ರಕ್ತ ಪರಿಚಲನೆ ಹೆಚ್ಚಾಗುತ್ತದೆ. ಕೂದಲನ್ನು ಪುನಶ್ಚೇತನಗೊಳಿಸುತ್ತದೆ.
ರೋಸ್ ವಾಟರಿನ ಸಾಮರ್ಥ್ಯವನ್ನು ಹೆಚ್ಚಿಸಲು, ನೀವು ಅದಕ್ಕೆ ವಿಟಮಿನ್ ಇ ಯನ್ನು ಕೂಡ ಸೇರಿಸಬಹುದು. ಇದರ ಜೊತೆ ಆರೋಗ್ಯಕರ ಆಹಾರವನ್ನು ಸಹ ಸೇವಿಸಬೇಕು. ನಿಮ್ಮ ಕೂದಲಿನ ಮೇಲೆ ಶಾಖ ಸಾಧನಗಳ ಬಳಕೆಯನ್ನು ಸಾಧ್ಯವಾದಷ್ಟು ತಪ್ಪಿಸಬೇಕು.
ನಿಮ್ಮ ಗಡ್ಡದಲ್ಲಿ ಹೊಟ್ಟು ಇದೆಯೇ? ಹಾಗಾದರೆ, ಇದನ್ನು ತಡೆಗಟ್ಟುವುದು ಹೇಗೆ?
ಕೂದಲಿನ ಬೆಳವಣಿಗೆಯನ್ನು ರೋಸ್ವಾಟರ್ ಹೆಚ್ಚಿಸುತ್ತದೆ
ನೀವು ತಲೆಗೆ ಸ್ನಾನ ಮಾಡಿದ ನಂತರ, ನಿಮ್ಮ ಕೂದಲಿಗೆ ಸ್ವಲ್ಪ ರೋಸ್ ವಾಟರ್ ನನ್ನು ಸ್ಪ್ರೇ ಮಾಡಿ. ರೋಸ್ವಾಟರ್ನಲ್ಲಿ ವಿಟಮಿನ್ ಎ, ಇ, ಸಿ ಮತ್ತು ಬಿ 3 ನಂತಹ ಪ್ರಮುಖ ಪೋಷಕಾಂಶಗಳಿವೆ. ಕೂದಲಿನ ಬೆಳವಣಿಗೆಗೆ ಈ ಜೀವಸತ್ವಗಳು ಶ್ರೇಷ್ಠ.