ನಿಮ್ಮ ಚರ್ಮದ ಕಾಳಜಿ ಬಗ್ಗೆ ನೀವು ಎಷ್ಟು ಗಮನಹರಿಸುವಿರೋ ಅಷ್ಟೇ ನೀವು ಬಳಸುವ ಚರ್ಮದ ಉತ್ಪನ್ನಗಳ ಮೇಲೆ ನೀವು ಗಮನವಹಿಸಬೇಕು. ಆದ್ದರಿಂದ ಸರಿಯಾದ ಚರ್ಮದ ರಕ್ಷಣೆಯ ಕ್ರಮವನ್ನು ಅನುಸರಿಸಬೇಕು. ಪ್ರತಿಯೊಂದು ಉತ್ಪನ್ನವನ್ನು ವಿಭಿನ್ನ ಕಾಳಜಿಗಳಿಗೆ ಅನುಗುಣವಾಗಿ ರೂಪಿಸಲಾಗುತ್ತದೆ. ನಿಮ್ಮ ಚರ್ಮದ ಉತ್ಪನ್ನಗಳನ್ನು ಸರಿಯಾದ ಕ್ರಮದಲ್ಲಿ ಹೇಗೆ ಬಳಸುವುದು ಎಂಬುದರ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿ ಬೇಕಾದಲ್ಲಿ ಸಂಪೂರ್ಣ ಲೇಖನವನ್ನೂ ಓದಿರಿ.
ಹಗಲಿನ ಚರ್ಮದ ರಕ್ಷಣೆ
ಉತ್ತಮವಾಗಿ ಚರ್ಮವನ್ನು ಹಾರೈಕೆ ಮಾಡದ ಹೊರತು ನೀವು ಉತ್ತಮವಾದ ಚರ್ಮವನ್ನು ಪಡೆಯುವುದಕ್ಕೆ ಸಾಧ್ಯವಾಗುವುದಿಲ್ಲ.ಸೂರ್ಯನ ಹಾನಿಕಾರಕ ಕಿರಣಗಳಿಂದಾಗಿ ನಿಮ್ಮ ಚರ್ಮವು ಚರ್ಮದ ಸಮಸ್ಯೆಗಳಿಗೆ ಹೆಚ್ಚು ಗುರಿಯಾಗುತ್ತದೆ. ಇದಕ್ಕಾಗಿ ನೀವು ಉತ್ತಮ ರೀತಿಯಲ್ಲಿ ಚರ್ಮವನ್ನು ಪೋಷಣೆ ಮಾಡಬೇಕು. ಇದಕ್ಕಾಗಿ ಉತ್ತಮವಾದ ಕ್ಲೆನ್ಸರ್, ಎಕ್ಸ್ ಪೋಲಿಯೆಟರ್ ಗಳು, ಸನ್ ಸ್ಕ್ರೀನ್ ಗಳು ಮತ್ತು ಮಾಯಿಶ್ಚರೈಸ್ ಗಳನ್ನು ಬಳಸಬೇಕು.
ತಜ್ಞರ ಪ್ರಕಾರ, ಬೆಳಗಿನ ಸಮಯದಲ್ಲಿ ಇವುಗಳನ್ನು ಮಾಡುವುದರಿಂದ ಉತ್ತಮ ಚರ್ಮದ ಆರೋಗ್ಯವನ್ನು ಪಡೆಯಲು ಸಾಧ್ಯವಿದೆ. ಆದ್ದರಿಂದ ನೀವು ಪ್ರತಿದಿನ ಬೆಳಿಗ್ಗೆ ನಿಮ್ಮ ಚರ್ಮದ ರಕ್ಷಣೆಯ ದಿನಚರಿಯ ಬಗ್ಗೆ ಗಮನವಹಿಸಬೇಕು. ಈ ರೀತಿ ಚರ್ಮವನ್ನು ಉತ್ತಮ ರೀತಿಯಲ್ಲಿ ಪೋಷಿಸಿದರೆ ನಿಮಗೆ ಉತ್ತಮ ಚರ್ಮ ದೊರೆಯುತ್ತದೆ.
ಶುದ್ಧೀಕರಣ
ನಿಮ್ಮ ಚರ್ಮದ ಆಧಾರದಮೇಲೆ ಮೃದುವಾದ ಕ್ಲೆನ್ಸರ್ ಬಳಸಿ. ನಿಮ್ಮ ಮುಖವನ್ನು ತಣ್ಣೀರಿನಿಂದ ತೊಳೆಯಿರಿ ಮತ್ತು ನಂತರ ಕ್ಲೆನ್ಸರ್ ಅನ್ನು ನಿಮ್ಮ ಕೆನ್ನೆಗಳಲ್ಲಿ ವೃತ್ತಾಕಾರದ ಚಲನೆಗಳಲ್ಲಿ ಅನ್ವಯಿಸಿ. ನಂತರದಲ್ಲಿ ಇದನ್ನು ಶುದ್ಧ ತಣ್ಣೀರಿನಿಂದ ತೊಳೆಯಿರಿ. ಉತ್ತಮ ಚರ್ಮವನ್ನು ಪಡೆಯಬೇಕೆಂಬುದರಲ್ಲಿ ಶುದ್ಧೀಕರಣವು ಅತ್ಯಂತ ಪ್ರಮುಖವಾದ ಹಂತವಾಗಿದೆ.ಎಲ್ಲಾ ಹಂತಗಳನ್ನು ಮಾಡುವ ಮೊದಲು ನಿಮ್ಮ ಇದು ಯಾವ ರೀತಿಯ ಚರ್ಮ ಎಂಬುದನ್ನು ಕಂಡುಕೊಂಡು ನಂತರದಲ್ಲಿ ಎಲ್ಲಾ ಪ್ರಯತ್ನಗಳನ್ನು ಮಾಡಿದರೆ ಉತ್ತಮ ಫಲಿತಾಂಶ ದೊರೆಯುತ್ತದೆ.
ಆರೋಗ್ಯಕರ ಮತ್ತು ಹೊಳೆಯುವ ಚರ್ಮಕ್ಕಾಗಿ ಬಳಸಿ ಹಾಲಿನ ಕೆನೆ
ಎಕ್ಸ್ ಪೋಲಿಯೆಟ್
ನಿಮ್ಮ ಸತ್ತ ಚರ್ಮದ ಕೋಶಗಳು ವಿರುದ್ಧ ನಿಮ್ಮ ಉತ್ತಮವಾದ ಪ್ರಯತ್ನವೆಂದರೆ ಅದು ಎಕ್ಸ್ಪೊಲಿಯೇಷನ್. ಶುದ್ಧೀಕರಣದ ನಂತರ ನಿಮ್ಮ ಚರ್ಮಕ್ಕೆ ಸರಿಯಾದ ಉತ್ಪನ್ನಗಳನ್ನು ಹಾರಿಸುವ ಮೂಲಕ ಒರಟಾದ ನಿಮ್ಮ ಮುಖವನ್ನು ಮೃದುವಾಗಿಸಬಹುದು. ಬ್ಲಾಕ್ಹೆಡ್ ಮತ್ತು ವೈಟ್ ಹೆಡ್ ಗಳನ್ನು ದೂರವಿರಿಸಬಹುದು. ಎಣ್ಣೆಯುಕ್ತ ಮತ್ತು ಮೊಡವೆ ಚರ್ಮದವರಿಗೆ, ಸೌಮ್ಯವಾದ ಎಕ್ಸ್ ಪೋಲಿಯೆಟ್ ಅತ್ಯಗತ್ಯ ಮತ್ತು ಇದು ನಿಮ್ಮ ಚರ್ಮಕ್ಕೆ ಯಾವುದೇ ಹಾನಿ ಮಾಡುವುದಿಲ್ಲ. ವಿಟಮಿನ್ ಇ ಮತ್ತು ಬಿ 5 ನೊಂದಿಗೆ ಎಕ್ಸ್ ಪೋಲಿಯೆಟ್ ಗಳಲ್ಲಿ ಹೂಡಿಕೆ ಮಾಡಲು ತಜ್ಞರು ಶಿಫಾರಸು ಮಾಡುತ್ತಾರೆ. ಏಕೆಂದರೆ ಅವು ಚರ್ಮವನ್ನು ಆರೋಗ್ಯಕರವಾಗಿ ಮತ್ತು ಉತ್ತಮವಾಗಿ ಇರಿಸುತ್ತವೆ.
ಮಾಯಿಶ್ಚರೈಸ್
ಮುಂದಿನ ಹಂತವು ಮಾಯಿಶ್ಚರೈಸ್ ಆಗಿದೆ. ಚರ್ಮವನ್ನು ಭಾರವಾಗದಂತೆ ಹೈಡ್ರಿ ಕರಿಸುವುದು ಬಹಳ ಮುಖ್ಯವಾಗಿದೆ. ನಿಮ್ಮ ಚರ್ಮವು ಅದನ್ನು ಸುಲಭವಾಗಿ ಹೀರಿಕೊಳ್ಳಲು ಹಗುರವಾದ, ಸೌಮ್ಯವಾದ ಮಾಯಿಶ್ಚರೈಸ್ ಬಳಸಿ. ಇದು ನಿಮ್ಮ ಚರ್ಮವನ್ನು ಮತ್ತಷ್ಟು ಮೃದುವಾಗಿಸುತ್ತದೆ.
ಸನ್ ಸ್ಕ್ರೀನ್
ಬಿಸಿಲಿಗೆ ಹೊರಹೋಗುವ ಮುನ್ನ ಯಾವಾಗಲೂ ಸನ್ ಸ್ಕ್ರೀನ್ ಅನ್ನು ಬಳಸಿ. ನೀವು ಬಿಸಿಲಿಗೆ ಹೋದಾಗ ಸೂರ್ಯನಿಂದ ನಿಮ್ಮ ಚರ್ಮಕ್ಕೆ ಹಾನಿಯುಂಟಾಗುತ್ತದೆ. ಈ ರೀತಿ ಹಾಳಾದ ಚರ್ಮವನ್ನು ಸರಿಪಡಿಸುವುದಕ್ಕೆ ಹೆಚ್ಚಿನ ಸಮಯ ಬೇಕಾಗುತ್ತದೆ. ಸನ್ ಸ್ಕ್ರೀನ್ ನಿಮ್ಮ ಚರ್ಮಕ್ಕೆ ಚೆನ್ನಾಗಿ ಒಗ್ಗಿದ ನಂತರ ಬಳಸಿ. ತಜ್ಞರ ಪ್ರಕಾರ, ಅಕಾಲಿಕ ವಯಸ್ಸಾದ, ಮೊಡವೆಗಳ ಗುರುತು ಮತ್ತು ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡಬೇಕೆಂದರೆ ಕನಿಷ್ಠ ಎಸ್ಪಿಎಸ್ 30 ಬಳಸಬೇಕು.
ರಾತ್ರಿ ಚರ್ಮದ ರಕ್ಷಣೆ
ದೀರ್ಘ ದಿನ ಮುಗಿದ ನಂತರ ನಿಮ್ಮ ಚರ್ಮವನ್ನು ಪೋಷಣೆ ಮಾಡುವ ಅತ್ಯುತ್ತಮ ಮಾರ್ಗವೆಂದರೆ ಅದು ರಾತ್ರಿಯ ಚರ್ಮದ ರಕ್ಷಣೆಯಾಗಿದೆ. ನಿಮ್ಮ ಚರ್ಮದ ಒಟ್ಟಾರೆ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಕನಿಷ್ಠ ರಾತ್ರಿ ಚರ್ಮದ ರಕ್ಷಣೆ ನಿಮ್ಮ ಸಹಾಯಕ್ಕೆ ಬರುತ್ತದೆ.
ಚರ್ಮದ ರಕ್ಷಣೆಗೆ ವಿಟಮಿನ್ ಇ ಸೇರಿಸಿ, ಹೊಳಪನ್ನು ಪಡೆಯಿರಿ
ಡಬಲ್ ಕ್ಲೀನ್ಸಿಂಗ್
ಚರ್ಮವನ್ನು ಎರಡು ಪಟ್ಟು ಶುದ್ಧೀಕರಣ ಮಾಡುವುದು ಪ್ರಸಿದ್ಧ ಚರ್ಮ ರಕ್ಷಣೆಯ ವಿಧಾನವಾಗಿದೆ. ಚರ್ಮವನ್ನು ಸ್ವಚ್ಛಗೊಳಿಸಿ ಎಲ್ಲಾ ಅನಗತ್ಯ ಅಂಶಗಳನ್ನು ತೆಗೆದು ಹಾಕಲು ಇದು ಸಹಾಯ ಮಾಡುತ್ತದೆ. ಇದು ನಿಮ್ಮ ಮುಖದಲ್ಲಿರುವ ಎಣ್ಣೆ ಆಗಿರಬಹುದು ಅಥವಾ ಮೇಕಪ್ ಅನ್ನು ಶುದ್ಧೀಕರಣ ಮಾಡುವುದು ನಿಮ್ಮ ಚರ್ಮವನ್ನು ಉತ್ತಮ ಸ್ಥಿತಿಯಲ್ಲಿರುತ್ತದೆ.
ಹೈಡ್ರೇಟಿಂಗ್ ಲೋಷನ್ ಮತ್ತು ಮಾಯಿಶ್ಚರೈಸ್
ನಿಮ್ಮ ಚರ್ಮದ ರಕ್ಷಣೆಯ ದಿನಚರಿಯನ್ನು ಪರಿಪೂರ್ಣಗೊಳಿಸಲು, ನೀವು ಹೈಡ್ರೇಟಿಂಗ್ ಲೋಷನ್ ಮತ್ತು ಮಾಯಿಶ್ಚರೈಸ್ ಬಳಸಬೇಕು.ನೀವು ನಿದ್ದೆ ಮಾಡುವಾಗ ನೀರಿನ ಆವಿಯಾಗುವಿಕೆಯನ್ನು ತಡೆಗಟ್ಟಲು ಚರ್ಮದ ಮೇಲೆ ರಕ್ಷಣಾತ್ಮಕ ಲೇಪನವನ್ನು ರಚಿಸಲು ಮತ್ತು ರೂಪಿಸಲು ಇದು ಸಹಾಯ ಮಾಡುತ್ತದೆ. ಇದು ನಿಮ್ಮ ಚರ್ಮಕ್ಕೆ ಮೃದುತ್ವವನ್ನು ನೀಡಿ ಪೂರಕವಾಗಿರಲೂ ಸಹಾಯಮಾಡುತ್ತದೆ.ಒಟ್ಟಾರೆಯಾಗಿ ಹೇಳುವುದಾದರೆ, ನಿಮ್ಮ ಚರ್ಮವನ್ನು ನಿಯಮಿತವಾಗಿ ಮಾಯಿಶ್ಚರೈಸ್ ಮಾಡುವುದರಿಂದ ನಿಮ್ಮ ಒಟ್ಟಾರೆ ಚರ್ಮದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯಕವಾಗುತ್ತದೆ.