ಹಬ್ಬಕ್ಕಿರಲಿ ಆಕರ್ಷಕ ಜಡೆ ಬಿಲ್ಲೆ ಸಿಂಗಾರ

ನೋಡಲು ಬಂಗಾರದಂತೆ ಕಾಣುವ ಈ ಜಡೆ ಬಿಲ್ಲೆಗಳು ನೋಡಲು ಮನಮೋಹಕವಾಗಿ ಕಾಣುತ್ತವೆ. ಈ ಹಿಂದೆ ರಾಯಲ್‌ ಫ್ಯಾಮಿಲಿಗಳಲ್ಲಿ ಮಾತ್ರ ಬಳಸುತ್ತಿದ್ದ ಬಂಗಾರದ ಜಡೆ ಬಿಲ್ಲೆ ಸಾಮಾನ್ಯರು ಹೆಚ್ಚಾಗಿ ಧರಿಸುತ್ತಿರಲಿಲ್ಲ.

ಇದೀಗ ಮದುವೆ ಮಾತ್ರವಲ್ಲ, ಸಮಾರಂಭಗಳಲ್ಲಿ ಹೂವಿನ ಡಿಸೈನರ್‌ ಜಡೆ ಹಾಕಿಕೊಂಡಾಗಲೂ ಇದನ್ನು ಜಡೆ ಮಧ್ಯೆ ಹಾಕಿಕೊಳ್ಳುವುದು ಸಾಮಾನ್ಯವಾಗಿದೆ.

' ಜಡೆ ಬಿಲ್ಲೆಗಳಲ್ಲಿ ಇದೀಗ ಎಥ್ನಿಕ್‌ ಶೈಲಿಯ ಗೋಲ್ಡ್‌ ಕೋಟೆಡ್‌ ಹಾಗೂ ಆರ್ಟಿಫಿಷಿಯಲ್‌ ಜಡೆ ಬಿಲ್ಲೆ ಕ್ಲಿಪ್‌ ಹಾಗೂ ಸಿಲ್ವರ್‌ ಜುವೆಲರಿ ಜಡೆ ಬಿಲ್ಲೆಗಳು ಹೆಚ್ಚು ಪಾಪುಲರ್‌ ಆಗಿವೆ. ಮಾನಿನಿಯರು ಹಬ್ಬದಲ್ಲಿ ಇವನ್ನು ಧರಿಸುವುದು ಸಾಮಾನ್ಯವಾಗಿದೆ' ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಪರ್ಟ್‌ ಜ್ಯೋತಿ.

ಅವರ ಪ್ರಕಾರ, ಪ್ರತಿ ಹಬ್ಬದಲ್ಲೂ ಇವನ್ನು ಹೇರ್‌ಸ್ಟೈಲ್‌ಗೆ ತಕ್ಕಂತೆ ಧರಿಸಬಹುದು. ಇನ್ನು ತುರುಬಿನ ಮಧ್ಯೆ ಇವನ್ನು ಧರಿಸಿದಲ್ಲಿ ನೋಡಲು ಆಕರ್ಷಕವಾಗಿ ಕಾಣುತ್ತವಂತೆ.