ಸೀಸನ್‌ಗೆ ಕಲರ್‌ಫುಲ್‌ ಫಂಕಿ ಗ್ಲ್ಲೌವ್ಸ್‌

ಚಳಿಗಾಲದಲ್ಲಿ ಕೈಗಳನ್ನು ಬೆಚ್ಚಗಿರಿಸುವ ಸೀಸನ್‌ ಫ್ಯಾಷನ್‌ ಫಂಕಿ ಗ್ಲ್ಲೌವ್ಸ್‌ ಮಾರುಕಟ್ಟೆಯಲ್ಲಿ ಅನಾವರಣಗೊಂಡಿದೆ.



ನೇತ್ರಾವತಿ ಕೃಷ್ಣಮೂರ್ತಿ

ಚಳಿಗಾಲದ ಉಡುಪಿಗೆ ಮ್ಯಾಚ್‌ ಆಗುವಂಥ ವಿವಿಧ ವಿನ್ಯಾಸದ ಕಲರ್‌ಫುಲ್‌ ಫಂಕಿ ಗ್ಲ್ಲೌವ್ಸ್‌ ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ. ಕೈಗಳನ್ನು ಬೆಚ್ಚಗಿರಿಸಿ ಚರ್ಮಕ್ಕೆ ರಕ್ಷಣೆ ನೀಡುವುದರ ಜತೆ ಫ್ಯಾಷನಬಲ್‌ ಲುಕ್‌ ನೀಡುವಂಥ ಫಂಕಿ ಗ್ಲೌವ್ಸ್‌ ಎಲ್ಲಾ ವಯೋಮಾನದವರನ್ನೂ ಸೆಳೆಯುತ್ತಿದೆ.

ಎಲಿಗೆಂಟ್‌ ಲುಕ್‌

ಮಿಷನ್‌ ಮತ್ತು ಹ್ಯಾಂಡ್‌ಮೇಡ್‌ ವರ್ಕ್‌ ಇರುವ ಮೃದುವಾದ ಫಂಕಿ ಗ್ಲೌವ್ಸ್‌ನಲ್ಲಿ ಫಿಂಗರ್‌ ಫುಲ್‌, ಫಿಂಗರ್‌ ಲೆಸ್‌ ಮತ್ತು ಬೆರಳುಗಳಿಂದ ಮೊಣಕೈವರೆಗೂ ಇರುವಂಥವು ಟ್ರೆಂಡಿಯಾಗಿವೆ. ಸಿಂಗಲ್‌, ಮಲ್ಟಿಕಲರ್‌, ಮಿಕ್ಸ್‌ ಕಲರ್‌, ರೇನ್‌ಬೋ ಕಲರ್‌, ಫೋಲ್ಕಾ ಡಾಟ್ಸ್‌ ರೆಟ್ರೋ ಸ್ಟೈಲ್‌ ಗ್ಲೌವ್ಸ್‌, ಮಿನಿ ಡಾಟ್‌, ಲೆಪರ್ಡ್‌ ಪ್ರಿಂಟ್‌, ಫರ್‌ ವ್ರಿಸ್ಟ್‌ ಫಂಕಿ ಗ್ಲೌವ್ಸ್‌ ಎಲಿಗೆಂಟ್‌ ಲುಕ್‌ ನೀಡುತ್ತವೆ ಎನ್ನುತ್ತಾರೆ ಡಿಸೈನರ್‌ ಅಂಜಲಿ.

ಹ್ಯಾಂಡ್‌ಮೇಡ್‌ ಫಂಕಿ ಗ್ಲೌವ್ಸ್‌

ಹೂವು, ಎಲೆ, ಚಿಟ್ಟೆ, ಪಕ್ಷಿ, ಪ್ರಾಣಿಯ ಪುಟ್ಟ ಮುಖ, ಕಿವಿ, ಕಣ್ಣು, ಬಾಯಿ ಇರುವ ಹ್ಯಾಂಡ್‌ಮೇಡ್‌ ವರ್ಕ್‌ ಇರುವ ಫಂಕಿ ಗ್ಲೌವ್ಸ್‌ ಆಕರ್ಷಕವಾಗಿದ್ದು ಮಹಿಳೆಯರನ್ನು ಹಾಗೂ ಮಕ್ಕಳನ್ನು ಹೆಚ್ಚಾಗಿ ಸೆಳೆಯುತ್ತಿವೆ. ಮೆತ್ತನೆಯ ಬಣ್ಣ ಬಣ್ಣದ ಉಲ್ಲರ್‌ ದಾರಗಳನ್ನು ಬಳಸಿ ವರ್ಕ್‌ ಮಾಡಿರುವ ಕಲರ್‌ಫುಲ್‌ ಹ್ಯಾಂಡ್‌ಮೇಡ್‌ ಗ್ಲೌವ್ಸ್‌ಗೆ ಹೆಚ್ಚಿನ ಬೇಡಿಕೆ ಇದೆ ಎನ್ನುತ್ತಾರೆ ಮಾರಾಟಗಾರ ಸತೀಶ್‌. ಟೂ ವೀಲರ್‌ ಓಡಿಸುವವರಿಗಾಗಿಯೇ ನವೀನ ವಿನ್ಯಾಸದ ಹ್ಯಾಂಡ್‌ಮೇಡ್‌ ನೆಟೆಡ್‌ ಫಂಕಿ ಗ್ಲೌವ್ಸ್‌ ರೂಪುಗೊಂಡಿವೆ.


ಧರಿಸುವವರಿಗೆ ಟಿಫ್ಸ್‌

- ರಾಂಗ್‌ ಮೆಟಿರಿಯಲ್‌ ಜತೆ ಫಂಕಿ ಗ್ಲೌವ್ಸ್‌ ಮ್ಯಾಚ್‌ ಮಾಡಬೇಡಿ.

-ನೀವು ಧರಿಸುವ ವಿಂಟರ್‌ ಉಡುಪಿಗೆ ಮ್ಯಾಚ್‌ ಆಗುವಂಥ ಫಂಕಿ ಗ್ಲ್ಲೌವ್ಸ್‌ ಖರೀದಿಸಿ.

-ನಿಮ್ಮ ಕೈಗಳ ಅಳತೆಗೆ ತಕ್ಕಂಥ ಗ್ಲ್ಲೌವ್ಸ್‌ ಕೊಂಡುಕೊಳ್ಳಿ.

-ಒದ್ದೆ ಆಗದಂತೆ, ಕೊಳೆಯಾಗದಂತೆ ಎಚ್ಚರವಹಿಸಿ.

-ಟೂ ವೀಲರ್‌ ಓಡಿಸುವವರು ಫರ್‌ ಇರುವ ಗ್ಲ್ಲೌವ್ಸ್‌ ಧರಿಸದಿರುವುದು ಉತ್ತಮ. ಏಕೆಂದರೆ ಧೂಳು, ಹೊಗೆ ಫರ್‌ಗಳಿಗೆ ಬೇಗ ಅಂಟಿಕೊಳ್ಳುತ್ತವೆ.