ಬಿಸಿಲಲ್ಲೂ ಸೌಂದರ್ಯ

ಬೇಸಿಗೆಗೆ ಗಾಢ ಮೇಕಪ್‌ ಬೇಡ. ತಿಳಿಯಾಗಿರಲಿ, ನೋಡುವವರಿಗೆ ಎದ್ದು ಕಾಣದಿರಲಿ. ಇಷ್ಟೇ ಅಲ್ಲ, ಮೇಕಪ್‌ ಮಾಡಿಕೊಂಡಾಗ ಬೆವರು ಸುರಿಯಕೂಡದು. ಹಾಗಾಗಿ ಆದಷ್ಟೂ ಹೆವ್ವಿ ಮೇಕಪ್‌ ಆವಾಯ್ಡ್‌ ಮಾಡಿ. ಧೂಳಿನಲ್ಲಿ ಸಂಚರಿಸಬೇಡಿ. ಮ್ಯಾಟ್‌ ಮೇಕಪ್‌ ಬೇಡವೇ ಬೇಡ ಎಂದು ಸಲಹೆ ನೀಡುತ್ತಾರೆ ಮಾಡೆಲ್‌ ಅರ್ಚನಾ ಮೊಸಳೆ.

ಸೂರ್ಯನಿಂದ ರಕ್ಷಣೆ ನೀಡಲು ಸನ್‌ಸ್ಕ್ರೀನ್‌ ಬಳಸಿ. ಆದಷ್ಟೂ ಹರ್ಬಲ್‌ ಕ್ರೀಂ ಬಳಕೆ ಮಾಡಿ. ಅತಿಯಾಗಿ ಬೆವರುವವರು ರಿಫ್ರೆಶ್‌ ಟಿಶ್ಯೂ ಪೇಪರ್‌ಗಳನ್ನು ಬಳಸುವುದು ಉತ್ತಮ. ಜಿಡ್ಡಿನಂಶ ಇರುವವರು ರಾತ್ರಿ ವೇಳೆ ಮನೆಯಲ್ಲೆ ಮೈಲ್ಡ್‌ ಆಗಿ ಬಿಸಿನೀರಿನ ಸ್ಟೀಮ್‌ ತೆಗೆದುಕೊಂಡರೆ ಉತ್ತಮ ಎಂಬುದು ಅವರ ಸಲಹೆ.