ಬೆನೆಟ್‌ ವಿವಿ ಸ್ಪೋರ್ಟ್ಸ್ ಡೇ: ಕ್ರೀಡಾ ಸ್ಫೂರ್ತಿ ಮೆರೆದ ಮಿಸ್‌ ಇಂಡಿಯಾ 2019 ಫೈನಲಿಸ್ಟ್ಸ್‌

ಗ್ರೇಟರ್‌ ನೋಯ್ಡಾದಲ್ಲಿರುವ ಬೆನೆಟ್‌ ವಿಶ್ವವಿದ್ಯಾಲಯದಲ್ಲಿ ಇತ್ತೀಚೆಗೆ ನಡೆದ ಸ್ಪೋರ್ಟ್ಸ್ ಡೇಯಲ್ಲಿ ಎಫ್‌ಬಿಬಿ ಫೆಮಿನಾ ಮಿಸ್‌ ಇಂಡಿಯಾ 2019ರ 30 ಫೈನಲಿಸ್ಟ್‌ಗಳು ಪಾಲ್ಗೊಂಡು ತಾವು ಸ್ಪೋರ್ಟ್ಸ್ಗೂ ಸೈ ಎಂದು ಸಾಬೀತುಪಡಿಸಿದರು.

Vijaya Karnataka Web

ದಿವ್ಯಾ ಕೌಶಿಕ್‌ ಮತ್ತು ರಿಯಾ ಶರ್ಮ

ತಮ್ಮ ಪರ್ಸನಾಲಿಟಿ ಮತ್ತು ಪರ್ಫೆಕ್ಟ್ ರಾರ‍ಯಂಪ್‌ ವಾಕ್‌ ಮೂಲಕ ಈಗಾಗಲೇ ಬಹುತೇಕ ಜನರನ್ನು ಇಂಪ್ರೆಸ್‌ ಮಾಡಿರುವ ಎಫ್‌ಬಿಬಿ ಕಲರ್ಸ್‌ ಫೆಮಿನಾ ಮಿಸ್‌ ಇಂಡಿಯಾ 2019ರ ಫೈನಲಿಸ್ಟ್‌ಗಳು ಇತ್ತೀಚೆಗೆ ಬೆನೆಟ್‌ ವಿವಿಯ ಕ್ರೀಡಾ ದಿನದಲ್ಲಿ ತಮ್ಮ ಕ್ರೀಡಾ ಕೌಶಲ್ಯ ಪ್ರದರ್ಶಿಸಿಯೂ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ. ವಿವಿಯ ವಿದ್ಯಾರ್ಥಿಗಳು ಈ ಚೆಲುವೆಯರಿಗೆ ವಿಶ್ಯಾವಿದ್ಯಾಲಯದ ವಿಶಾಲ ಕ್ಯಾಂಪಸ್‌ ಮತ್ತು ಕ್ರೀಡಾ ಸೌಲಭ್ಯಗಳ ಪರಿಚಯ ಮಾಡಿಕೊಟ್ಟು ಎಲ್ಲಾ ಪಂದ್ಯಗಳಲ್ಲೂ ಅವರನ್ನು ಹುರಿದುಂಬಿಸಿದ್ದು ವಿಶೇಷವಾಗಿತ್ತು.

ಸ್ಪೋರ್ಟಿವ್‌ ಸ್ಪಿರಿಟ್‌

ಬ್ಯಾಡ್ಮಿಂಟನ್‌ ಮತ್ತು ಬಾಸ್ಕೆಟ್‌ಬಾಲ್‌ ಸ್ಪರ್ಧೆಗಳಲ್ಲಿ ಪಾಲ್ಗೊಳ್ಳಲು ಈ ಬೆಡಗಿಯರು ಅರ್ಧ ಗಂಟೆಗಳ ವಾರ್ಮಿಂಗ್‌ಅಪ್‌ ಮಾಡಿ ಸಿದ್ಧರಾಗಿದ್ದರು. ಈ ಕುರಿತು ಮಾತನಾಡಿರುವ ಎಫ್‌ಬಿಬಿ ಕಲರ್ಸ್‌ ಫೆಮಿನಾ ಮಿಸ್‌ ಇಂಡಿಯಾ ತೆಲಂಗಾಣ 2019 ಸಂಜನಾ ವಿಜ್‌, ನನಗೆ ಆಟವಾಡಲು ಇಷ್ಟ. ಆದರೆ ಶಾಲಾ ಜೀವನ ಮುಗಿದ ಮೇಲೆ ನಾನು ಕ್ರೀಡೆಯಲ್ಲಿ ಪಾಲ್ಗೊಂಡೇ ಇಲ್ಲ. ಇಲ್ಲಿನ ಪಂದ್ಯಗಳೆಲ್ಲವೂ ಚಾಲೆಂಜಿಂಗ್‌ ಮತ್ತು ಕಠಿಣವಾಗಿದ್ದವು. ನಾನು ತುಂಬಾ ಎಂಜಾಯ್‌ ಮಾಡಿದೆ ಎಂದಿದ್ದಾರೆ.

ಕ್ರೀಡೆಯಲ್ಲೂ ಸ್ಟ್ರಾಂಗ್‌

ಎಫ್‌ಬಿಬಿ ಕಲರ್ಸ್‌ ಫೆಮಿನಾ ಮಿಸ್‌ ಇಂಡಿಯಾ ಜಮ್ಮು ಆ್ಯಂಡ್‌ ಕಾಶ್ಮೀರ್‌ 2019 ಟೈಟಲ್‌ ಪಡೆದಿರುವ ಮೇಘಾ ಕೌಲ್‌ ಮೂಲತಃ ರಾಷ್ಟ್ರೀಯ ಮಟ್ಟದ ಬಾಸ್ಕೆಟ್‌ ಬಾಲ್‌ ಆಟಗಾರ್ತಿಯೂ ಹೌದು. ಬಾಸ್ಕೆಟ್‌ ಬಾಲ್‌ ಸ್ಪರ್ಧೆಯಲ್ಲಿ ವಿಜೇತರಾದ ಬಳಿಕ ಅವರು ಈ ವಿಷಯವನ್ನು ತಿಳಿಸಿದ್ದು, ನನಗೆ ಮತ್ತೊಮ್ಮೆ ಬಾಸ್ಕೆಟ್‌ ಬಾಲ್‌ ಆಡಲು ಅವಕಾಶ ನೀಡಿದ ಬೆನೆಟ್‌ ಯುನಿವರ್ಸಿಟಿಗೆ ಮತ್ತು ಮಿಸ್‌ ಇಂಡಿಯಾ ಟೀಮ್‌ಗೆ ನಾನು ಸದಾ ಕೃತಜ್ಞಳಾಗಿರುತ್ತೇನೆ ಎಂದಿದ್ದಾರೆ.

ಆಲ್‌ರೌಂಡರ್ಸ್‌

ಬಾಸ್ಕೆಟ್‌ ಬಾಲ್‌, ಬ್ಯಾಡ್ಮಿಂಟನ್‌ ಮತ್ತು ಟೇಬಲ್‌ ಟೆನಿಸ್‌ ಪಂದ್ಯಗಳು ನಡೆದ ಬಳಿಕ ಮಿಸ್‌ ಇಂಡಿಯಾ ಫೈನಲಿಸ್ಟ್‌ಗಳು ಜಿಮ್‌ಗೆ ಹೋಗಿ ಸ್ಕ್ವಟ್ಸ್‌, ಲ್ಯೂಂಗ್ಸ್‌ ಮತ್ತು ವೇಟ್‌ ಲಿಫ್ಟಿಂಗ್‌ ವರ್ಕೌಟ್‌ಗಳನ್ನು ಮಾಡಿದರು. ಈಜು ಸ್ಪರ್ಧೆಯೊಂದಿಗೆ ಸ್ಪೋರ್ಟ್ಸ್ ಡೇ ಮುಕ್ತಾಯವಾಯಿತು.