ತೆಂಗಿನೆಣ್ಣೆ ಬಳಸಿ ಅಕಾಲಿಕ ನೆರಿಗೆ ತಡೆಗಟ್ಟಬಹುದು

ಅಕಾಲಿಕ ನೆರಿಗೆ ಬೀಳುವುದನ್ನು ತಡೆಯಲು ತ್ವಚೆ ಆರೈಕೆ ಮಾಡಬೇಕು, ತೆಂಗಿನೆಣ್ಣೆ ಬಳಸಿ ಅಕಾಲಿಕ ನೆರಿಗೆ ತಡೆಗಟ್ಟುವ ಟಿಪ್ಸ್ ನೀಡಿದ್ದೇವೆ ನೋಡಿ:

ತೆಂಗಿನೆಣ್ಣೆ ಮತ್ತು ಲೋಳೆಸರ
ತೆಂಗಿನೆಣ್ಣೆಯಲ್ಲಿ ವಿಟಮಿನ್‌ ಇ ಇದ್ದು ನೆರಿಗೆ ಬರದಂತೆ ತಡೆದರೆ ಲೋಳೆಸರದಲ್ಲಿರುವ ಮಾಲಿಕ್‌ ಆಮ್ಲ ತ್ವಚೆಯಲ್ಲಿರುವ ಕಲೆಯನ್ನು ಹೋಗಲಾಡಿಸಿ ಮುಖದ ಅಂದ ಹೆಚ್ಚಿಸುವುದು.

ತೆಂಗಿನೆಣ್ಣೆ ಮಸಾಜ್‌
ತಣ್ಣೀರಿನಿಂದ ಮುಖ ತೊಳೆದು ನಂತರ ತೆಂಗಿನೆಣ್ಣೆಯನ್ನು ಮುಖ ಹಾಗೂ ಕುತ್ತಿಗೆಯ ಭಾಗಕ್ಕೆ ಹಚ್ಚಿ ಇಡೀ ರಾತ್ರಿ ಹಾಗೇ ಬಿಟ್ಟು ಬೆಳಗ್ಗೆ ಮುಖ ತೊಳೆಯಬೇಕು. ಈ ರೀತಿ ದಿನಾ ಮಾಡಿದರೆ ನೆರಿಗೆ ಬೀಳುವುದನ್ನು ತಡೆಗಟ್ಟಬಹುದು.

ತೆಂಗಿನೆಣ್ಣೆ ಮತ್ತು ಜೇನು
ತೆಂಗಿನೆಣ್ಣೆ ಮತ್ತು ಜೇನು ಮಿಶ್ರ ಮಾಡಿ ಮುಖಕ್ಕೆ ಹಚ್ಚಿ ಒಂದು ಗಂಟೆ ಬಿಡಬೇಕು, ನಂತರ ತಣ್ಣೀರಿನಲ್ಲಿ ಮುಖ ತೊಳೆಯಿರಿ. ಈ ರೀತಿ ಆರೈಕೆ ಮಾಡಿದರೆ ಅಕಾಲಿಕ ನೆರಿಗೆ ತಡೆಗಟ್ಟಿ ಮುಖದ ಕಾಂತಿ ಹೆಚ್ಚಿಸಬಹುದು.